ວັນທີ 3 ມັງກອນ 2025 ນີ້; ກອງບັນຊາການ ປກສ ແຂວງຄຳມ່ວນ ໄດ້ຈັດພິທີປະ ກາດ ຍົກຍ້າຍ ແລະ ແຕ່ງຕັ້ງ ນາຍຕຳຫຼວດ ທີ່ຂື້ນກັບ ກອງບັນຊາການ ປກສ ແຂວງຄຳມ່ວນ, ໂດຍການໃຫ້ກຽດເຂົ້າຮ່ວມຂອງ ພົຈວ ທີບພະຈັນ ໂພໄຊ ຫົວຫນ້າກອງບັນຊາການ ປກສ ແຂວງ, ມີຄະນະພັກ-ຄະນະບັນຊາບັນດາຫ້ອງ, ກອງບັນຊາ ການ ປກສ ເມືອງ 10 ເມືອງ ແລະ ພະນັກງານຫຼັກແຫຼ່ງເຂົ້າຮ່ວມ.
ໃນພິທີ, ພັທ ສຸກທະວີ ອີນທະລັງສີ ຫົວໜ້າຫ້ອງການເມືອງ ປກສ ແຂວງ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີ ກະຊວງປ້ອງກັນຄວາມສະຫງົບສະບັບ ວ່າດ້ວຍການຍົກຍ້າຍນາຍຕຳຫຼວດ ທີ່ຂຶ້ນກັບກອງບັນຊາການ ປກສ ແຂວງຄຳມ່ວນ ໄດ້ ຕົກລົງຍົກຍ້າຍ ພັທ ພອນສີ ຫຼຽນທອງໄຊ ຈາກຫ້ອງຕຳຫຼວດ ໄປຮັບໜ້າທີ່ໃໝ່ຢູ່ ຫ້ອງ ການກອງບັນຊາການ ປກສ ແຂວງ, ພັທ ອ້ອຍຄຳສຸກ ອິນທະວົງ ຈາກຫ້ອງການກອງບັນຊາການ ໄປຮັບໜ້າທີ່ໃໝ່ຢູ່ ຫ້ອງຕຳຫຼວດ, ພັທ ຄຳຟອງ ທອງມີສານ ຈາກກອງບັນຊາການ ປກສ ເມືອງໄຊບົວທອງ ໄປຮັບໜ້າທີ່ໃໝ່ຢູ່ ຫ້ອງຄຸ້ມຄອງສຳມະ ໂນຄົວ ແລະ ກໍ່ສ້າງຮາກຖານ, ພັທ ພູທອນ ແກ້ວວົງສາ ຈາກຫ້ອງຄຸ້ມຄອງສຳມະ ໂນຄົວ ແລະ ກໍ່ສ້າງຮາກຖານ ໄປຮັບໜ້າທີ່ໃໝ່ຢູ່ ກອງບັນຊາການ ປກສ ເມືອງໄຊບົວທອງ, ພັທ ພູວາ ສຸວັນນະລາດ ຈາກກອງບັນຊາການ ປກສ ເມືອງຄູນຄຳ ໄປຮັບໜ້າທີ່ໃໝ່ຢູ່ ກອງບັນຊາການ ປກສ ເມືອງຫີນບູນ ແລະ ທພັທ ລາວັນສັກ ໄຊປັນຍາ ຈາກຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ໄປຮັບໜ້າທີ່ໃໝ່ຢູ່ ກອງບັນ ຊາການ ປກສ ເມືອງຄູນຄຳ.
ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົ ວ່າດ້ວຍ ການແຕ່ງຕັ້ງນາຍຕຳຫຼວດ ທີ່ຂຶ້ນກັບ ກອງບັນຊາການ ປກສ ແຂວງຄຳມ່ວນ ເຊິ່ງໄດ້ແຕ່ງຕັ້ງ ພັທ ພອນສີ ຫຼຽນທອງໄຊ ແລະ ພັທ ອິນທີ ອິນທິສານ ເປັນຮອງຫົວໜ້າຫ້ອງການກອງບັນຊາການ ປກສ ແຂວງ, ພັທ ຍອດມະນີ ອິນທະລັງສີ ເປັນຮອງຫົວໜ້າຫ້ອງສັນຕິ ບານ, ພັທ ອ້ອຍຄຳສຸກ ອິນທະວົງ ເປັນຮອງຫົວໜ້າຫ້ອງຕຳຫຼວດ, ພັທ ຄຳໃບ ໄຊຍະລາດ ເປັນຫົວໜ້າຫ້ອງ 504 ແລະ ພັຕ ຖາວອນ ແກ້ວສະຫວັນ ເປັນຮອງຫົວ ໜ້າຫ້ອງ 504, ພັທ ຄຳຟອງ ທອງມີສານ ເປັນຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ພັທ ພູໂຂງ ແສງສະຫວ່າງ ເປັນຮອງຫົວໜ້າກອງພັນປ້ອງ ກັນເຄື່ອນທີ່, ພັທ ພຸດທະສອນ ຈູມມະນີ ເປັນຮອງຫົວໜ້າກອງບັນຊາການ ປກສ ເມືອງທ່າແຂກ, ພັທ ພູທອນ ແກ້ວວົງສາ ເປັນຫົວໜ້າກອງບັນຊາການ ປກສ ເມືອງໄຊບົວທອງ, ພັທ ພູວາ ສຸວັນນະລາດ ເປັນຮອງຫົວໜ້າກອງບັນຊາການ ປກສ ເມືອງຫີນບູນ ແລະ ພັທ ລາວັນສັກ ໄຊປັນຍາ ເປັນຮອງຫົວໜ້າກອງບັນຊາການ ປກສ ເມືອງຄູນຄຳ ສ່ວນຫົວໜ້າ ແລະ ຮອງທີ່ມີຢູ່ແລ້ວ ແມ່ນຮັກສາໄວ້ຄືເກົ່າ.
