ກົມໃຫຍ່ການເມືອງ ກະຊວງ ປກສ ໄດ້ຈັດພິທີປາຖະກະຖາວັນສໍາຄັນຂອງຊາດ ແລະ ປະກາດເລື່ອນຊັ້ນໃຫ້ນາຍ ແລະ ພົນຕໍາຫຼວດ ໃນວັນທີ 15 ສິງຫາ 2024, ໂດຍມີ ພົຕ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງ ປກສ, ມີບັນດາຄະນະພັກ-ຄະນະບັນຊາ, ນາຍ ແລະ ພົນຕໍາຫຼວດ ເຂົ້າຮ່ວມ.
ໃນພິທີ, ພົຕ ປອ ສຸວັນນີ ສີສຸພາບມີໄຊ ໃຫ້ຮູ້ວ່າ: ເອກະ ສານທີ່ນໍາມາປາຖະກະຖາໃນຄັ້ງນີ້ ມີເອກະສານວັນເກີດຂອງທ່ານປະທານ ສຸພານຸວົງ ຄົບຮອບ 115 (13 ກໍລະກົດ 1909-13 ກໍລະກົດ 2024), ວັນເຊັນສົນທິສັນຍາມິດ ຕະພາບ ແລະ ການຮ່ວມມື ຄົບ ຮອບ 47 ປີ (18 ກໍລະກົດ 1977-18 ກໍລະກົດ 2024) ແລະ ວັນສ້າງຕັ້ງສາຍພົວພັນການ ທູດລາວ-ຫວຽດນາມ ຄົບຮອບ 62 ປີ (5 ກັນຍາ 1962-5 ກັນຍາ 2024), ທັງນີ້, ກໍເພື່ອເປັນການໂຄສະນາສຶກສາອົບຮົມໃຫ້ນາຍ ແລະ ພົນຕໍາຫຼວດ ໄດ້ຮັບຮູ້ເຂົ້າໃຈແຈ້ງກ່ຽວກັບຊີວິດການເຄື່ອນ ໄຫວປະຕິວັດ, ຜົນງານຄຸນງາມຄວາມດີ ແລະ ຄຸນສົມບັດສິນທໍາປະຕິວັດ ຂອງປະທານ ສຸພານຸວົງ ແລະ ມູນເຊື້ອແຫ່ງສາຍພົວພັນມິດຕະພາບ, ຄວາມສາມັກຄີພິ ເສດ ແລະ ການຮ່ວມມືຮອບດ້ານລະຫວ່າງ ລາວ-ຫວຽດນາມ ໃຫ້ເລິກເຊິ່ງ ແລະ ສືບຕໍ່ຂະຫຍາຍມູນເຊື້ອອັນດີງາມດັ່ງກ່າວໄວ້ໃຫ້ໝັ້ນຄົງເພື່ອເປັນການລະນຶກເຖິງຄຸນງາມຄວາມດີຂອງພັກ-ລັດ ແລະ ປະຊາຊົນຫວຽດນາມອ້າຍນ້ອງ ທີ່ໄດ້ໃຫ້ການຊ່ວຍເຫຼືອອັນໃຫຍ່ ຫຼວງ ແລະ ລ້ຳຄ່າ ໃນພາລະກິດ ປົກປັກຮັກສາ ແລະ ສ້າງສາພັດ ທະນາປະເທດຊາດ, ທັງເປັນການຫວນຄືນມູນເຊື້ອແຫ່ງຄວາມສາມັກຄີລະຫວ່າງສອງຊາດ ລາວ-ຫວຽດນາມ ແລະ ມູນເຊື້ອແຫ່ງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມ ມືຮອບດ້ານລະຫວ່າງ ລາວ-ຫວຽດ ນາມ ໃຫ້ເລິກເຊິ່ງ ແລະ ສືບຕໍ່ຂະຫຍາຍມູນເຊື້ອອັນດີງາມດັ່ງກ່າວໄວ້ໃຫ້ໝັ້ນຄົງ.
ຈາກນັ້ນ, ພັອ ວັນນະເລດ ບຸດຕະວົງ ຫົວໜ້າຫ້ອງການເມືອງກໍໄດ້ຜ່ານຂໍ້ຕົກລົງຂອງລັດຖະ ມົນຕີກະຊວງປ້ອງກັນຄວາມສະ ຫງົບ ແລະ ຂໍ້ຕົກລົງຂອງຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕໍາຫຼວດ ອ້ອມຂ້າງກົມໃຫຍ່ການເມືອງ ຈໍານວນ 46 ສະຫາຍ, ໃນນີ້, ເລື່ອນຊັ້ນ ພັນຕີ ຂຶ້ນ ພັນໂທ 4 ສະຫາຍ, ຮ້ອຍເອກ ຂຶ້ນ ພັນຕີ 12 ສະຫາຍ, ຮ້ອຍໂທ ຂຶ້ນ ຮ້ອຍເອກ 13 ສະ ຫາຍ ແລະ ເລື່ອນຊັ້ນ ສິບໂທ ຂຶ້ນສິບເອກ 17 ສະຫາຍ, ໃຫ້ກຽດ ປະດັບຊັ້ນໂດຍ ພົຕ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງ ປກສ.
ຂ່າວ: ສິລິພອນ
