ໃນ ວັນທີ 8 ຕຸລາ 2024, ພົຈວ ພູທອນ ພົນໂພສີລາຫົງ ຮອງຫົວໜ້າ ກົມໃຫຍ່ພະລາທິ ການ ປກສ ຄະນະປູກລະດົມຂົນຂວາຍກໍ່ສ້າງຮາກຖານການເມືອງຢູ່ນະຄອນຫຼວງວຽງຈັນ ພ້ອມດ້ວຍຄະນະ ແລະ ທີມແພດໄດ້ລົງເຄື່ອນໄຫວຂຸກຍູ້ວຽກງານປ້ອງກັນຄວາມສະຫົງບແລະ ຊຸກຍູ້ວຽກງານພະລາທິການຢູ່ຈຸດປ້ອງກັນເມືອງສີໂຄດຕະບອງ, ເມືອງນາຊາຍທອງ, ເມືອງສັງທອງ ນະຄອນຫຼວງວຽງຈັນ.
ໃນໂອກາດດັ່ງກ່າວ, ທ່ານກໍໄດ້ນຳເຄື່ອງບໍລິໂພກ, ຢາປົວພະຍາດ ແລະ ກວດສຸຂະພາບໃຫ້ແກ່ກຳລັງທີ່ປະຈຳການແຕ່ລະຈຸດທີ່ເຮັດໜ້າທີ່ປ້ອງກັນຢູ່ບັນດາຈຸດ ຕ່າງໆໃນລະຍະທີ່ ສປປ ລາວ ເປັນເຈົ້າພາບ ຈັດກອງປະຊຸມສຸດຍອດອາຊຽນ ຄັ້ງທີ 44-45.
ນອກນັ້ນ, ທ່ານຍັງໄດ້ສະແດງຄວາມຢ້ຽມຢາມຖາມຂ່າວ ຄວາມເປັນຢູ່ໃນແຕ່ລະຈຸດປ້ອງ ກັນໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະ ແລະ ໄດ້ຮັບຟັງການລາຍງານການຈັດຕັ້ງປະຕິບັດໜ້າທີ່ປ້ອງກັນເວນຍາມ ໂດຍພື້ນຖານແລ້ວແຕ່ລະຈຸດປ້ອງກັນແມ່ນຮັກສາໄດ້ຄວາມສະຫງົບປອດໄພຮອບດ້ານ.
