ກອງປະຊຸມໃຫຍ່ຜູ້ແທນ ຄັ້ງທີ VII ຂອງອົງຄະນະພັກກອງບັນຊາການປ້ອງກັນທີ່ຕັ້ງ ກະຊວງ ປກສ ໄດ້ຈັດຂຶ້ນໃນວັນ ທີ 9 ມັງກອນ 2025, ໂດຍການເຂົ້າຮ່ວມຂອງ ສະຫາຍ ພົຕ ສົມວັນ ສາຍລ້ອງພາ ຄະນະປະຈຳພັກກະຊວງ ປະ ທານກວດກາພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີສະຫາຍເລຂາ-ຮອງເລຂາ, ຄະນະພັກ, ບັນດາສະຫາຍໜ່ວຍພັກ ແລະ ສະມາຊິກພັກສົມບູນເຂົ້າ ຮ່ວມ.
ກອງປະຊຸມ, ບັນດາຜູ້ແທນກອງປະຊຸມໄດ້ໃຊ້ສິດປະຊາທິ ປະໄຕຂອງຕົນ ລົງຄະແນນສຽງປ່ອນບັດເລືອກເອົາຄະນະ ພັກກອງບັນ ຊາການປ້ອງກັນທີ່ຕັ້ງ ຊຸດໃໝ່ ໂດຍມີຜູ້ລົງສະໝັກ ຈໍານວນ 13 ສະຫາຍ, ເລືອກເອົາ 11 ສະຫາຍ ເພື່ອສືບຕໍ່ນຳພາ-ຊີ້ນຳວຽກງານຮອບດ້ານຂອງກອງບັນຊາ ການປ້ອງກັນທີ່ຕັ້ງ, ເຊິ່ງຜ່ານການລົງຄະແນນສຽງເລືອກໄດ້ ສະຫາຍ ພັອ ຈັນທອນ ແກ້ວມະນີວົງ ເປັນເລຂາຄະ ນະພັກ, ສະຫາຍ ພັອ ກິຕັນ ໄພໂລດ ເປັນຮອງເລຂາ, ສະ ຫາຍ ພັອ ກ໋ອງແກ້ວ ກຸສານົນ ເປັນປະທານກວດກາພັກ ແລະ ອີກ 8 ສະຫາຍເປັນຄະນະ.
ໂອກາດດັ່ງກ່າວ, ສະຫາຍ ພັອ ຈັນທອນ ແກ້ວມະນີວົງ ເລ ຂາຄະນະພັກ ຫົວໜ້າກອງບັນຊາການປ້ອງກັນທີ່ຕັ້ງ ໄດ້ຜ່ານຮ່າງບົດລາຍງານການເມືອງຂອງຄະນະບໍລິຫານພັກກອງບັນຊາການປ້ອງກັນທີ່ຕັ້ງ ສະໄໝທີ VI ໃຫ້ຮູ້ວ່າ: ຕະ ຫຼອດໄລຍະ 5 ປີຜ່ານມາ, ໄດ້ຕັ້ງໜ້າສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ນາຍ-ພົນຕຳຫຼວດ ໂດຍຖືເອົາການຈັດຕັ້ງເຊື່ອມຊຶມແນວທາງນະໂຍ ບາຍ, ມະຕິ, ຄໍາສັ່ງ, ກົດລະບຽບຂອງພັກ, ກົດໝາຍຂອງລັດ, ຂໍ້ກຳນົດລະບຽບວິໄນ ແລະ ມູນເຊື້ອຂອງພັກ, ຂອງຊາດ ແລະ ຂອງກຳລັງປ້ອງກັນຄວາມສະຫງົບ ແລະ ເອກະສານສຳຄັນອື່ນໆລວມທັງໝົດ 77 ຄັ້ງ, ເອົາໃຈໃສ່ກໍ່ສ້າງ ແລະ ປັບປຸງພັກຕາມ 5 ຫຼັກ ການ, 3 ທິດນໍາຂອງພັກ ຖືສໍາຄັນວຽກງານປັບປຸງ ແລະ ຂະຫຍາຍມະຫາ ຊົນກ້າວໜ້າເຂົ້າເປັນສະມາຊິກພັກຈໍານວນ 143 ສະຫາຍ ຍິງ 21 ສະຫາຍ ໂດຍຕິດພັນກັບຂະບວນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ໃນລະຍະ 5 ປີຜ່ານມາສາ ມາດສ້າງໜ່ວຍພັກປອດໃສເຂັ້ມແຂງ ໜັກແໜ້ນ ໄດ້ 85%, ມີສະມາຊິກພັກ ໄດ້ປະເພດແຂງກວມເອົາ 90% ນອກນັ້ນ. ຍັງສາມາດສ້າງຕັ້ງໜ່ວຍພັກຮາກຖານໄດ້ 1 ໜ່ວຍ ແລະ ໜ່ວຍພັກຂຶ້ນກັບຄະນະພັກຮາກຖານ 2 ໜ່ວຍ. ພ້ອມນີ້, ຍັງໄດ້ເອົາໃຈໃສ່ກໍ່ສ້າງ-ບຳລຸງພະນັກງານ ໃຫ້ຖືກຕ້ອງຕາມມາດຖານເງື່ອນໄຂສ້າງໃຫ້ໄດ້ພະນັກງານ 3 ຮຸ່ນ, ສຸມໃສ່ຍົກລະດັບຄວາມຮູ້-ຄວາມສາມາດທາງດ້ານການເມືອງ -ແນວຄິດ, ຄຸນສົມບັດ, ຄວາມຮູ້ທາງດ້ານວິຊາສະເພາະ, ທິດສະດີເພື່ອຕອບສະໜອງ ຕາມຄວາມຮຽກຮ້ອງຕ້ອງ ການຂອງໜ້າທີ່ວຽກງານ ແລະ ໃນໄລຍະຜ່ານມາສາມາດສ້າງກຳລັງໃໝ່ໄດ້ 4 ຮຸ່ນ ຈໍານວນ 784 ຄົນ, ປັດຈຸບັນກໍາລັງຮຽນ 237 ສະຫາຍ ແລະ ໃນ 5 ປີຜ່ານມາໄດ້ຈັດສົ່ງນາຍ-ພົນຕຳຫຼວດໄປກໍ່ສ້າງ ແລະ ບຳລຸງວິຊາສະເພາະຂັ້ນຕ່າງໆທັງພາຍໃນ ແລະ ຕ່າງປະເທດ ຈໍານວນ 239 ສະ ຫາຍ ຍິງ 40 ສະຫາຍ. ຄຽງຄູ່ດຽວກັນ ຍັງໄດ້ເອົາໃຈໃສ່ຊີ້ນໍາ ແລະ ປັບປຸງເນື້ອໃນຫຼັກສູດ, ຕໍາລາສິດສອນໃຫ້ສອດ ຄ່ອງກັບຄວາຈມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ ສ່ວນຫຼາຍສະມາຊິກພັກ, ນາຍ-ພົນຕຳຫຼວດ ແມ່ນໄດ້ຮຽນຜ່ານລະບົບໂຮງຮຽນກວມເອົາຈໍານວນຫຼາຍຈຶ່ງ ເຮັດໃຫ້ມີລະບຽບ, ມີຄວາມເຂັ້ມແຂງ ແລະ ທັນສະ ໄໝ.
