ກົມສື່ສານ ກະຊວງປ້ອງກັນຄວາມສະຫງົບ ໄດ້ຈັດພິທີປາຖະກະຖາມູນເຊື້ອວັນສ້າງຕັ້ງກໍາລັງສື່ສານ ຄົບຮອບ 58 ປີ ( 11 ມັງກອນ 1961- 11 ມັງກອນ 2025 ) ໃນວັນທີ 10 ມັງກອນ 2025 ເປັນປະທານ ແລະ ປາຖະກະຖາໂດຍ ພົຈວ ແສງປະເສີດ ສຸທໍາມະວົງ ຫົວ ໜ້າກົມສື່ສານ, ມີຄະນະພັກ-ຄະນະກົມ, ຫ້ອງ, ຄ້າຍ, ພະແນກ, ນາຍ ແລະ ພົນຕໍາຫຼວດເຂົ້າຮ່ວມ.
ພົຈວ ແສງປະເສີດ ສຸທໍາມະວົງ ໄດ້ຍົກໃຫ້ເຫັນເຖິງການເຕີບໃຫຍ່ຂະຫຍາຍຕົວຂອງກໍາລັງສື່ສານນັບແຕ່ວັນສ້າງຕັ້ງ ຈົນເຖິງປັດຈຸ ບັນໃຫ້ຮູ້ວ່າ: ນັບແຕ່ກອງປະຊຸມຄົບຄະນະຊີ້ນຳສູນກາງພັກ ໄດ້ຕົກລົງສ້າງຕັ້ງກໍາລັງປ້ອງກັນຄວາມສະຫງົບໃນ ວັນທີ່ 5 ເມສາ 1961 ຢູ່ທີ່ຄັງໄຂ ເມືອງແປກ ແຂວງຊຽງຂວາງ ດ້ວຍຄວາມຈໍາເປັນຂອງການຕິດຕໍ່ສື່ສານຮັບໃຊ້ການນໍາ, ຄະນະຫ້ອງສັນຕິລາດຈຶ່ງໄດ້ຕົກລົງສ້າງຈຸງານສື່ສານ ໜຶ່ງຂຶ້ນ ໃນວັນທີ 11 ມັງກອນ 1967 ໃນການປ້ອງກັນກອງປະຊຸມເສດຖະກິດ ຢູ່ບ້ານຖໍ້າເມືອງງ່າ ເມືອງ ວຽງໄຊ ແຂວງຫົວພັນ ຊີ້ນໍາໂດຍທ່ານ ຊົມຊື່ນ ຄຳພິທູນ ຫົວໜ້າຫ້ອງການສັນຕິລາດ. ນັບແຕ່ມື້ກຳລັງປ້ອງກັນຄວາມສະຫງົບປະຊາຊົນລາວ ກຳເນີດເກີດຂຶ້ນ ກໍາລັງສື່ສານກໍແມ່ນພາກສ່ວນໜຶ່ງ ໄດ້ປະກອບສ່ວນເຂົ້າໃນຜົນງານລວມຂອງກະຊວງປ້ອງກັນຄວາມ ສະຫງົບ ຍາດມາໄດ້ໃນແຕ່ໄລຍະ ໂດຍແມ່ນການປະຕິວັດຊາດ, ປະຊາທິປະໄຕ, ປົກປັກຮັກສາ ແລະ ສ້າງສາພັດນາປະເທດ ຊາດ ກຳລັງປ້ອງກັນຄວາມສະຫງົບ ເວລາໃດກໍ່ໄດ້ຄຽງບ່າຄຽງໄຫຼ່ກັບພາກສ່ວນອື່ນໆ ທັງເຮັດວຽກງານສູ້ຮົບຕີສັດຕູ, ທັງເຮັດວຽກ ງານວິຊາສະເພາະ, ຜ່ານຂະບວນການດັ່ງກ່າວ ພະນັກງານ ນັກຮົບສື່ສານໄດ້ມີຄວາມເຕີບໃຫຍ່ເຂັ້ມແຂງ ທາງດ້ານຈໍານວນພົນ ແລະ ຄຸນນະພາບ, ບໍ່ສະເພາະແຕ່ສູນກາງຮອດທ້ອງຖິ່ນ ມີຫຼາຍສະຫາຍໄດ້ກາຍເປັນພະນັກງານຫຼັກແຫຼ່ງຂອງກຳລັງປ້ອງກັນຄວາມສະຫງົບ ຈາກ ເມື່ອກ່ອນພະນັກງານທີ່ຖືກແຕ່ງຕັ້ງໃຫ້ເຮັດວຽກສື່ສານມີພຽງແຕ່ 04 ສະຫາຍ, ປະຈຸບັນພວກເຮົາມີ ພະນັກງານທີ່ເຮັດວຽກງານສື່ສານຂອງກໍາລັງປ້ອງກັນຄວາມສະຫງົບ ໃນທົ່ວປະເທດມີເຖິງ 592 ສະຫາຍ ຍິງ 167 ສະຫາຍ, ຕາໜ່າງຕິດຕໍ່ສື່ສານເມື່ອກ່ອນ ໄດ້ນໍາໃຊ້ເຄື່ອງເກົ່າແກ່, ມາເຖິງປະຈຸບັນພວກເຮົາໄດ້ນໍາໃຊ້ເຄື່ອງ ທີ່ມີລັກສະນະທີ່ທັນສະໄໝ, ຕາໜ່າງຕິດຕໍ່ສື່ສານທົ່ວປະເທດມີ 258 ຫ້ອງສາຍ, ລະບົບປ້ອງກັນຕົວ ເມືອງ (ໂຟນີ) ມີ 150 ຈຸດທົ່ວປະເທດມີກຸ່ມຕິດຕໍ່ອ້ອມຂ້າງກະຊວງມີ 50 ກຸມຕິດຕໍ່, ບັນດາ ປກສ ແຂວງ, ເມືອງ ແລະ ດ່ານສາກົນ ມີ 202 ກຸ່ມຕິດຕໍ່, ໂທລະສັບມີ 02 ລະບົບ, ລະ ບົບພາຍໃນ 06 ຕົວ ເລກສະເພາະກະຊວງມີ 580 ເລກໝາຍ, ໂທລະສັບທີ່ເຊົ່າໃຊ້ນໍາບໍລິສັດໂທສະຄົມມີ 160 ເລກໝາຍ, ຢູນີເທວ ມີ 475 ເລກໝາຍ, ລະບົບແຟັກມີ 56 ເລກໝາຍ, ຕິດຕັ້ງເບີສຸກເສີນ 1190, 1191 ໃຫ້ ປກສ ແຂວງໃນທົ່ວປະເທດ, ໄດ້ຕິດຕັ້ງກ້ອງວົງຈອນປິດໃນທົ່ວນະຄອນຫຼວງ 1.440 ຕາກ້ອງ ລະບົບແຈ້ງເຫດ ສຸກເສີນ 100 ຈຸດ, ກອງຖ່າຍພາບ 28 ຈຸດ, ກອງບັນຊາການ ປກສ ແຂວງຊຽງ 218 ຕາກ້ອງ ແລະ ກອງບັນຊາການແຂວງຫຼວງພະບາງ 100 ຕາກ້ອງ. ຕະຫຼອດໄລຍະ 58 ປີ ກໍາລັງສື່ສານໄດ້ປະກອບສ່ວນເຄື່ອນໄຫວຕິດຕໍ່ສື່ສານຮັບໃຂຊ້ການນໍາ, ສົ່ງເອກະສານທີ່ສໍາຄັນຮັກສາຄວາມລັບ ເປັນເຈົ້າການປະກອບສ່ວນເຂົ້າຮ່ວມຂະບວນການລວມຂອງຊາດ ການເຂົ້າ ຮ່ວມແຕ່ລະຄັ້ງແມ່ນມີຜົນສໍາເລັດ 100%.
ຈາກຜົນງານ ແລະ ໄຊຊະນະທີ່ຍາດມາໄດ້ຄືດັ່ງກ່າວນັ້ນ ໂດຍໄດ້ຮັບຄວາມເຊື່ອໝັ້ນ, ໄວ້ວາງໃຈຈາກ ພັກ-ລັດຄວາມບໍລິສັດຊື່ ແລະ ນໍ້າໃຈປະຕິວັດທີ່ໜັກແໜ້ນໃນນັ້ນ ພັກ-ລັດຖະບານໄດ້ມອບການຍ້ອງຍໍໃຫ້ ແກ່ກຳລັງສື່ສານຄື: ທຸງໄຊຊະນະເລີດຊັ້ນ III 1 ຜືນ, ຫຼຽນໄຊອິດສະຫຼະຊັ້ນ III 1 ໜ່ວຍ, ຫຼຽນໄຊແຮງ ງານຊັ້ນ II 5 ໜ່ວຍ, ໃບຍ້ອງຍໍປະເພດຕ່າງໆ 17 ໃບ, ທຸງທີ່ລະນຶກເຫຼົ່າລົບສື່ສານຄົບຮອບ 35 ປີ ແລະ 40 ປີ ຂອງຂັວນວັນສ້າງຕັ້ງກອງທັບປະຊາຊົນລາວ 2 ຜືນ, ນອກ ຈາກກົມກອງລວມໝູ່ແລ້ວ ຍັງມີບັນດາ ຫ້ອງ, ພະແນກ ແລະ ບຸກຄົນກໍໄດ້ຮັບການຍ້ອງຍໍໃນຫຼາຍລະດັບເຊັ່ນ: ຫຼຽນໄຊພິລາດອາດຫານຊັ້ນ II 2 ໜ່ວຍ, ຫຼຽນໄຊພິລາດອາດຫານຊັ້ນ III 2 ໜ່ວຍ, ຫຼຽນໄຊແຮງງານຊັ້ນ I 15 ໜ່ວຍ, ຫຼຽນໄຊແຮງງານ ຊັ້ນ II 128 ໜ່ວຍ, ຫຼຽນໄຊແຮງງານຊັ້ນ III 157 ໜ່ວຍ, ຫຼຽນກາ 176 ໜ່ວຍ, ໃບຍ້ອງຍໍປະເພດຕ່າງໆ 604 ໃບ, ຜົນງານການເຂົ້າຮ່ວມງານແຂ່ງຂັນກິລາລະດັບຕ່າງໆ ທີ່ກົມກອງຍາດມາໄດ້, ຫຼຽນຄໍາ 10 ຫຼຽນ , ຫຼຽນເງິນ 5 ຫຼຽນ, ຫຼຽນທອງ 2 ຫຼຽນຂັນລາງວັນຕ່າງໆ 15 ຂັນ.
