ກອງປະຊຸມຄົບຄະນະບໍລິຫານງານພັກ ຄັ້ງທີ 9 ສະໄໝທີ 6 ຂອງອົງຄະນະພັກກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຈັດຂຶ້ນໃນວັນທີ 7 ມັງກອນ 2025 ໂດຍພາຍໃຕ້ການເປັນປະທານຂອງ ສະຫາຍ ພົຕ ປອ ສຸວັນນີ ສີສຸພາບມີໄຊ ຄະນະປະຈໍາພັກກະຊວງ ເລຂາອົງຄະນະພັກກົມໃຫຍ່ ຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ມີຄະນະບໍລິຫານງານພັກ ອ້ອມຂ້າງກົມໃຫຍ່ການເມືອງ ເຂົ້າຮ່ວມ.
ພົຕ ປອ ສຸວັນນີ ສີສຸພາບມີໄຊ ໄດ້ກ່າວເປີດກອງປະຊຸມວ່າ: ກອງປະຊຸມຄັ້ງນີ້, ຄະນະບໍລິ ຫານງານພັກກົມໃຫຍ່ ຈະໄດ້ພ້ອມກັນຕີລາຄາຄືນການເຄື່ອນໄຫວນໍາພາ-ຊີ້ນໍາ ຂອງຄະນະບໍລິຫານງານພັກ ໃນໄລຍະ 1 ປີຜ່ານມາ ເພື່ອສະຫຼຸບຜົນການຈັດຕັ້ງນໍາພາ-ຊີ້ນໍາຂອງຄະ ນະບໍລິຫານງານພັກ ກົມໃຫຍ່ການເມືອງປ້ອງກັນຄວາມສະຫງົບ ທາງດ້ານດີ-ຜົນງານ, ດ້ານອ່ອນ ແລະ ຂໍ້ຄົງຄ້າງ, ສາ ເຫດ ແລະ ບາງບັນຫາ ທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ.
ໃນກອງປະຊຸມ, ພົຈວ ຄອນສະຫວັນ ສົມພາໄຊ ຄະນະພັກກະຊວງ ຮອງເລຂາຄະນະພັກກົມໃຫຍ່ ຮອງຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຂຶ້ນຜ່ານບົດສະຫຼຸບຕີລາຄາ ການເຄື່ອນໄຫວນໍາພາ-ຊີ້ນໍາ ຂອງຄະນະບໍລິຫານງານພັກ ກົມໃຫຍ່ການເມືອງ ປ້ອງກັນຄວາມສະຫງົບ ປະຈໍາປີ 2024 ແລະ ທິດທາງແຜນການປິ 2025 ໃຫ້ຮູ້ວ່າ: ໃນໄລຍະ 1 ປີຜ່ານມາ ຄະນະບໍລິຫານງານພັກກົມໃຫຍ່ການເມືອງ ໄດ້ເອົາໃຈໃສ່ນໍາພາວຽກ ງານການເມືອງ-ແນວຄິດ ຢ່າງຕັ້ງໜ້າ ແລະ ເປັນເຈົ້າການໃນເງື່ອນໄຂສະພາບຫຍຸ້ງຍາກ ທາງດ້ານເສດຖະກິດ-ການເງິນ ທີ່ສົ່ງຜົນກະທົບໂດຍກົງໃນທົ່ວສັງຄົມ ແລະ ກໍາລັງປ້ອງກັນຄວາມສະຫງົບ, ເອົາໃຈໃສ່ນໍາພາຈັດຕັ້ງເຊື່ອມຊຶມແນວທາງນະໂຍບາຍຂອງພັກ, ມູນເຊື້ອວັນສໍາຄັນຕ່າງໆ ຂອງພັກ-ຂອງຊາດ, ຂອງກໍາລັງປ້ອງກັນຄວາມສະ ຫງົບ ຕິດພັນກັບການຜັນຂະຫຍາຍເນື້ອໃນມະຕີຄົບຄະນະບໍລິຫານງານສູນກາງພັກ, ມະຕິ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ ແລະ ເປີດບັ້ນດໍາເນີນຊີວິດການເມຶອງຢ່າງເປັນຂະບວນຟົດຟື້ນ; ໄດ້ເພີ່ມທະວີຍົກລະດັບວຽກງານປັບປຸງ-ກໍ່ສ້າງພັກ ຕິດພັນກັບການກໍານົດ, ປັບປຸງກົນໄກ, ລະບອບແບບແຜນການເຄື່ອນໄຫວນໍາພາ-ຊີ້ນໍາ ຕາມ 5 ຫຼັກການ 3 ທິດນໍາຂອງພັກ; ກວດກາດ້ານລະບຽບ, ຂັ້ນຕອນ ການຂະຫຍາຍສະມາຊິກພັກ ຢູ່ບັນດາຮາກຖານພັກ, ຈັດຕັ້ງຮັບສ່ອງແສງລາຍງານວຽກງານພັກ-ວຽກງານການເມືອງ ຢູ່ບັນດາຄະນະພັກທ້ອງຖິ່ນ ປະຈໍາໄຕມາດປົກກະຕິ; ຕິດຕາມ, ຊຸກຍູ້ການດໍາເນີນກອງປະຊຸມໃຫຍ່ 3 ຂັ້ນ ຢູ່ບັນດາຮາກຖານພັກ; ຈັດຕັ້ງຜັນຂະຫຍາຍນິຕິກໍາ, ກໍານົດໜ່ວຍທົດລອງ ແລະ ມີການສະຫຼຸບຖອດຖອນບົດຮຽນ ເຮັດໃຫ້ການດໍາເນີນກອງປະຊຸມ ໄດ້ມີຜົນສໍາເລັດຕາມລະດັບຄາດໝາຍ, ຈັດຕັ້ງກອງປະຊຸມກວດກາຕີລາຄາໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈໍາປີ 2024 ສໍາເລັດ.
ພ້ອມດຽວກັນນັ້ນ, ຍັງໄດ້ຕົກລົງສ້າງຕັ້ງຄະນະພັກຮາກຖານ 4 ໜ່ວຍ, ໜ່ວຍພັກຂຶ້ນກັບຄະນະພັກຮາກຖານ 40 ໜ່ວຍ, ບົ່ງຕົວແຕ່ງຕັ້ງຄະນະພັກຮາກຖານ, ໜ່ວຍພັກຮາກຖານ ແລະ ໜ່ວຍພັກ 132 ສະຫາຍ, ອະນຸມັດມະຫາຊົນກ້າວໜ້າຮຽນເອກະສານສະໜັບສະ ໜູນ 56 ສະຫາຍ, ຮຽນກົດລະບຽບພັກ 71 ສະຫາຍ, ຂະຫຍາຍເຂົ້າພັກສໍາຮອງ 67 ສະ ຫາຍ ແລະ ເລື່ອນເປັນສະມາຊິກພັກສົມບູນ 162 ສະຫາຍ ແລະ ຍັງໄດ້ເອົາໃຈໃສ່ນໍາພາ-ຊີ້ນໍາ ວຽກງານອົງການຈັດຕັ້ງມະຫາຊົນ, ວຽກງານກວດກາ-ຄຸ້ມຄອງປ້ອງກັນພັກ, ວຽກງານນະໂຍບາຍ ແລະ ປະກັນສັງຄົມ, ວຽກງານເສນາທິການ ແລະ ພະລາທິການ, ວຽກງານຕ່າງປະເທດ ຢ່າງມີຜົນສໍາເລັດ.
ໃນກອງປະຊຸມ, ບັນດາສະຫາຍໃນຄະນະບໍລິຫານງານພັກກົມໃຫຍ່ ກໍໄດ້ພ້ອມກັນປະ ກອບຄຳຄິດເຫັນ ເພື່ອປຶກສາຫາລືແກ້ໄຂບັນຫາທີ່ຍັງຄົງຄ້າງ ແລະ ເສີມຂະຫຍາຍດ້ານດີ, ເພື່ອເຮັດໃຫ້ການຊີ້ນຳ-ນຳພາໃນແຕ່ລະຂົງເຂດວຽກງານມີຜົນສຳເລັດຕາມຄາດໝາຍທີ່ວາງໄວ້.
