ຊາວໜຸ່ມກົມໃຫຍ່ການເມືອງ ປກສ ຈັດການແຂ່ງຂັນກິລາບານເຕະ ເພື່ອຂ່ຳນັບຊົມເຊີຍກອງປະຊູມໃຫຍ່ 3 ຂັ້ນຂອງອົງຂະນະພັກກະຊວງ ປກສ, ຂໍ່ານັບຮັບຕອນວັນສ້າງຕັ້ງກົມໃຫຍ່ການເມືອງ ປກສ ຄົບຮອບ 60 ປີ ແລະ ຊົມເຊີຍຜົນສໍາເລັດກອງປະຊຸມໃຫຍ່ຄັ້ງທີ 6 ຂອງໜ່ວຍພັກຮາກຖານ ຫ້ອງຊາວໜຸ່ມ.
ເຂົ້າຮ່ວມຂະບວນການຄັ້ງນີ້ ມີ ພົຈວ ໝູໃບ ອີນທິສານ ຮອງຫົວໜ້າກົມໃຫຍ່ການເມືອງ ປກສ ຜູ້ຊີ້ນໍາອົງການຈັດຕັ້ງມະຫາຊົນ, ມີ ພັອ ສີສົມບັດ ໄຊປັນຍາ ຄະນະກວດກາ ຄະນະບໍລິຫານງານສູນກາງຊາວໝຸ່ມປະຊາຊົນ ປະຕິວັດລາວ ຫົວໜ້າຫ້ອງຊາວໜຸ່ມ ກົມໃຫຍ່ການເມືອງ ປກສ, ມີຕ່າງໜ້າຄະນະພັກ-ຄະນະບັນຊາກົມກອງອ້ອມຂ້າງກົມໃຫຍ່ການເມືອງ ປກສ ແລະ ມີບັນດານັກກິລາ ເຂົ້າຮ່ວມ.
ການແຂ່ງຂັນກິລາເຕາະບານຄັ້ງນີ້ ມີທີມເຕາະບານຈາກກົມກອງອ້ອມຂ້າງກົມໃຫຍ່ການເມືອງເຂົ້າຮ່ວມແຂ່ງຂັນທັງໝົດ 8 ທີມ ເຊິ່ງບັນຍາກາດການແຂ່ງຂັນ ເຕີມໄປດ້ວຍຄວາມເບີນບານມ່ວນຊື່ນ ແລະ ຄວາມສາມັກຄີຮັກແພງຂອງບັນດາສະມາຊິກຊາວໝຸ່ມແຕ່ລະກົມກອງ. ສຳລັບຜົນການແຂ່ງຂັນຊະນະເລີດໄດ້ແກ່ທີມບານເຕະ ຊາວໜຸ່ມຫ້ອງການ ກົມໃຫຍ່ການເມືອງ, ຮອງຊະນະເລີດ ແມ່ນທີມບານເຕະ ຊາວໝຸ່ມກົມກວດກາ-ກວດການ ແລະ ປ້ອງກັນກຳລັງ, ອັນດັບທີ 3 ໄດ້ແກ່ທິມບານເຕະ ຊາວໜຸ່ມໂຮງຮຽນວັດທະນະທຳ ປກສ.
ພາບ-ຂ່າວ: ບຸນພະຈັນ.
