ວິທະຍາຄານຕໍາຫຼວດປະຊາຊົນ ກະຊວງ ປກສ ປິດຊຸດຮຽນ ແລະ ມອບໃບປະກາສະນິຍາບັດໃຫ້ ນັກສຶກສາ ປະລິນຍາໂທ ຮຸ່ນທີ XV ແລະ ລະບົບຕໍ່ເນື່ອງປະລິນຍາຕີ ຮຸ່ນທີ XVII ໃນວັນທີ 20 ພະຈິກ 2024, ເຂົ້າຮ່ວມໂດຍ ພົຕ ຄໍາກິ່ງ ຜຸຍຫຼ້າມະນີວົງ ຮອງລັດຖະ ມົນຕີກະຊວງ ປກສ ຫົວໜ້າກົມໃຫຍ່ຕໍາຫຼວດ, ມີ ພັອ ປອ ໂອໄດ ທິລັນດາ ຫົວໜ້າອໍານວຍການວິທະຍາຄານຕໍາຫຼວດປະຊາຊົນ, ມີຄະນະພັກ-ຄະນະອໍານວຍການ, ຄູ-ອາຈານ, ແຂກຮັບເຊີນ ແລະ ນັກສຶກສາເຂົ້າຮ່ວມ.
ພັອ ປອ ຈິດວິໄຊ ແກ້ວມະນີວົງ ຮອງຫົວໜ້າອໍານວຍການວິທະຍາຄານຕໍາຫຼວດປະຊາຊົນ ໄດ້ຜ່ານບົດສະຫຼຸບປິດຊຸດຮຽນ ນັກສຶກປະລິນຍາໂທ ຮຸ່ນທີ XV ແລະ ຕໍ່ເນື່ອງປະລິນຍາຕີ ຮຸ່ນທີ XVII ໃຫ້ຮູ້ວ່າ: ລະບົບປະລິນຍາໂທ ຮຸ່ນທີ XV ມີນັກສຶກສາ 22 ສະຫາຍ ຍິງ 1 ສະຫາຍ ເຊິ່ງການສຶກສາຄົ້ນຄວ້າ ຮໍ່າຮຽນໃຊ້ເວລາ 2 ປີ. ລະບົບຕໍ່ເນື່ອງປະລິນຍາຕີ ຮຸ່ນທີ XVII ມີນັກສຶສາ 70 ສະຫາຍ ຍິງ 5 ສະຫາຍ, ໃຊ້ເວລາຮຽນ 2 ປີ, ມີ 66 ໜ່ວຍກິດ, ແບ່ງອອກເປັນ 2 ຂະແໜງລົງເລິກຄື: ຂະແໜງສືບຂ່າວອາຍາ ແລະ ຂະແໜງຄຸມຂັງ-ດັດສ້າງ.
ນັກສຶກສາປະລິນຍາໂທ ຮຸ່ນທີ XV ທີ່ສຳເລັດການສຶກສາໄດ້ຮັບການເລື່ອນຊັ້ນ: ພັຕ ຂຶ້ນ ພັທ 2 ສະຫາຍ, ເລື່ອນຊັ້ນ ຮອ ຂຶ້ນ ພັຕ 1 ສະຫາຍ, ໄດ້ຮັບຍ້ອງຍໍຂັ້ນກະຊວງ ປກສ 5 ສະຫາຍ, ຂັ້ນກົມໃຫຍ່ການເມືອງ ປກສ 5 ສະຫາຍ, ຂັ້ນ ວຕປ 11 ສະຫາຍ.
ນັກສຶກສາຕໍ່ເນື່ອງປະລິນຍາຕີ ຮຸ່ນທີ XVII ໄດ້ຮັບການເລື່ອນຊັ້ນ ພັຕ ຂຶ້ນ ພັທ 1 ສະຫາຍ, ຮອ ຂຶ້ນ ພັຕ 2 ສະຫາຍ, ເລື່ອນຊັ້ນ ຮທ ຂຶ້ນ ຮອ 1 ຄົນ, ປະດັບຊັ້ນ ຮທ 6 ສະຫາຍ ຍິງ 1 ສະຫາຍ, ຮັກສາຊັ້ນເກົ່າປັດຈຸບັນມີຊັ້ນ ພັຕ 13 ສະຫາຍ, ຮອ 16 ສະຫາຍ, ຮທ 31 ສະຫາຍ, ຍິງ 3 ສະຫາຍ, ໄດ້ຮັບການຍ້ອງຍໍຂັ້ນກະຊວງປ້ອງກັນຄວາມສະຫງົບ 11 ສະຫາຍ, ໄດ້ຮັບການ ຍ້ອງຍໍຂັ້ນກົມໃຫຍ່ການເມືອງ ປກສ 18 ສະຫາຍ, ຍິງ 2 ສະຫາຍ, ໄດ້ຮັບການຍ້ອງຍໍຂັ້ນວິທະຍາຄານຕໍາຫຼວດ ປະຊາຊົນ 36 ສະຫາຍ ຍິງ 2 ສະຫາຍ.
