ພົຈວ ສີເສີດ ສອນດາລາ ຫົວໜ້າກອງບັນຊາການ ປກສ ແຂວງ ສາລະວັນ ໄດ້ໃຫ້ສຳພາດຕໍ່ນັກຂ່າວ ປກສ ເນື່ອງໃນໂອກາດທີ່ມາເຂົ້າຮ່ວມກອງປະຊຸມສະຫຼຸບວຽກງານປ້ອງກັນຄວາມສະຫງົບປະຈໍາປີ 2024 ແລະ ວາງທິດທາງແຜນການວຽກງານຈຸດສຸມປີ 2025 ໃນວັນທີ 30 ທັນວາ 2024 ວ່າ: ໄລຍະຜ່ານມາ, ຄະນະພັກ-ຄະນະບັນຊາ ປກສ ແຂວງ ສາລະວັນ ໄດ້ເອົາໃຈໃສ່ນຳພາ-ບັນຊາກຳລັງວິ ຊາສະເພາະຈັດຕັ້ງປະຕິບັດວຽກງານ ປ້ອງກັນຕິດພັນກັບການປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ມີຜົນສຳເລັດໂດຍພື້ນ ຖານ.
ທ່ານ ຫົວໜ້າກອງບັນຊາການ ປກສ ແຂວງສາລະວັນ ກ່າວວ່າ: ໃນປີ 2024, ກອງບັນຊາ ການ ປກສ ແຂວງສາລະວັນ ໄດ້ເອົາໃຈໃສ່ເຮັດວຽກວິຊາສະເພາະ ໂດຍສຸມໃສ່ຈັດຕັ້ງປະຕິບັດວຽກງານປ້ອງກັນຢ່າງເຂັ້ມງວດ ພາຍຫຼັງໄດ້ຮັບການມອບໝາຍຈາກພັກ-ລັດຖະ ບານໃຫ້ເປັນເຈົ້າພາບຈັດກິດຈະກຳງານມະຫະກຳກິລາມັດທະຍົມສຶກສາທົ່ວປະເທດ ຄັ້ງທີ 7 ສະນັ້ນຈຶ່ງໄດ້ສຸມໃສ່ສ້າງກົນໄກຂໍຄໍາເຫັນ, ຂໍທິດຊີ້ນໍາຈາກກະຊວງ ປກສ ແລະ ຂໍກຳລັງເຫຼົ່າວິຊາສະເພາະລົງມາຊ່ວຍ ນັບທັງພາຫະນະອຸປະກອນຮັບໃຊ້ຕ່າງໆ ເຮັດໃຫ້ງານມະຫາກໍາກິລາຄັ້ງນີ້ມີຄວາມສະຫງົບປອດໄພ 100%.
ຄຽງຄູ່ກັນນີ້, ຍັງໄດ້ສຸມໃສ່ປະຕິບັດວາລະແຫ່ງຊາດ ວ່າດ້ວຍການແກ້ໄຂນຫາຢາເສບຕິດ ໂດຍຜັນສະຫຍາຍເນື້ອໃນຈິດໃຈຕາມມະຕິຕົກລົງຂອງຂັ້ນເທິງທີ່ຕິດພັນກັບວາລະແຫ່ງ ຊາດດັ່ງກ່າວ, ເຊິ່ງແມ່ນກຳລັງ ປກສ ເປັນໃຈກາງຫຼັກແກ້ໄຂຢ່າງຕັ້ງໜ້າໂດຍໄດ້ປະຕິ ບັດຢ່າງເປັນລະບົບຕາມທິດຊີ້ນຳ ສະແດງອອກໃນໄລຍະ 1 ປີຜ່ານມາ ສາມາດແກ້ໄຂຄະດີຢາເສບຕິດໄດ້ 188 ເລື່ອງ, ມີຜູ້ຖືກຫາ 241 ຄົນ, ຢຶດຂອງກາງຢາບ້າໄດ້ 350.445 ເມັດ.
ໂອກາດນີ້, ພົຈວ ສີເສີດ ສອນດາລາ ໄດ້ຝາກເຖິງພໍ່ແມ່ປະຊາຊົນທົ່ວແຂວງສາລະວັນ ໃຫ້ຮ່ວມໃຈຮ່ວມມືເຂົ້າໃຈຕໍ່ກັບການຈັດຕັ້ງປະຕິບັດວຽກງານປ້ອງກັນຄວາມສະຫງົບໃຫ້ມີຄວາມໜັກແໜ້ນ ໃຫ້ສາມາດແກ້ໄຂໄດ້ບັນຫາຕ່າງໆທີ່ເກີດຂຶ້ນ.
