ໃນທ້າຍອາທິດທີ່ຜ່ານມາ, ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄໍາ ໄດ້ຈັດພິທີປະກາດເພີ່ມຄະນະພັກຮາກຖານ ແລະ ບົ່ງຕົວແຕ່ງຕັ້ງກຳມະການຄະນະພັກຮາກ ຖານ ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄໍາ ໂດຍການເປັນປະທານຂອງ ສະຫາຍ ພົຈວ ຄອນສະຫວັນ ສົມພາໄຊ ຄະນະພັກກະຊວງ, ຮອງກົມໃຫຍ່ການເມືອງປ້ອງກັນຄວາມສະຫງົບ ມີຕາງໜ້າກົມອ້ອມຂ້າງກະຊວງ ຄະນະພັກ-ຄະນະກອງບັນ ຊາການ ປກສ.ຂສພຄ, ຄະນະໜ່ວຍພັກຂຶ້ນກັບຄະນະພັກຮາກຖານ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.
ໃນພິທີ, ສະຫາຍ ພັອ ພຽນສີ ແສງຄໍາຢອງ ຫົວໜ້າກົມພັກ ໄດ້ຜ່ານມະຕິຕົກລົງຂອງຄະນະ ພັກກະຊວງປ້ອງກັນຄວາມສະ ຫງົບ ວ່າດ້ວຍການເພີ່ມຈຳນວນຄະນະພັກ ແລະ ບົ່ງຕົວແຕ່ງ ຕັ້ງກຳມະການຄະນະພັກຮາກຖານ ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄໍາ ຈາກເມື່ອກ່ອນຄະນະພັກມີຢູ່ 5 ສະຫາຍເພີ່ມອີກ 2 ສະຫາຍ ຄື: ສະຫາຍ ພັທ ທົດສະກັນ ສໍພັນໄຊ ເປັນຄະນະພັກຮາກຖານ ແລະ ສະຫາຍ ພັທ ຄຳຫຼ້າ ສີດາໄຊ ເປັນຄະນະພັກຮາກຖານ, ຮອງປະທານກວດກາພັກ.
ຈາກນັ້ນ, ສະຫາຍ ພົຈວ ຄອນສະຫວັນ ສົມພາໄຊ ຄະນະພັກກະຊວງ, ຮອງກົມໃຫຍ່ການເມືອງປ້ອງກັນຄວາມສະຫງົບ ໄດ້ກ່າວວ່າ: ການບົ່ງຕົວແຕ່ງຕັ້ງເພີ່ມຄະນະພັກຮາກຖານໃນຄັ້ງນີ້ ແມ່ນຄວາມຈຳເປັນພາວະວິໄສ ແລະ ຖືກຕ້ອງຕາມລະບຽບ-ຫຼັກການໃນການຂະ ຫຍາຍພັກ ເພື່ອສືບຕໍ່ກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ.
ພ້ອມກັນນັ້ນ, ສະຫາຍ ຍັງໄດ້ເໜັ້ນຫນັກໃຫ້ຄະນະພັກ ມີຄວາມເປັນເອກະພາບລວມສູນປະຊາທິປະໄຕ, ຕັດສິນເປັນຫມູ່ຄະນະ, ສືບຕໍ່ເອົາໃຈໃສ່ນຳພາ-ຊີ້ນໍາ ໃກ້ສິດຕິດແທດ ແລະ ສຶກສາອົບຮົບການເມືອງ-ແນວຄິດໃຫ້ແກ່ສະມາຊິກພັກ ນາຍ ແລະ ພົນຕຳຫຼວດ ໃຫ້ມີແນວຄິດອຸ່ນອ່ຽນທຸ່ນທ່ຽງ ເຊື່ອຫມັ້ນຕໍ່ການນຳພາຂອງພັກ ພ້ອມກັນເຮັດສຳເລັດຫນ້າທີ່ການເມືອງ ທີ່ພັກ-ລັດ ແລະ ການຈັດຕັ້ງມອບໝາຍໃຫ້.
