ກົມໃຫຍ່ພະລາທິການ ປກສ ໄດ້ຈັດພິທີປະກາດການຍົກຍ້າຍ, ແຕ່ງຕັ້ງນາຍຕໍາຫຼວດຂັ້ນກົມ ແລະ ທຽບເທົ່າທີ່ຂຶ້ນກັບກົມໃຫຍ່ພະລາທິການ ປກສ, ໂດຍມີ ພົຈວ ໜູຈອນ ກ້ອນທອງດໍາ ຫົວໜ້າກົມໃຫຍ່ພະລາທິການ ປກສ, ພັອ ວິຊຽນ ຫານວິໄລ ຮອງຫົວໜ້າກົມພະ ນັກງານ ກົມໃຫຍ່ການເມືອງ ປກສ, ມີຫົວໜ້າກົມ-ຮອງກົມ ພ້ອມດ້ວຍພະນັກງານຫຼັກແຫຼ່ງອ້ອມຂ້າງກົມໃຫຍ່ພະລາທິການ ເຂົ້າຮ່ວມ.
ພັອ ວິຊຽນ ຫານວິໄລ ໄດ້ຜ່ານດໍາລັດ ວ່າດ້ວຍການແຕ່ງຕັ້ງຮອງຫົວໜ້າຫ້ອງວ່າການ ກະ ຊວງປ້ອງກັນຄວາມສະຫງົບ ເລກທີ 663/ນຍ ລົງວັນທີ 29 ພະຈິກ 2024; ໃນນີ້, ໄດ້ແຕ່ງຕັ້ງ ພັອ ແສງທອງ ເກື້ອບຸນລໍ້າ ເປັນຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ, ຂໍ້ຕົກລົງ ວ່າດ້ວຍການຍົກຍ້າຍນາຍຕໍາຫຼວດທີ່ຂຶ້ນກັບກົມໃຫຍ່ພະລາທິການສະ ບັບເລກທີ 3607 ລົງວັນທີ 23 ທັນວາ 2024 ແລະ ຍົກຍ້າຍ ພັອ ປະເສີດ ແກ້ວສຸວັນ ຈາກກົມແຜນການໄປຮັບໜ້າທີ່ໃໝ່ຢູ່ຫ້ອງການກົມໃຫຍ່, ຍົກຍ້າຍ ພັທ ນາງ ມະນີໄລ ທິບ ພະວົງ ຈາກໂຮງໝໍ 5 ເມສາ ໄປຮັບໜ້າທີ່ໃໝ່ຢູ່ກົມເສນາຮັກ ແລະ ຜ່ານຂໍ້ຕົກລົງ ວ່າດ້ວຍການແຕ່ງຕັ້ງນາຍຕໍາຫຼວດທີ່ຂຶ້ນກັບກົມໃຫຍ່ພະລາທິການ ສະບັບເລກທີ 3680/ປກສ ລົງວັນທີ 23 ທັນວາ 2024, ແຕ່ງຕັ້ງ ພັອ ປະເສີດ ແກ້ວສຸວັນ ເປັນຫົວ ໜ້າຫ້ອງການກົມໃຫຍ່ ພະລາທິການ, ພັອ ສຸລິຍາ ພັນທຸມາດ ເປັນຫົວໜ້າກົມແຜນການ, ພັທ ແກ້ວ ວອນທິວົງ ເປັນຮອງກົມແຜນການ, ພັທ ນາງ ມະນີໄລ ທິບພະວົງ ເປັນຮອງກົມເສນາຮັກ, ພັທ ລິ້ມສຸລິເພັດ ສົມວັນ ໄຊ ແລະ ພັທ ສອນຄໍາ ແກ້ວບຸນຄົງ ເປັນຮອງກົມຄຸ້ມຄອງການຜະລິດ-ທຸລະ ກິດ, ພັທ ພູແກ້ວ ວົງປັນຍາ ເປັນຮອງກົມການເງິນ.
ຕອນທ້າຍພິທີ, ພົຈວ ໜູຈອນ ກ້ອນທອງດໍາ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ, ຊົມ ເຊີຍຕໍ່ບັນດາສະຫາຍທີ່ໄດ້ຮັບການແຕ່ງຕັ້ງ ແລະ ຍົກຍ້າຍໄປຮັບໜ້າທີ່ໃໝ່; ເຊິ່ງທ່ານໄດ້ເນັ້ນອີກວ່າ: ການຍົກຍ້າຍ ຫຼື ແຕ່ງຕັ້ງໃນຄັ້ງ ນີ້ ກໍຍ້ອນຄວາມຮຽກຮ້ອງຕ້ອງ ການຂອງໜ້າທີ່ວຽກງານ ພ້ອມທັງເປັນການປັບປຸງລະບົບກົງຈັກການນໍາພາ-ບັນຊາໃຫ້ມີຄວາມໜັກແໜ້ນ, ເຂັ້ມແຂງ ສາມາດເຮັດສໍາ ເລັດໜ້າທີ່ວຽກງານທີ່ມອບໝາຍໃຫ້ ແລະ ຫວັງຢ່າງຍິ່ງວ່າບັນດາສະຫາຍທີ່ຖືກແຕ່ງຕັ້ງ ແລະ ຍົກ ຍ້າຍໃນຄັ້ງນີ້ ຈົ່ງພ້ອມກັນສຸມທຸກສິຕິປັນຍາໃສ່ໜ້າທີ່ວຽກງານຂອງຕົນທີ່ຖືກມອບໝາຍໃຫ້ມີໝາກຜົນສໍາເລັດ ແລະ ເຕີບໃຫຍ່ຂຶ້ນຢ່າງບໍ່ຢຸດຢັ້ງ.
