ວັນທີ 20 ພະຈິກ 2024, ກອງບັນຊາການ ປກສ ແຂວງຫົວພັນ ຈັດພິທີປະກາດຂໍ້ຕົກລົງລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການຖອນ ແລະ ແຕ່ງຕັ້ງຫົວໜ້າດ່ານ ຕມ ສາກົນນ້ຳໂສຍ ແລະ ດ່ານສາກົນ ປ່າຮ່າງ ແຂວງຫົວພັນ,ໃຫ້ກຽດເຂົ້າຮ່ວມມີ ພົຈວ ແອນ ອຸ່ນອານົງນຸດ ຮອງຫົວໜ້າກົມໃຫ່ຍສັນຕິບານ, ພົຈວ ເພັດສອນ ອິນສຸພັນ ຫົວ ໜ້າກອງບັນຊາການ ປກສ ແຂວງຫົວພັນ ພ້ອມດ້ວຍພະນັກງານຫຼັກແຫຼ່ງນາຍຕຳຫຼວດເຂົ້າຮ່ວມ.
ໃນພິທີ, ໄດ້ຜ່ານຂໍ້ຕົກລົງກະຊວງປ້ອງກັນຄວາມສະຫງົບ ສະບັບເລກທີ 3237/ ປກສ ລົງວັນທີ 18 ພະຈິກ 2024 ວ່າດ້ວຍການຖອນນາຍຕໍາຫຼວດທີ່ຂຶ້ນກັບກົມໃຫ່ຍສັນຕີບານ ຂໍ້ຕົກລົງ ສະບັບເລກທີ 3238/ປກສ ລົງວັນທີ 18 ພະຈິກ 2024 ວ່າດ້ວຍການແຕ່ງຕັ້ງນາຍຕຳຫຼວດທີ່ຂຶ້ນກັບກົມໃຫ່ຍສັນຕິບານ, ຂໍ້ຕົກລົງ ສະບັບເລກທີ 3140/ ປກສ ລົງວັນທີ 8 ພະຈິກ 2024 ວ່າດ້ວຍການ ແຕ່ງຕັ້ງນາຍຕຳຫຼວດ ທີ່ຂຶ້ນກັບກົມໃຫຍ່ສັນຕິບານ ຂໍ້ຕົກ ລົງສະບັບເລກທີ 3278/ສບ ລົງວັນທີ 9 ກັນຍາ 2024 ວ່າດ້ວຍການແຕ່ງຕັ້ງວິຊາການປະຈໍາຢູ່ດ່ານ ຕມ ສາກົນປ່າຮ່າງ ຂໍ້ຕົກລົງ ສະບັບເລກທີ 459/ ປກສ ຫພ ລົງວັນທີ 18 ພະ ຈິກ 2024 ວ່າດ້ວຍການແຕ່ງຕັ້ງນາຍຕຳຫຼວດທີ່ຂຶ້ນກັບກອງບັນຊາການ ປກສ ແຂວງຫົວພັນ. ໃນນີ້, ຖອນ ພັທ ໜູກອນ ແສງວິໄລພອນ ຈາກດ່ານ ຕມ ສາກົນນໍ້າໂສຍ ໄປຮັບໜ້າທີໃໝ່ຢູ່ກົມຕຳຫຼວດກວດຄົນເຂົ້າອອກ-ເມືອງ, ແຕ່ງຕັ້ງ ພັທ ຄອນສະຫວັນ ມະລິນໂທ ເປັນຫົວໜ້າດ່ານ ຕມ ສາກົນນໍ້າໂສຍ ແຂວງຫົວພັນ, ແຕ່ງຕັ້ງ ພັຕ ໄຊສົມພອນ ວົງເຮືອງຄຳ ເປັນຫົວໜ້າດ່ານ ຕມ ສາກົນປ່າຮ່າງ ແຂວງຫົວພັນ, ແຕ່ງຕັ້ງ ຮອ ສັງຄົມ ທອງສົມສະນິດ ເປັນວິຊາການ ດ່ານ ຕມ ປ່າຮ່າງ, ແຕ່ງຕັ້ງ ພັຕ ສິນ ບຸນມີໄຊ ເປັນຮອງດ່ານ ຕມ ປ່າຮ່າງ ພັຕ ຈັນຄຳ ພອນທະສຸກ ເປັນຮອງ ດ່ານ ຕມ ປ່າຮ່າງ, ຮອ ຄຳພັນ ສັງທອງ ເປັນຮອງດ່ານ ຕມ ປ່າຮ່າງ, ພັຕ ວອນສີ ນາມມະນີ ເປັນຫົວໜ້າໜ່ວຍງານຫ້ອງການ, ຮອ ພັນປະສິດ ອຸ່ນອາ ນົງນຸດ ເປັນຮອງໜ່ວຍງານ ຕມ ຮອ ຈິດຕະກອນ ເປັນຫົວໜ້າໜ່ວຍງານຕິດຕາມເປົ້າໝາຍ ແລະ ສັງເກດການ, ຮອ ສຸລິຍາ ຈັນສຸລິ ເປັນຫົວໜ້າໜ່ວຍງານປະສານງານຄຸ້ມຄອງຂໍ້ມູນຂ່າວສານ ແລະ ເຕັກນິກ.
ໂອກາດດັ່ງກ່າວ, ພົຈວ ແອນ ອຸ່ນອານົງນຸດ ຮອງຫົວໜ້າກົມໃຫ່ຍສັນຕິບານ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາສະຫາຍທີ່ໄດ້ຮັບການແຕ່ງຕັ້ງ ແລະ ຍົກຍ້າຍບ່ອນປະຈຳການໃໝ່; ເຊິ່ງໄດ້ຮັບຄວາມເຊື່ອໝັ້ນ ແລະ ຄວາມໄວ້ວາງໃຈຈາກຂັ້ນເທິງ, ພ້ອມທັງສະແດງຄວາມເຊື່ອໝັ້ນວ່າ ຜູ້ທີ່ໄດ້ຮັບການແຕ່ງຕັ້ງ ແລະ ຍົກຍ້າຍບ່ອນປະຈຳການໃໝ່ ຈະສຸມສະຕິປັນຍາ ນຳໃຊ້ຄວາມຮູ້ຄວາມສາມາດ ແລະ ເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານຂອງຕົນ ເພື່ອພັດທະນາວຽກງານຂົງເຂດຕົນຮັບຜິດຊອບ ໃຫ້ບັນລຸຜົນສຳເລັດຕາມແຜນການທີ່ວາງໄວ້.
