ໃນວັນທີ 8 ຕຸລາ 2024, ພົຕ ຈູມມະນີ ວົງມະນີ ຫົວໜ້າກົມໃຫຍ່ສັນຕິບານ ຜູ້ຊີ້ນຳຈຸດປ້ອງກັນຫໍປະຊຸມແຫ່ງຊາດ ໄດ້ກ່າວວ່າ ພາຍຫຼັງທີ່ກະຊວງປ້ອງກັນຄວາສະຫງົບ ໄດ້ກະ ກຽມຄວາມພ້ອມດ້ານຕ່າງໆໃນການປ້ອງກັນກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວ ໄດ້ຮັບກຽດເປັນເຈົ້າພາບ ມາຮອດປະຈຸດບັນ ຄະນະຮັບຜິດຊອບປ້ອງ ກັນຢູ່ຫໍປະຊຸມແຫ່ງຊາດ ໄດ້ກຳລັງທັງ 2 ກຳລັງ ປ້ອງກັນຊາດ-ປ້ອງກັນຄວາມສະຫງົບ ໂດຍໄດ້ນຳໃຊ້ກຳລັງເຫຼົ່າຫຼົບວິຊາສະ ເພາະຫຼາຍພາກສ່ວນທີ່ກ່ຽວຂ້ອງຂອງກຳລັງປ້ອງກັນຊາດ-ປ້ອງ ກັນຄວາມສະຫງົບ, ພ້ອມອຸປະ ກອນພາຫະນະ ແລະ ອື່ນໆ ທີ່ຈຳເປັນ ແລະ ສຳຄັນຈຳນວນໝຶ່ງ.
ນັບແຕ່ວັນທີ່ 4 ຕຸລາ 2024 ຮອດປະຈຸບັນ ກຳລັງປ້ອງກັນຊາດ-ປ້ອງກັນຄວາມສະຫງົບ ທັງວົງໃນ ແລະ ວົງນອກຫໍປະຊຸມແຫ່ງຊາດ ແລະ ອ້ອມຂ້າງຫໍປະຊຸມແຫ່ງຊາດ ໄດ້ຈັດຕັ້ງເວນຍາມຕະຫຼວດ 24 ຊົ່ວໂມງ ຢ່າງເຂັ້ມງວດ, ເຊິ່ງຄະນະນຳຂອງກະຊວງປ້ອງກັນຄວາມສະຫງົບທີ່ເປັນຄະນະຮັບຜິດຊອບກໍ່ໄດ້ເຄື່ອນໄຫວ ຕິດຕາມ, ກວດກາການປະຈຳການວຽກງານຂອງທຸກພາກຢ່າງເປັນປະຈຳ, ເພື່ອຮັບປະກັນຄວາມເປັນລະບຽບຮຽບຮ້ອຍ, ຄວາມສະຫງົບ ແລະ ປອດໄພ ໃນໂອກາດທີ່ ສປປ ລາວ ເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 44,45 ແລະ ກອງປະຊຸມສຸດຍອດອື່ນໆທີ່ກ່ຽວຂ້ອງ.
