ວັນທີ 9 ຕຸລາ 2024, ທີ່ກະຊວງ ປກສ, ພົຈວ ຄອນສະ ຫວັນ ສົມພາໄຊ ຮອງຫົວໜ້າກົມໃຫຍ່ການເມືອງ ກະຊວງ ປກສ ພ້ອມຄະນະ ໄດ້ຮັບເງິນ ແລະ ເຄື່ອງດື່ມທີ່ບໍລິສັດ ແລະ ຫ້າງຮ້ານຕ່າງໆ ນໍາມາມອບໃຫ້ກະຊວງ ປກສ ລວມມູນຄ່າ 235 ລ້ານກີບ, ເພື່ອປະກອບສ່ວນຊຸກຍູ້ວຽກງານປ້ອງກັນກອງປະຊຸມສຸດຍອດອາຊຽນ ຄັ້ງທີ 44-45.
ໃນນີ້, ມີບໍລິສັດ ນໍ້າມັນເຊື້ອໄຟດາລາຈະເລີນນໍາເຂົ້າ-ສົ່ງ ອອກ ຈໍາກັດຜູ້ດຽວ ມອບເງິນ 100 ລ້ານກີບ, ມອບໂດຍ ທ່ານ ບຸນຈອນ ແສງດາລາ ປະທານບໍລິສັດນໍ້າມັນເຊື້ອໄຟດາລາຈະເລີນນໍາເຂົ້າ-ສົ່ງອອກ ຈໍາກັດຜູ້ດຽວ; ບໍລິສັດທະວີຊັບ ກໍ່ສ້າງ-ຂົວທາງ ຈໍາກັດຜູ້ດຽວ ມອບເງິນ 20 ລ້ານກີບ ແລະ ນໍ້າດື່ມ, ກາເຟ, ເຄື່ອງດື່ມ ມູນຄ່າ 5 ລ້ານກີບ, ມອບໂດຍທ່ານ ພົຈວ ຄໍາສາຍ ຈັນທະວົງ ທີ່ປຶກສາ ບໍ ລິສັດທະວີຊັບ ກໍ່ສ້າງ-ຂົວທາງ ຈໍາກັດຜູ້ດຽວ; ບໍລິສັດ ທີ່ປຶກສາໄຂ່ມຸກຕາເວັນອອກ ຈໍາກັດ ມອບເງິນ 10 ລ້ານກີບ, ມອບໂດຍ ທ່ານ ນາງ ລັດດາວອນ ພູນສະຫວັດ ຮອງຜູ້ອຳນວຍການບໍລິສັດ ທີ່ປຶກສາໄຂ່ມຸກຕາເວັນອອກ ຈໍາກັດ; ບໍລິສັດ ລຸ້ຍຊ້ຽນ ກໍ່ສ້າງເຄຫະສະຖານ ແລະ ຂົວທາງຈໍາກັດຜູ້ດຽວ ມອບນໍ້າດື່ມ 200 ແພັກ ມູນຄ່າ 10 ລ້ານກີບ, ມອບໂດຍ ທ່ານ ບຸນສົງ ຈິ້ງ ປະທານບໍລິສັດ ລຸ້ຍຊ້ຽນ ກໍ່ສ້າງເຄ ຫະສະຖານ ແລະ ຂົວທາງຈໍາກັດຜູ້ດຽວ; ບໍລິສັດ ສະຫງວນການຢາງ ມອບນໍ້າດື່ມ 200 ແພັກ ມູນຄ່າ 10 ລ້ານກີບ, ມອບໂດຍ ທ່ານ ນາງ ສໍສະຫງວນ ພິລາວົງ ປະທານບໍລິສັດ ສະຫງວນການຢາງ; ໂຮງພິມໂຊກພາໄຊ ຈຳກັດ ມອບເງິນ 20 ລ້ານກີບ, ນໍ້າດື່ມ 100 ແພັກ, ມູນຄ່າ 5 ລ້ານກີບ, ມອບໂດຍ ທ່ານ ແກ້ວຕາ ອິນທິສານ ຮອງອໍານວຍການໂຮງພິມໂຊກພາໄຊ ຈຳກັດ; ບໍລິສັດ 999 ລາວຈີນ ການຄ້າ ຈໍາກັດຜູ້ດຽວ ມອບເງິນ 20 ລ້ານກີບ, ນໍ້າດື່ມ 100 ແພັກ, ໝີ່ 25 ແກັດ ລວມມູນຄ່າ 10 ລ້ານກີບ; ຮ້ານ ວິງສ້ອມແປງລົດໃຫຍ່ທຸກປະເພດ ແລະ ຮ້ານບັນເທິງໂລມີໂອ ມອບເງິນ 20 ລ້ານກີບ, ນໍ້າດື່ມ 100 ແພັກ ມູນຄ່າ 5 ລ້ານກີບ, ມອບໂດຍ ທ່ານ ກາໄວ ເພັດດວງດີ ເຈົ້າຂອງຮ້ານ ວິງສ້ອມແປງລົດໃຫຍ່ທຸກປະເພດ ແລະ ຮ້ານບັນເທິງໂລມີໂອ.
