ກອງປະຊຸມໃຫຍ່ ຄັ້ງທີ IV ຂອງອົງຄະນະພັກກອງບັນຊາການປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ ໄດ້ຈັດໃນ ວັນທີ 10 ມັງກອນ 2025, ເຂົ້າຮ່ວມໂດຍ ສະຫາຍ ພົຕ ສົມວັນ ສາຍລ້ອງພາ ຄະນະປະຈໍາພັກກະຊວງ ຮອງລັດຖະມົນຕີກະຊວງປ້ອງກັນຄວາມສະຫງົບ, ເປັນປະທານໂດຍ ພົຈວ ພູນສະຫວັນ ພັນທະເສນາ ຄະນະພັກະຊວງ ເລຂາຄະນະພັກ ຫົວໜ້າກອງບັນຊາການປ້ອງ ກັນເຄື່ອນທີ່, ມີຄະນະພັກ-ຄະນະນໍາກອງບັນຊາການ, ຄະນະພັກຮາກຖານ, ໜ່ວຍພັກຮາກຖານ, ແຂກຮັບເຊີນ ແລະ ສະມາຊິກພັກສົມບູນເຂົ້າຮ່ວມ.
ພົຈວ ພູນສະຫວັນ ພັນທະເສນາ ໄດ້ຜ່ານລາຍງານສະຫຼຸບຕີລາຄາການຈັດຕັ້ງປະຕິບັດການນໍາພາຂອງຄະນະບໍລິຫານງານພັກກອງບັນຊາການປ້ອງກັນເຄື່ອນທີ່ ສະໄໝທີ III ຕໍ່ກອງປະຊຸມໃຫຍ່ຜູ້ແທນອົງຄະນະພັກກອງບັນຊາການປ້ອງກັນເຄື່ອນທີ່ ຄັ້ງທີ IV ຊຶ່ງໄດ້ຍົກໃຫ້ເຫັນດ້ານດີຜົນງານ, ຜົນສໍາເລັດທີ່ເຮັດໄດ້ ບາງດ້ານໃນ 5 ປີຜ່ານມາໃຫ້ຮູ້ວ່າ: ເປັນຕົ້ນ ວຽກງານພັກ-ວຽກງານການເມືອງຄະນະພັກແຕ່ລະຂັ້ນ ໄດ້ຕັ້ງໜ້າສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ, ນາຍ ແລະ ພົນຕຳຫຼວດໃນຄວາມຮັບຜິດຊອບດ້ວຍການນໍາເອົາມະຕິ, ຄໍາສັ່ງ, ຄໍາແນະນໍາ, ຂໍ້ຫ້າມ, ຂໍ້ກໍານົດກົດໝາຍ, ມູນເຊື້ອ ຂອງພັກ, ຂອງຊາດ, ຂອງກາລັງປະກອບອາວຸດ, ແຜນການວຽກງານຕ່າງໆຂອງຂັ້ນເທິງ, ຂອງກົມກອງມາເຜີຍແຜ່ ໃຫ້ກໍາລັງໄດ້ເຊື່ອມຊຶມເປັນປົກກະຕິ, ນໍາພາຮ່ວມຊີວິດສໍາຫຼວດກວດກາປະຈຳອາທິດ, ປະຈໍາເດືອນ, ໄຕມາດ ຂອງ ແຕ່ລະຂັ້ນ, ແຕ່ລະການຈັດຕັ້ງ, ແຕ່ລະປີໄດ້ເປີດບັ້ນດໍາເນີນຊີວິດການເມືອງຄັດເລືອກກົມກອງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຈາກການສຶກສາອົມຮົມດັ່ງກ່າວໄດ້ເຮັດໃຫ້ສະມາ ຊິກພັກ, ນາຍ ແລະ ພົນຕຳຫຼວດ ມີແນວຄິດອຸ່ນອຽນທຸ່ນທ່ຽງ, ຈົງຮັກພັກດີຕໍ່ພັກ-ລັດ, ຕໍ່ການຈັດຕັ້ງໃນການປະຕິດໜ້າທີ່ວິຊາສະເພາະດ້ວຍຄວາມໂປ່ງໃສ ແລະ ເຮັດສຳເລັດໜ້າທີ່ການເມືອງເປັນຢ່າງດີ, ຄຽງຄູ່ກັນນີ້ຄະນະພັກແຕ່ລະຂັ້ນ ຍາມໃດກໍ່ຖືວຽກງານສຶກສາອົບຮົມການເມືອງ-ແນວຄິດ ເປັນໜ້າທີ່ສໍາຄັນຕົ້ນຕໍ, ເຮັດເປັນປະຈໍາ ເພື່ອໃຫ້ສະມາຊິກພັກ, ນາຍ ແລະ ພົນຕຳຫຼວດກຳ ແໜ້ນ ແລະ ຢຶດໝັ້ນລັດທິມາກ-ເລນິນ, ແນວຄິດໄກສອນ ພົມວິຫານ ແລະ ມູນເຊື້ອຂອງພັກ-ຂອງຊາດ, ຜ່ານມາໄດ້ນໍາພາຈັດຕັ້ງການຄົ້ນຄວ້າເຊື່ອມຊຶມ ແນວທາງນະໂຍບາຍ ຂອງພັກ ໂດຍສະເພາະ ແມ່ນມະຕິກອງປະຊຸມໃຫຍ່ຜູ້ແທນ, ບັນດາມະຕິ ຂອງອົງຄະ ນະພັກກະຊວງປ້ອງກັນຄວາມສະຫງົບ ສະໄໝທີ V ຕິດພັນກັບການກະກຽມດຳເນີນກອງປະຊຸມໃຫຍ່ 3 ຂັ້ນ ຂອງພັກ.
ການກໍ່ສ້າງພັກ ໂດຍອີງໃສ 5 ຫຼັກການ 3 ທິດນໍາ ເຮັດໃຫ້ລະບົບການຈັດຕັ້ງພັກ ແລະ ສະມາຊິກພັກ ເຕີບໃຫຍ່ຂະຫຍາຍຕົວນໍາພາດໍາເນີນກອງປະຊຸມໃຫຍ່ຂັ້ນຮາກຖານພັກສໍາເລັດ, ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໄດ້ 15 ໜ່ວຍ, ຂະຫຍາຍມະຫາຊົນກ້າວໜ້າເຂົ້າຮຽນສະໜັບສະໜູນ ຈໍານວນ 6 ຄັ້ງ ມີ 261 ສະຫາຍ ຍິງ 25 ສະຫາຍ, ຮຽນກົດລະບຽບພັກ 6 ຄັ້ງ ມີ 212 ສະຫາຍ ຍິງ 24 ສະຫາຍ, ຂະຫຍາຍມະຫາຊົນກ້າວໜ້າເຂົ້າ ເປັນສະມາຊິກພັກສຳຮອງ 216 ສະຫາຍ ຍິງ 29 ສະຫາຍ, ເລື່ອນສະມາ ຊິກພັກສຳຮອງຂື້ນເປັນສະມາຊິກພັກ ສົມບູນ 100 ສະຫາຍ ຍິງ 23 ສະຫາຍ, ພ້ອມນີ້ ວຽກງານກໍ່ສ້າງກໍາລັງໃຫ້ມີລະບຽບວິໃນ, ມີຄວາມເຂັ້ມແຂງ ແລະ ທັນສະໄໝ ໄດ້ເອົາໃຈໃສ່ພັດທະນາລະບົບໂຮງຮຽນນາຍສິບ ກອງບັນຊາການປ້ອງກັນເຄື່ອນທີ່ ໄປສູ່ຄຸນນະ ພາບໃໝ່, ນໍາພາກໍ່ສ້າງກໍາລັງໃຫ້ຮັບປະກັນລັກສະນະສືບທອດປ່ຽນແທນ ດ້ວຍການຮຽນນໍາວຽກງານຕົວຈິງ, ສົ່ງໄປຮຽນ ຕາມທືນແບ່ງປັນຂອງຂັ້ນເທິງ ທັງພາຍໃນ ແລະ ຕ່າງປະເທດ, ທັງທິດສະດີການເມືອງໄລຍະສັ້ນ ແລະ ໄລຍະຍາວ, ທັງລະບົບກໍ່ສ້າງ ແລະ ບຳລຸງ ລວມ 418 ສະຫາຍ ຍິງ 53 ສະຫາຍ, ກໍ່ສ້າງນັກຮຽນນາຍສິບໄດ້ 5 ຮຸ່ນມີ 1.137 ສະຫາຍ ຍິງ 223 ສະຫາຍໄດ້ນໍາພາກວດກາບັບປຸງສັບຊ້ອນແຕ່ງຕັ້ງໜ້າທີ່ຕຳແໜ່ງຂັ້ນຫ້ອງລົງຮອດຂັ້ນໝູ່ 2 ຄັ້ງ ລວມມີ 357 ສະຫາຍ, ຍິງ 27 ສະຫາຍ, ນໍາພາປັບປຸງພາລະບົດບາດຂອງແຕ່ລະຂັ້ນກຳນົດແຈ້ງຂອບເຂດສິດ ແລະ ໜ້າທີ່ ຂອງແຕ່ລະຫ້ອງ, ກອງພັນເຮັດໃຫ້ການເຄື່ອນໄຫວວຽກງານຄ່ອງຕົວຂື້ນເລື້ອຍໆ.
ໃນກອງປະຊຸມ, ຍັງໄດ້ປ່ອນບັດເລືອກຕັ້ງຄະນະພັກກອງບັນຊາການປ້ອງກັນເຄື່ອນທີ່ຊຸດໃໝ່ ເຊິ່ງມີຜູ້ລົງສະໝັກ 13 ສະຫາຍ ແລະ ເລືອກເອົາ 11 ສະຫາຍ ຜ່ານການປ່ອນບັດສາມາດເລືອກໄດ້ ພົຈວ ພູນສະຫວັນ ພັນທະເສນາ ເປັນເລຂາ, ພັອ ພົງພັດ ໄຊຍະເພັດ ເປັນຮອງເລຂາ, ພັອ ໜູກອນ ແສງວິໄລ ເປັນປະທານກວດກາພັກ ແລະ ອີກ 8 ສະຫາຍເປັນ ຄະນະພັກ ແລະ ໄດ້ປ່ອນບັດເລືອກຕັ້ງຜູ້ແທນສົມບູນ-ສໍາຮອງ ເພື່ອເຂົ້າຮ່ວມກອງປະຊຸມໃຫຍ່ຂັ້ນເທິງຕື່ມອີກ.
