ພົຕ ປອ ສຸວັນນີ ສີສຸພາບມີໄຊ ຄະນະປະຈໍາພັກກະຊວງ ເລຂາອົງຄະນະພັກກົມໃຫຍ່ ຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ໂອ້ລົມໃນກອງປະຊຸມຄົບຄະນະບໍລິຫານງານພັກ ຄັ້ງທີ 9 ສະໄໝທີ 6 ຂອງອົງຄະນະພັກກົມໃຫຍ່ການເມືອງ ປ້ອງ ກັນຄວາມສະຫງົບ, ຈັດຂຶ້ນໃນວັນທີ 7 ມັງກອນ 2025 ວ່າ: ເພື່ອເຮັດສຳເລັດໜ້າທີ່ການເມືອງທີ່ພັກ-ລັດ ແລະ ປະຊາຊົນມອບໝາຍໃຫ້ບັນລຸໄດ້ບັນດາເນື້ອໃນ; ໃນປີ 2025 ນີ້ ຄະນະພັກ-ຄະນະບັນຊາທຸກຂັ້ນ ຕ້ອງເປັນເຈົ້າການ- ຍົກສູງຄວາມຮັບຜິດ ຊອບການເມືອງຂອງຕົນ ແລະ ສຸມທຸກເຫື່ອແຮງສະຕິປັນຍາເຂົ້າໃນການປັບປຸງກໍ່ ສ້າງພັກ-ກໍ່ສ້າງກຳລັງໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ ແລະ ມີແບບແຜນທັນສະໄໝເທື່ອລະກ້າວ, ໃຫ້ບັນລຸໄດ້ບັນດາເນື້ອໃນ, ທິດທາງ-ແຜນການວຽກງານຈຸດສຸມທີ່ກອງປະຊຸມກຳນົດໄວ້ ໂດຍເອົາໃຈໃສ່ປະຕິ ບັດ 6 ບັນຫາສຳຄັນດັ່ງນີ້.
1, ຖືເອົາວຽກງານສຶກສາອົບຮົມການເມືອງ-ແນວຄິດ ເປັນບູລິມະສິດສໍາຄັນຕົ້ນຕໍ ແລະ ນໍາໜ້າໃນທຸກຂົງເຂດວຽກງານ, ເຮັດຕໍ່ເນື່ອງ-ເປັນປະຈໍາ, ຫຼາຍຫຼົບຫຼາຍຕ່າວ ເຮັດດ້ວຍຄວາມ ຮັບຜິດຊອບສູງ, ກວ້າງຂວາງ-ເລິກເຊິ່ງ ຖືສໍາຄັນ ທາງດ້ານຮູບ ການ, ວິທີການ ແລະ ປັບປຸງເນື້ອໃນ ໃຫ້ມີຄວາມຄົມແຫຼມ-ຈັບອົກຈັບໃຈ, ເຮັດໃຫ້ຜູ້ຟັງບໍ່ເກີດຄວາມເບື່ອໜ່າຍ ແລະ ເຮັດສະເພາະເຈາະ ຈົງໃຫ້ຖືກກັບເປົ້າ ໝາຍ.
2, ຕັ້ງໜ້າປັບປຸງ-ກໍ່ສ້າງຂະຫຍາຍພັກ ໂດຍຍຶດໝັ້ນຕາມ 05 ຫຼັກການ 03 ທິດນໍາຂອງ ພັກ ແລະ ປະຕິບັດຕາມກົດລະບຽບພັກຢ່າງເຂັ້ມງວດ ຕິດພັນກັບການຄຸ້ມ ຄອງ, ຕິດຕາມ-ກວດກາ ແລະ ຊຸກຍູ້ບັນດາຮາກຖານພັກສ້າງໃຫ້ໄດ້ໜ່ວຍພັກ, ສະ ມາຊິກພັກປອດໃສ ເຂັ້ມແຂງ ໜັກແໜ້ນ ຢ່າງແທ້ຈິງ, ຫຼີກເວັ້ນການປະຕິບັດແບບ ຮູບການແລ່ນນໍາແຕ່ປະລິມານ ແລະ ບໍ່ຄໍານຶງເຖິງຄຸນ ນະພາບ.
ການຂຶ້ນແຜນກຳນົດ, ການບຳລຸງ-ກໍ່ສ້າງ, ຊັບຊ້ອນຈັດວາງ ແລະ ການປັບປຸງກົງ ຈັກ – ການຈັດຕັ້ງພັກ-ລັດໃຫ້ເຂັ້ມແຂງ, ກະທັດຮັດ, ມີປະສິດທິຜົນ, ກຳນົດຕຳ ແໜ່ງງານລະອຽດຈະແຈ້ງ, ເປັນລະບົບຄົບຊຸດ ແລະ ຄຸ້ມຄອງທາງດ້ານສະຖິຕິພະ ນັກງານໃຫ້ຖືກຕ້ອງ-ຊັດເຈນ.
ເອົາໃຈໃສ່ກໍ່ສ້າງກໍາລັງໃຫ້ມີຄຸນທາດການເມືອງໜັກແໜ້ນ, ຄວາມຮູ້-ຄວາມສາ ມາດ ແລະ ຄຸນສົມບັດສິນທໍາປະຕິວັດ ໂດຍສະເພາະແມ່ນເລັ່ງໃສ່ບຳລຸງ-ກໍ່ສ້າງນັກຮຽນ-ນັກສຶກສາ ຂອງກໍາລັງ ປ້ອງກັນຄວາມສະຫງົບ ໃຫ້ມີຄຸນນະພາບ, ກາຍ ເປັນມືອາຊີບ ແລະມີລະບຽບວິໄນ ສາມາດຕອບສະ ໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.
ນໍາພາວຽກງານອົງການຈັດຕັ້ງມະຫາຊົນ: ໂດຍເລີ່ມຈາກການນໍາພາສຶກສາຮົບຮົມ ການເມືອງ-ແນວຄິດ, ປັບປຸງການຈັດຕັ້ງ-ແບບແຜນການເຄື່ອນໄຫວ ແລະ ສ້າງເງື່ອນໄຂໃຫ້ອົງ ການຈັດຕັ້ງດັ່ງກ່າວໄດ້ເຄື່ອນໄຫວຕາມພາລະບົດບາດ, ສິດໜ້າທີ່ຂອງຕົນ ບົນພື້ນຖານຍູ້ແຮງ ຂະບວນການປະຕິບັດຂໍ້ແຂ່ງຂັນ 3 ດີ 4 ບຸກ ແລະ 5 ເປັນເຈົ້າ ໃຫ້ມີຜົນສໍາເລັດ.
3, ເພີ່ມທະວີນໍາພາ-ຊີ້ນໍາການຈັດຕັ້ງປະຕິບັດນະໂຍບາຍ ແລະ ປະກັນສັງຄົມ ໂດຍຖືເອົາ ການປະຕິບັດນະໂຍບາຍ ຕໍ່ພະນັກງານປະຕິວັດອາວຸໂສ-ບຳນານ, ພະນັກງານປະຈຳການເຂດທີ່ ຫຍຸ້ງຍາກຫ່າງໄກສອກຫຼີກ ຕ້ອງໄດ້ຮັບຄວາມເອົາໃຈໃສ່ປະຕິບັດນະໂຍບາຍດ້ານຕ່າງໆຢ່າງເໝາະສົມ ແລະ ທົ່ວເຖິງ; ຄຸ້ມຄອງ, ຕິດຕາມ-ກວດກາ-ຊຸກຍູ້ສະພາການແພດ, ຫົວໜ່ວຍປະກັນສັງຄົມ ແລະ ບັນດາໂຮງໝໍທີ່ຜູ້ປະກັນຕົນເກີດສິດ ໃຫ້ປະຕິບັດຕາມກົດໝາຍ ແລະ ຄຸ້ມຄອງການເບີກຈ່າຍເງິນ ປະກັນສັງຄົມ ຕາມລະບຽບການ ຢ່າງເຂັ້ມງວດ.
4, ເພີ່ມທະວີການນໍາພາ-ຊີ້ນໍາວຽກງານກວດກາພັກຢ່າງແຂງແຮງ ແລະ ເອົາໃຈໃສ່ຄຸ້ມຄອງ, ຕິດຕາມ, ກວດກາການເຄື່ອນໄຫວຂອງຄະນະພັກແຕ່ລະຂັ້ນ, ສະມາຊິກພັກແຕ່ລະສະຫາຍ ແລະກວດກາການເງິນຂອງພັກ ໃຫ້ເປັນປົກກະຕິ ຕິດພັນການກວດກາ-ຄຸ້ມຄອງ-ປ້ອງກັນ ແລະ ສະກັດ ກັ້ນປະກົດການຫຍໍ້ທໍ້ໃນຖັນແຖວສະມາ ຊິກພັກ, ນາຍ ແລະ ພົນຕໍາຫຼວດ ໃນກົມໃຫຍ່ການເມືອງ ປກສ ໃຫ້ມີປະສິດທິຜົນ.
5, ເອົາໃຈໃສ່ການເປັນເສນາທິການໃຫ້ຄະນະພັກ-ຄະນະນໍາເປັນຕົ້ນ: ວຽກງານສັງ ລວມ ສະພາບການຮອບດ້ານການປະສານງານ, ນໍາພາ-ຊີ້ນໍາວຽກງານພະລາທິການ-ແກ້ໄຂຊີວິດການເປັນຢູ່ ໃຫ້ສາມາດເປັນກົມກອງເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ.
6, ເອົາໃຈໃສ່ປັບປຸງແບບແຜນວິທີການເຮັດວຽກ ຂອງຄະນະພັກ-ຄະນະບັນຊາທຸກຂັ້ນໃຫ້ຫັນເຂົ້າສູ່ຫຼັກການ ເອກະພາບພາຍໃນ, ເປັນຕົ້ນປະຕິບັດຫຼັກການລວມສູນປະຊາທິປະໄຕຂອງພັກ, ຄວາມສາມັກຄີເປັນ ມີການປຶກສາຫາລືວຽກງານສໍາຄັນເປັນໝູ່ຄະນະ, ແບ່ງຄວາມຮັບຜິດຊອບໃຫ້ ແຕ່ລະສະຫາຍໃນຄະນະພັກ ຕາມຄວາມເໝາະສົມ, ພ້ອມທັງຍົກສູງຄວາມຮັບຜິດຊອບ ຊຸກຍູ້ສົ່ງເສີມ ແນວຄິດບຸກຄົນ ກ້າຄິດ, ກ້າເຮັດ ແລະ ກ້າຮັບຜິດຊອບຢ່າງມີວິໄສທັດທີ່ແທ້ຈິງ.
ທັງໝົດນັ້ນ, ເຊື່ອໝັ້ນວ່າ ຄະນະພັກ-ຄະນະບັນຊາແຕ່ລະຂັ້ນ ຈະພະຍາຍາມ-ສຸມທຸກສະຕິປັນຍາ ແລະ ຊອກຫາວິທີການ ທີ່ເໝາະສົມ ເຂົ້າໃນການຄົ້ນຄວ້າແກ້ໄຂບັນຫາທີ່ຍັງຂາດຕົກບົກຜ່ອງ, ສ້າງໃຫ້ກົມກອງມີການ ຫັນປ່ຽນໃນທາງທີ່ດີຂຶ້ນ ເພື່ອເປັນການປະກອບສ່ວນຢ່າງຕັ້ງໜ້າ ເຂົ້າໃນການຍົກສູງບົດບາດຄວາມ ສາມາດນໍາພາ ແລະ ລັກສະນະນໍາໜ້າຂອງພັກ, ເຮັດໃຫ້ການຈັດຕັ້ງປະຕິບັດທິດທາງແຜນການວຽກງານຈຸດສຸມ ຂອງກອງປະຊຸມຄົບຄະນະຄັ້ງນີ້ ໃຫ້ໄດ້ຮັບຜົນສໍາເລັດຢ່າງຈົບງາມ.
