ພັອ ເພີນຄໍາ ແສງດາລາ ຄະນະພັກກົມໃຫຍ່, ຫົວໜ້າກົມສື່ມວນຊົນ ປກສ ໄດ້ປະກອບຄຳເຫັນຕໍ່ກອງປະຊຸມສະຫຼຸບວຽກງານ ປະຈໍາປີ 2024 ແລະ ວາງທິດທາງແຜນການຈຸດສຸມປະຈຳປີ 2025 ຂອງໃຫຍ່ການເມືອງປ້ອງກັນຄວາມສະຫງົບ, ໃນວັນທີ 9 ມັງກອນ 2024 ນີ້, ພາຍໃຕ້ການເປັນປະທານຂອງ ພົນຕີ ປອ ສຸວັນນີ ສີສຸພາບມີໄຊ ຄະນະປະຈໍາພັກກະ ຊວງ, ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ.
ພັອ ເພີນຄໍາ ແສງດາລາ ໄດ້ໃຫ້ຮູ້ວ່າ: ກົມສື່ມວນຊົນ ແລະ ໂຄສະນາອົບຮົມ ແມ່ນການຈັດຕັ້ງໜຶ່ງຂອງກົມໃຫຍ່ການເມືອງ ກະຊວງປ້ອງກັນຄວາມສະຫງົບ ທີ່ດໍາເນີນວຽກງານດ້ານສື່ມວນຊົນ ແລະ ໂຄສະນາ ຕາມທີ່ໄດ້ກໍານົດໃນກົດໝາຍສື່ມວນຊົນ ແລະ ກົດ ໝາຍປ້ອງກັນຄວາມສະຫງົບ ຊຶ່ງເປັນວຽກງານວິຊາສະເພາະໜຶ່ງທີ່ສໍາຄັນໃນວຽກງານການເມືອງ-ແນວຄິດຂອງກໍາລັງປ້ອງກັນຄວາມສະຫງົບ, ຈັດຕັ້ງ ແລະ ເຄື່ອນໄຫວພາຍໃຕ້ການນໍາພາ-ຊີ້ນຳ, ເດັດຂາດ, ໂດຍກົງ ແລະ ຮອບດ້ານຂອງອົງຄະນະພັກກະຊວງປ້ອງກັນຄວາມສະຫງົບ ກໍຄືຄະນະພັກກົມໃຫຍ່ການເມືອງປ້ອງກັນຄວາມສະຫງົບ.
ຕະຫຼອດໄລຍະ 1 ປີ ຜ່ານມາ, ກົມສື່ມວນຊົນ ແລະ ກົມໂຄສະນາອົບຮົມ ປກສ, ສາມາດຍາດໄດ້ຜົນງານທີ່ພົ້ນເດັ່ນ ເປັນຕົ້ນແມ່ນວຽກງານສື່ມວນຊົນ ປກສ:
– ໄດ້ເປັນເຈົ້າການ ປຸກລະດົມທົ່ວສັງຄົມເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບ ພ້ອມທັງເຜີຍແຜ່ແນວທາງນະໂຍບາຍຂອງພັກ-ລັດ, ລະບຽບກົດໝາຍ, ມູນເຊື້້ອອັນດີງາມຂອງພັກ, ຂອງຊາດ, ຂອງຜູ້ນໍາ ແລະ ຂອງກຳລັງປ້ອງກັນຄວາມສະຫງົບ ອອກສູ່ສັງຄົມຢ່າງກວ້າງຂວາງ.
– ປຸກລະດົມກຳລັງປ້ອງກັນຄວາມສະຫງົບ ແລະ ປະຊາຊົນບັນດາເຜົ່າ ປົກປັກຮັກສາ ແລະ ສ້າງສາພັດທະນາປະເທດຊາດ, ພ້ອມທັງຕອບຕ້ານຖ້ອຍທຳນອງໂຄສະນາໃສ່ຮ້າຍປ້າຍສີຂອງພວກຄົນບໍ່ດີ ແລະ ຕຳນິວິຈານ, ປາກົດການຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມ ໂດຍຜ່ານພາຫະນະສື່ມວນຊົນ ປກສ.
– ເຄື່ອນໄຫວເກັບກຳຂໍ້ມູນ ແລະ ເຜີຍແຜ່ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງ ຍາກທາງດ້ານເສດຖະກິດການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ສູນກາງ ແລະ ທ້ອງຖິ່ນໃນຂອບເຂດທົ່ວປະເທດ ດ້ວຍການແບ່ງຄວາມຮັບ ຜິດຊອບອອກເປັນແຕ່ລະໜ້າວຽກຄື: ວຽກເຄື່ອນໄຫວສຳພາດ, ວຽກເກັບກຳຂ່າວແກ້ໄຂຄະດີຢາເສບຕິດ, ວຽກງານລະຄອນສັ້ນ ແລະ ສາລະຄະດີ, ວຽກຜະລິດສະປອດໂຄສະນາ, ວຽກງານສື່ອອນລາຍ, ວຽກງານບັນນາທິການກວດແກ້; ນອກນັ້ນ, ຍັງໄດ້ສຸມໃສ່ຜະລິດລາຍການປະຊາຮ່ວມໃຈຕ້ານໄພຢາເສບຕິດ ອອກອາກາດສະຖານິວິທະຍຸ-ໂທລະພາບ, ໜັງສືພິມ ແລະ ວາລະສານ ສະບັບພິເສດກ່ຽວກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ.
– ເປັນເຈົ້າການ ນຳສະເໜີເຜີຍແຜ່ມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະ ນາເສດຖະກິດສັງຄົມ ຄັ້ງທີ 5 ແລະ ຜົນສໍາເລັດຂອງກອງປະຊຸມສະພາແຫ່ງຊາດ ຊຸດທີ 9, ພ້ອມທັງວຽກງານ 3 ສ້າງ ແລະ ວຽກງານກໍ່ສ້າງຮາກຖານການເມືອງໃນຂອບເຂດທົ່ວປະ ເທດ;
– ໄດ້ເຄື່ອນໄຫວໂຄສະນາ, ວັນສ້າງຕັ້ງ ພັກປະຊາຊົນ ປະຕິວັດລາວ, ວັນສ້າງຕັ້ງກຳລັງ ປກສ, ຮັບໃຊ້ງານສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 49 ປີ, ວັນເກີດປະທານໄກສອນ ພົມວິຫານ ຄົບຮອບ 104, ວັນສ້າງຕັ້ງ ກອງທັບປະຊາຊົນລາວ ຄົບຮອບ 76 ປີ; ນອກນັ້ນ, ກໍໄດ້ເປັນເຈົ້າການໂຄສະນາກອງປະຊຸມຕ່າງໆທີ່ ສປປ ລາວ ໄດ້ຮັບກຽດເປັນເຈົ້າພາບໃນປີ 2024 ກໍຄືກອງປະຊຸມສຸດຍອດອາຊຽນ ຄັ້ງທີ 44-45 ທີ່ນະຄອນຫຼວງວຽງຈັນ, ກອງປະຊຸມໄອປາ, ກອງປະຊຸມລັດຖະມົນຕີອາຊຽນວ່າດ້ວຍບັນຫາຢາເສບຕິດ ຄັ້ງທີ 8, ກອງປະຊຸມຫົວໜ້າຕຳຫຼວດອາຊຽນ ຄັ້ງທີ 41 ແລະ ກອງປະຊຸມອື່ນໆທີ່ປິ່ນອ້ອມຢ່າງມີຜົນສຳເລັດ;
• ວຽກງານໂຄສະນາ ໄດ້ຈັດຕັ້ງເຊື່ອມຊຶມປາຖະກະຖາຂັ້ນກະຊວງ ໃນໂອກາດວັນສໍາຄັນຕ່າງໆຂອງພັກ, ຂອງຊາດ, ຂອງກໍາລັງປະກອບອາວຸດ ແລະ ວັນເກີດບັນດາທ່ານຜູ້ນໍາ ໄດ້ 8 ຄັ້ງ ມີຜູ້ເຂົ້າຮ່ວມທັງໝົດ 2,220 ເທື່ອຄົນ, ຍິງ 340 ເທື່ອຄົນ; ຈັດສົ່ງເອກະສານໂຄສະນາປາຖະກະຖາໃຫ້ຄະນະນຳກະຊວງ, ກົມກອງອ້ອມຂ້າງ ແລະ ປກສ ນະຄອນຫຼວງ, ປກສ ແຂວງທົ່ວປະເທດ ຈໍານວນ 668 ຊຸດ, ສົມທົບກັບກົມກອງອ້ອມຂ້າງກະຊວງຈັດຕັ້ງປາຖະ ກະຖາໄດ້ 184 ຄັ້ງ ມີຜູ້ເຂົ້າຮ່ວມທັງໝົດ 35,452 ເທື່ອຄົນ, ຍິງ 8,211 ເທື່ອຄົນ ຄຽງຄູ່ກັນການປະດັບປະດາຄໍາຂວັນ, ຕິດຕັ້ງປ້າຍໂຄສະນາ, ຕິດທຸງຊາດ-ທຸງພັກ ແລະ ຜະລິດປາຍໂຄສະນາ, ປ້າຍ LED ທັງໝົດ 386 ແຜ່ນ; ໄດ້ສະແດງສິລະປະວັດທະນະທຳ ຮັບໃຊ້ພາກສ່ວນຕ່າງໆໄດ້ 79 ຄັ້ງ, ນຳສົ່ງນັກກິລາເຂົ້າຮ່ວມແຂ່ງຂັນໃນລະດັບຕ່າງໆຢູ່ພາຍໃນ ແລະ ຕ່າງປະເທດ ຍາດໄດ້ 15 ຫຼຽນຄໍາ,18 ຫຼຽນເງິນ ແລະ 16 ຫຼຽນທອງແດງ; ສໍາເລັດການສ້າງປະຕິທິນ ປີ 2025 ຈໍານວນ 1,140 ຫົວ; ແຈກຢາຍໜັງສືພິມທາງນອກ (ໜັງສື ພິມປະຊາຊົນ, ວຽງຈັນໃໝ່ ແລະ ຂ່າວຄົ້ນຄວ້າ) ໃຫ້ການນໍາກະຊວງ ແລະ ກົມກອງອ້ອມຂ້າງກະຊວງ ໄດ້ 22,440 ສະບັບ; ພ້ອມດຽວກັນ, ຍັງມີຜົນງານການປະດິດຄິດແຕ່ງ 9 ບົດເພງ, ສ້າງແຜນ, ງົບປະມານ ແລະ ເອກກະສານຕ່າງໆເພື່ອກະກຽມສ້າງບົດເພງ-ຂັບລຳ ເພື່ອຂໍ່ານັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກ ແລະ ຂໍ່ານັບຮັບຕ້ອນສະເຫຼີມສະຫຼອງວັນສ້າງຕັ້ງ ກຳລັງ ປກສ ຄົບຮອບ 64 ປີ.
