ໃນວັນທີ 7 ມັງກອນ 2025 ນີ້, ຫ້ອງພະລາທິການຈັດກອງປະຊຸມປິດບັ້ນດຳເນີນຊີວິການເມືອງ ປະຈຳປີ 2024 ແລະ ທາບທາມປະເມີນຜົນພະນັກງານ ນຳພາ-ບັນຊາ ຢູ່ສະໂມ ສອນກອງບັນຊາການ ໂດຍການເປັນປະທານຂອງ ສະ ຫາຍ ພົຈວ ສົມຄິດ ດວງພະຈັນ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງວຽງຈັນ ມີແຂກຖືກເຊີນ ພ້ອມດ້ວຍພະນັກງານ-ນັກຮົມ ພາຍໃນຫ້ອງເຂົ້າຮ່ວມ.
ສະຫາຍ ພັທ ໄຊຍະເດດ ພົງສິລິ ເລຂາຄະນະພັກຮາກ ຖານ ຫົວໜ້າຫ້ອງພະລາທິການ ປກສ ແຂວງວຽງຈັນ ຂຶ້ນຜ່ານບົດສະຫຼຸບຜົນສຳເລັດການຈັດຕັ້ງດຳເນີນຊີວິດການເມືອງ ປະຈໍາປີ 2024 ຜ່ານການເຊື່ອມຊຶມເອກະສານ ເຫັນວ່າ ນາຍ ແລະ ພົນຕຳຫຼວດ ສ່ວນຫຼາຍ ມີຄວາມຮັບ ຮູ້, ເຂົ້າໃຈແຈ້ງ ເຊິ່ງສະແດງອອກໃນການຂຽນບົດສໍາຫຼວດ ຂອງຫຼາຍສະຫາຍ ແມ່ນໄດ້ຕີລາຄາດ້ານດີ, ດ້ານອ່ອນຂໍ້ຄົງຄ້າງຂອງຕົນເອງຢ່າງຈະແຈ້ງ, ແທດເໝາະກັບໜ້າທີ່ຄວາມຮັບຜິດຊອບຕົວຈິງ, ການດໍາເນີນຊີວິດການເມືອງເຫັນວ່າ ເປັນຂະບວນການຟົດຟື້ນ, ບໍ່ເຄັ່ງຕຶງ, ມີລັກສະນະສ້າງສັນ, ມີຄວາມຈິງໃຈປະກອບຄໍາເຫັນ ຕໍານິສົ່ງຂ່າວຊ່ວຍເຫຼືອຊຶ່ງກັນ ແລະ ກັນ, ບັນດາຄໍາຄິດຄໍາເຫັນ ລ້ວນແຕ່ເປັນທີ່ຍອມ ຮັບເອົາໄດ້, ສາມາດຮັກສາໄດ້ຄວາມສາມັກຄີເປັນເອກະ ພາບພາຍໃນ, ບັນດາສະຫາຍທີ່ຖືກຕໍານິສົ່ງຂ່າວກໍລ້ວນແຕ່ຈິງໃຈຍອມຮັບເອົາເພື່ອນໍາໄປປັບປຸງປ່ຽນແປງຕົນເອງ.
ຜ່ານການດຳເນີນຊີວິດການເມືອງ ພວກເຮົາສາມາດຕີລາ ຄາດ້ານດີຂອງນາຍ ແລະ ພົນຕຳຫຼວດ ໄດ້ດັ່ງນີ້: ນາຍ ແລະ ພົນຕຳຫຼວດສ່ວນຫຼາຍ ຍັງຮັກສາໄດ້ຄຸນທາດການເມືອງທີ່ໜັກແໜ້ນ, ບໍ່ຄອນແຄນຕໍ່ສະພາບການຕ່າງໆ, ຍັງມີຄວາມເຊື່ອໝັ້ນຕໍ່ການນໍາພາຂອງ ພັກ-ລັດ ຈົງຮັກພັກດີຕໍ່ປະເທດ ຊາດ ແລະ ປະຊາຊົນ, ນາຍ ແລະ ພົນຕຳຫຼວດ ສ່ວນຫຼາຍ ແມ່ນມີຄວາມເປັນເອກະພາບສູງ ຕໍ່ແນວທາງປ່ຽນແປງໃໝ່ຂອງພັກ, ຢຶດໝັ້ນອຸດົມການສັງຄົມນິຍົມ, ຮັກສາໄດ້ຄວາມສາມັກຄີພາຍໃນ, ມີສະຕິເຄົາລົບ, ເອົາໃຈໃສ່ໃນການປະຕິ ບັດມະຕິ, ຄຳສັ່ງ, ກົດໝາຍວ່າດ້ວຍ ກຳລັງປ້ອງກັນຄວາມສະຫງົບປະຊາຊົນ ກໍ່ຄື ລະບຽບຂອງກົມກອງວາງອອກ ຢ່າງເຂັ້ມງວດ; ມີຫຼາຍສະຫາຍໄດ້ຮັບຄວາມໄວ້ເນື້ອເຊື່ອ ໃຈ ຈາກການຈັດຕັ້ງຂັ້ນເທິງ ແລະ ສັງຄົມ, ນາຍ ແລະ ພົນຕຳຫຼວດ ສ່ວນຫຼາຍ ລ້ວນແລ້ວແຕ່ມີແບບແຜນວິທີເຮັດວຽກ ບົນພື້ນຖານຫຼັກການລວມສູນປະຊາທິປະໄຕ, ປຶກ ສາຫາລືເປັນເອກະພາບພາຍໃນໝູ່ຄະນະ, ປະຕິບັດລະ ບອບປະຊຸມ, ຕິດຕາມ ກວດກາ ແລະ ສ່ອງແສງລາຍງານ ເປັນປົກກະຕິ.
ພ້ອມນັ້ນ, ໃນກອງປະຊຸມກໍໄດ້ດຳເນີນການປ່ອນບັດທາບ ທາມປະເມີນຜົນພະນັກງານນຳພາ-ບັນຊາພາຍໃນຫ້ອງພະລາຕື່ມອີກ.
