ກົມໂຄສະນາອົບຮົມ ກົມໃຫຍ່ການເມືອງ ກະຊວງ ປກສ ໄດ້ຈັດພິທີມອບ-ຮັບໜ້າທີ່ ລະຫວ່າງ ພັອ ສອນພະຈັນ ທໍາມະວົງ ຫົວໜ້າກົມໂຄສະນາອົບຮົມ ປກສ ຜູ້ເກົ່າ ແລະ ພັອ ປອ ສົມພັນ ສີວົງໄຊ ຫົວໜ້າກົມໂຄສະນາອົບຮົມ ປກສ ຜູ້ໃໝ່ ໃນວັນທີ 24 ທັນວາ 2024, ໂດຍການເຂົ້າຮ່ວມຂອງ ພົຕ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ, ມີຄະນະພັກກົມໃຫຍ່, ຫົວໜ້າກົມ-ຮອງກົມ, ພ້ອມດ້ວຍນາຍຕໍາຫຼວດທີ່ຂຶ້ນກັບກົມໂຄສະນາອົບຮົມ ເຂົ້າຮ່ວມ.
ໃນໂອກາດດັ່ງກ່າວ, ພັອ ສອນພະຈັນ ທໍາມະວົງ ໄດ້ລາຍງານໂດຍຫຍໍ້ການເຄື່ອນໄຫວນໍາພາ-ຊີ້ນໍາກົມໂຄສະນາອົບຮົມ ປກສ ໃນໄລ ຍະຜ່ານມາ, ເຊິ່ງທ່ານໄດ້ຍົກໃຫ້ເຫັນດ້ານດີຜົນງານ, ຜົນສໍາເລັດບາງດ້ານ ເປັນຕົ້ນວຽກງານໂຄສະນາ ໄດ້ເອົາໃຈໃສ່ຈັດຕັ້ງປາຖະກະ ຖາຫວນຄືນມູນເຊື້ອວັນສໍາຄັນຕ່າງໆຂອງພັກ, ຂອງຊາດ, ຂອງກໍາລັງປະກອບອາວຸດ, ເຜີຍແຜ່ເຊື່ອມຊຶມ ແລະ ຈັດສົ່ງເອກະສານໂຄສະນາ-ປາຖະກະຖາໃຫ້ຄະນະນໍາກະຊວງ, ກົມກອງອ້ອມຂ້າງ ກະຊວງ ແລະ ປກສ ແຂວງທົ່ວປະເທດ ໄດ້ທັງໝົດ 1.895 ຄັ້ງ, ປະ ດັບປະດາສະຖານທີ່ຕ່າງໆໃນວັນສໍາຄັນຂອງພັກ, ຂອງຊາດ, ຂອງກຳລັງປະກອບອາວຸດ ໄດ້ທັງໝົດ 350 ຄັ້ງ, ຜະລິດປ້າຍໂຄສະນາ LED, ປ້າຍບິວບອດ ແລະ ຄໍາຂວັນຕ່າງໆ ໄດ້ທັງໝົດ 881 ປ້າຍ. ໃນນີ້, ປ້າຍວາລະແຫ່ງຊາດ ວ່າດ້ວຍການຕ້ານຢາເສບຕິດ ຈຳ ນວນ 245 ປ້າຍ, ສ້າງເພງ ປກສ ຮັບໃຊ້ວາລະແຫ່ງຊາດ ວ່າດ້ວຍການແກ້ໄຂຢາຢາເສບຕິດ ຈຳນວນ 15 ບົດເພງ, ໄດ້ສ້າງບົດຟ້ອນໃໝ່ໄດ້ຈໍານວນ 17 ບົດ, ສະແດງຮັບໃຊ້ການນໍາ, ກົມກອງອ້ອມຂ້າງກະ ຊວງ, ທ້ອງຖິ່ນ, ພາຍໃນ ແລະ ຕ່າງປະເທດ ລວມທັງໝົດ 151 ຄັ້ງ ແລະ ພ້ອມນີ້ ໄດ້ນຳພານັກກິລາ ປກສ ເຂົ້າຮ່ວມຂະບວນການແຂ່ງຂັນກິລາທັງພາຍໃນ ແລະ ຕ່າງປະເທດ, ສະ ເຫຼີມສະ ຫຼອງວັນສໍາຄັນຕ່າງໆຂອງພັກ, ຂອງຊາດ, ຂອງກຳລັງປ້ອງກັນຄວາມສະຫງົບ ຈຳ ນວນ 4 ຄັ້ງ; ສາມາດຍາດໄດ້ຫຼຽນຄໍາ 31 ຫຼຽນ, ຫຼຽນເງິນ 26 ຫຼຽນ ແລະ ຫຼຽນທອງແດງ 39 ຫຼຽນ ລວມທັງໝົດ 88 ຫຼຽນ ແລະ ອື່ນໆ.
ຈາກນັ້ນ, ກໍໄດ້ມີການເຊັນບົດບັນທຶກມອບ-ຮັບໜ້າທີ່ລະຫວ່າງ ພັອ ສອນພະຈັນ ທໍາມະວົງ ຫົວໜ້າໂຄສະນາອົບຮົມ ປກສ ຜູ້ເກົ່າ ແລະ ພັອ ປອ ສົມພັນ ສີວົງໄຊ ຫົວໜ້າກົມໂຄສະນາອົບຮົມ ປກສ ຜູ້ໃໝ່ ໂດຍຊ່ອງໜ້າ ພົຕ ປອ ສຸວນນີ ສີສຸພາບມີໄຊ ພ້ອມດ້ວຍຄະພັກຄະນະກົມເຂົ້າຮ່ວມ.
ໃນໂອກາດນີ້, ພົຕ ປອ ສຸວັນນີ ສີສຸພາບມີໄຊ ໄດ້ຍ້ອງຍໍຊົມເຊີຍ ຫົວໜ້າກົມໂຄສະນາອົບຮົມ ຜູ້ເກົ່າ ທີ່ເຮັດສໍາເລັດໜ້າທີການເມືອງຂອງຕົນ ພ້ອມທັງເນັ້ນໜັກໃຫ້ຫົວໜ້າກົມໂຄສະນາອົບຮົມ ຜູ້ໃໝ່ ຈົ່ງສືບຕໍ່ຍົກສູງຄວາມຮັບຜິດຊອບຕໍ່ໜ້າທີ ທີ່ໄດ້ຮັບມອບໝາຍ, ເຕົ້າໂຮມຄວາມສາມັກຄີພາຍໃນໃຫ້ແໜ້ນແຟ້ນ, ເອົາໃຈໃສ່ນໍາພາ-ຊີ້ນໍາ ວຽກງານໂຄສະນາອົບຮົມໃຫ້ກໍາລັງ ປກສ ໃຫ້ມີຄວາມເຕີບໃຫ່ຍເຂັ້ມແຂງຂື້ນກວ່າເກົ່າ.
