ກອງປະຊຸມໄດ້ຈັດຂື້ນຢ່າງເປັນທາງການ ໃນວັນທີ 9 ມັງ ກອນ 2025 ທີ່ສະໂມສອນກະຊວງປ້ອງກັນຄວາມສະ ຫງົບ ພາຍໃຕ້ການເປັນປະທານຂອງ ພົຕ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ, ມີບັນດາຫົວໜ້າ-ຮອງກົມໃຫຍ່, ກົມກອງອ້ອມຂ້າງກະຊວງ, ວິທະຍາຄານ, ຫ້ອງ, ວິທະ ຍາໄລ, ໂຮງຮຽນ ພ້ອມດວຍພະນັກງານຫຼັກແຫຼ່ງ ອ້ອມຂ້າງກົມໃຫຍ່ການເມືອງ ເຂົ້າຮ່ວມ.
ພົຕ ປອ ສຸວັນນີ ສີສຸພາບມີໄຊ ໄດ້ກ່າວເປີດກອງປະຊຸມ, ເຊິ່ງທ່ານໄດ້ໃຫ້ຮູ້ວ່າ: ໃນວາລະກອງປະຊຸມ ຈະໄດ້ຮັບຟັງການຜ່ານຮ່າງບົດສະຫຼຸບການເຄື່ອນໄຫວວຽກງານ ປະຈໍາປີ 2024 ແລະ ທິດທາງແຜນການວຽກງານຈຸດສຸມ ປີ 2025, ພ້ອມທັງການປະກອບຄໍາຄິດເຫັນຂອງຄະນະ ພັກ-ຄະນະບັນຊາ ກົມກອງອ້ອມຂ້າງກົມໃຫຍ່ການເມືອງ ເພື່ອເສີມຂະຫຍາຍດ້ານດີຜົນງານ ແລະ ຄົ້ນຄວ້າແກ້ໄຂດ້ານອ່ອນ-ຂໍ້ຄົງຄ້າງ ໃນການຈັດຕັ້ງປະຕິບັດວຽກງານ ໃນໄລຍະ 1 ປີຜ່ານມາ ກໍຄືການແກ້ໄຂວຽກງານຕົວຈິງໃຫ້ຖືກ ຕ້ອງຕາມທິດຊີ້ນໍາ, ທັນກັບສະພາບ, ຄວາມຮຽກຮ້ອງຕ້ອງ ການ ແລະ ຮັບປະກັນໃນການກຳນົດແຜນວຽກຈຸດສຸມໃນຕໍ່ໜ້າ ໃຫ້ແທດເໝາະກັບສະພາບ ການຕົວຈິງໃນແຕ່ລະໄລຍະໃຫ້ມີໝາກຜົນສູງສຸດ.
ທ່ານຍັງໄດ້ກ່າວຕື່ມວ່າ: ກອງປະຊຸມຈະໄດ້ດໍາເນີນໄປເປັນເວລາ 1 ວັນ, ເນື້ອໃນກວມເອົາຫຼາຍບັນຫາ, ແຕ່ເວລາມີຈຳກັດ; ດັ່ງນັ້ນ, ຈຶ່ງຮຽກຮ້ອງມາຍັງບັນດາສະຫາຍ ຈົ່ງຍົກສູງຄວາມຮັບຜິດຊອບ, ສຸມທຸກສະຕິປັນຍາເຂົ້າໃນການຄົ້ນຄ້ວາປະກອບຄໍາເຫັນ ເພື່ອເຮັດໃຫ້ກອງປະຊຸມເທື່ອນີ້ ໃຫ້ມີເນື້ອໃນຄົບຖ້ວນສົມບູນ ແລະ ມີບັນຍາກາດຟົດຟື້ນ.
