ວິທະຍາໄລສັນຕິບານປະຊາຊົນເລກ I ໄດ້ປິດຊຸດຮຽນໃຫ້ແກ່ນັກຮຽນລະບົບກໍ່ສ້າງຮຸ່ນທີ V, ໃນວັນທີ 16 ສິງຫາ 2024 ຜ່ານມານີ້ ຢູ່ທີຫໍປະຊຸມຂອງວິທະຍາໄລສັນຕິບານປະຊາຊົນເລກ I ແຂວງຫຼວງພະບາງ ໂດຍການເປັນປະທານຂອງ ພັອ ລິນທອງ ແກ້ວປະພັນ ຫົວໜ້າວິທະຍາໄລສັນຕິບານປະຊາຊົນເລກ I , ເຂົ້າຮ່ວມມີຕ່າງໜ້າຈາກກອງບັນຊາການ ປກສ ແຂວງພາກເໜືອ, ແຂກຖືກເຊີນ,ຄະນະວິທະຍາໄລ, ພ້ອມດ້ວຍຄູ-ອາຈານ ແລະ ນັກຮຽນເຂົ້າຮ່ວມຢ່າງເປັນທາງການ.
ພັທ ສີອານ ວິໄລວົງ ຮອງຫົວໜ້າວິທະຍາໄລສັນຕິບານປະຊາຊົນເລກ I ໄດ້ຜ່ານບົດສະຫຼຸບຕີລາຄາ ໃນການຈັດຕັ້ງເຄື່ອນ ໄຫວແຜນການຮຽນ-ການສອນລະບົບກໍ່ສ້າງຊັ້ນສູງ 02 ປີ ຮຸ່ນທີ V, ມີຈຳນວນພົນທັງໝົດ 182 ສະຫາຍ, ຍິງ 37 ສະຫາຍ, ໃນຕະຫຼອດໄລຍະທີຜ່ານມາ ຄະນະພັກ-ຄະນະວິທະຍາໄລໄດ້ເອົາໃຈໃສເຮັດວຽກງານການເມືອງ-ແນວຄິດ ໂດຍຖືເອົາການສຶກສາອົບຮົມ ເຮັດໃຫ້ນັກຮຽນມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຮູ້-ຄວາມສາມາດໃນການຊີ້ນໍາ-ບັນຊາ ແລະ ໄດ້ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຕິດພັນກັບວຽກງານການຮຽນ-ການສອນ, ເປັນຕົ້ນການປະຕິວຽກງານວິຊາສະເພາະ, ລະບຽບວິໄນຂອງກຳລັງ ປກສ ແລະ ວຽກງານອື່ນໆທີປີ່ນອ້ອມ. ສຳລັບຫຼັກສູດການຮຽນ-ການສອນ ເມືອຮຽນພາກທິດສະດີສຳເລັດແລ້ວ ນັກຮຽນໄດ້ລົງເຝິກຫັດ ເຮັດວຽກ ງານຕົວຈິ່ງຢູ່ບັນດາແຂວງຕ່າງໆ ແລ້ວກັບມາທວນຄືນ-ສອບເສັງ ເຊິງການຮຽນ ແລະ ສອບເສັງປະກອບມີ 3 ພາກວິຊາຄື: ພາກວິຊາການເມືອງ, ພາກວິຊາກົດໝາຍ, ພາກວິຊາສະເພາະກຳລັງ ປກສ (ລົງເລິກຂະແໜງສັນຕິບານ). ໃນແຕ່ລະພາກວິຊາສອບເສັງໄດ້ຄະແນນສູງສຸດ 9, ຄະແນນຕໍ່າສຸດ 6, ພ້ອມດຽວກັນນີ້ໄດ້ປະຕິບັດການນະໂຍບາຍເລື່ອນຊັ້ນ ຮ້ອຍໂທ ຂຶ້ນຮ້ອຍເອກ 3 ສະຫາຍ; ຮ້ອຍຕີຂຶ້ນຮ້ອຍໂທ 5 ສະຫາຍ; ປະດັບຊັ້ນຮ້ອຍຕີມີ 122 ສະຫາຍ, ຮັກສາຊັ້ນເກົ່າ ມີ 52 ສະຫາຍ, ໄດ້ຍ້ອງຍໍຂັ້ນກົມໃຫຍ່ການເມືອງ 27 ສະຫາຍ, ຍ້ອງຍໍຂັ້ນວິທະຍາໄລ 90 ສະຫາຍ, ມີນັກຮຽນເດັ່ນການຮໍ່າຮຽນ 3 ສະຫາຍ, ເດັ່ນດ້ານກິລາ 3 ສະຫາຍ, ເດັ່ນການອອກແຮງງານ 3 ສະຫາຍ.
ຈາກນັ້ນໄດ້ມອບ-ຮັບໃບປະກາສະນີຍະບັດ, ເຊິງເປັນກຽດກ່າວມອບໂດຍທ່ານ ພັອ ປອ ລີນທອງ ແກ້ວປະພັນ ຫົວໜ້າວິ ທະຍາໄລສັນຕິບານປະຊາຊົນເລກ I. ພ້ອມທັງມີຄຳເຫັນໂອ້ລົມ-ເນັ້ນໜັກຫຼາຍບັນຫາໃຫ້ຄູ-ອາຈານ ກໍຄືນັກຮຽນ, ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດໃນຄັ້ງນີ້, ເຊິງເປັນການສ້າງບຸກຄະລະກອນ-ຍົກສູງກຳລັງປ້ອງກັນຄວາມສະຫງົບ ໃຫ້ເຕີບໃຫຍ່ເຂັ້ມແຂງ ແລະຍົກໃຫ້ຮູ້ເຖິງສະພາບການຂອງໂລກ-ພາກພື້ນ ກໍຄືສະພາບເສດຖະກິດ-ສັງຄົມພາຍໃນປະເທດເຮົາ ທີຜັນແປ່ໄປຢ່າງສັບສົນ, ສະນັ້ນພວກເຮົາຕ້ອງເປັນເສນາທິການ-ເປັນເຈົ້າການໃຫ້ແກ່ພັກ-ລັດ, ຮັບໃຊ້ປະຊາ ຊົນຢ່າງແທ້ຈິ່ງ, ມີສະຕິຕໍ່ກົນອຸບາຍຂອງສັດຕູກໍ່ຄືກຸ່ມຄົນທີບໍ່ຫວັງດີ, ນໍາໃຊ້ຄວາມຮູ້-ຄວາມສາມາດເຂົ້າໃນການປະຕິບັດໜ້າ ທີ່ວິຊາສະເພາະ ໃຫ້ຖືກຕ້ອງ-ສອດຄ່ອງກັບລະບຽບຫຼັກການ-ກົດໝາຍ, ສືບຕໍ່ຝຶກຝົນຫຼໍ່ຫຼ້ອມຕົນເອງດ້ວຍການຍົກລະດັບຄວາມຮູ້-ຄວາມສາມາດ ໃນດ້ານຕ່າງໆ ເປັນຕົນດ້ານທິດສະດີການເມືອງ, ວິຊາສະເພາະ, ເຕັກໂນໂລຊີ, ພາສາຕ່າງປະເທດ ໃຫ້ຢູ່ໃນລະດັບທີ່ແນ່ນອນ.
