ໃນວັນທີ 14 ສິງຫາ 2024 ທີ່ກະຊວງປ້ອງກັນຄວາມສະຫງົບລາວ, ຄະນະຜູ້ແທນກົມໃຫຍ່ຄຸມຂັງ-ດັດສ້າງ ກະຊວງພາຍໃນ ແຫ່ງຣາຊະອານາຈັກກຳປູເຈຍ ແລະ ຄະນະຜູ້ແທນກົມຕໍາຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ໄດ້ເຂົ້າຢ້ຽມຂໍ່ານັບ ທ່ານ ພົນໂທ ກົງທອງ ພົງວິຈິດ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບລາວ, ຝ່າຍກຳປູເຈຍນຳໂດຍ ທ່ານ ພົນໂທ ຊ້ອນ ຊານາດ ຫົວໜ້າກົມໃຫຍ່ຄຸມຂັງ-ດັດສ້າງ ກະຊວງພາຍໃນກຳປູ ເຈຍ, ຝ່າຍລາວນຳໂດຍ ທ່ານ ພົນຈັດຕະວາ ລັດສະໝີ ໄຊຍະຄຳ ຫົວໜ້າກົມຕໍາຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫງົບລາວ ໂດຍມີຄະນະທັງສອງຝ່າຍເຂົ້າຮ່ວມ ເນື່ອງໃນໂອກາດທີ່ຄະນະຜູ້ແທນກົມໃຫຍ່ຕໍາຫຼວດຄຸມຂັງ-ດັດສ້າງ ກະຊວງພາຍໃນກຳປູເຈຍມາຢ້ຽມຢາມ ແລະ ເຮັດວຽກຮ່ວມກັບກົມຕໍາຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະ ຫງົບລາວ ໃນລະຫວ່າງວັນທີ 13-18 ສິງຫາ 2024.
ໂອກາດນີ້, ທ່ານ ພົນໂທ ກົງທອງ ພົງວິຈິດ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີ ລາຄາສູງຕໍ່ທ່ານ ພົນໂທ ຊ້ອນ ຊານາດ ພ້ອມດ້ວຍຄະນະ ທີ່ໄດ້ມາເຄື່ອນໄຫວຢ້ຽມຢາມ ແລະ ເຮັດວຽກຮ່ວມກັບ ກົມຕໍາຫຼວດຄຸມຂັງ-ດັດສ້າງ ກະຊວງປ້ອງ ກັນຄວາມສະຫງົບລາວ ໃນຄັ້ງນີ້ ເຊິ່ງສອງປະເທດ ລາວ-ກໍາປູເຈຍ ແມ່ນມີມູນເຊື້ອວັດທະນາທໍາປະເພນີທີ່ຄ້າຍຄືກັນ, ເປັນສອງປະເທດທີ່ມີມູນເຊື້ອການພົວພັນຮ່ວມມືກັນມາຢ່າງຍາວນານ ເວົ້າສະເພາະ ກໍຄືສອງກໍາລັງປ້ອງກັນຄວາມສະຫງົບ ລາວ-ກໍາປູເຈຍ, ການພົບປະແລກປ່ຽນບົດຮຽນລະຫວ່າງສອງກົມໃນຄັ້ງນີ້ຫວັງວ່າຈະເປັນຂີດໝາຍອັນສໍາຄັນໃນການເສີມຂະຫຍາຍສາຍພົວພັນການຮ່ວມມື ລະຫວ່າງ ສອງກະຊວງ ກໍຄື ສອງກົມ ໃຫ້ນັບມື້ນັບແໜ້ນແຟ້ນຍິ່ງໆຂຶ້ນ ແລະ ອວຍພ້ອມໄຊໃຫ້ຄະນະທັງສອງຝ່າຍສືບຕໍ່ເຮັດວຽກຮ່ວມກັນຢ່າງມີຜົນສໍາເລັດຕາມລະດັບຄາດໝາຍທີ່ວາງໄວ້.
ໂອກາດດຽວກັນນີ້, ພົນໂທ ຊ້ອນ ຊານາດ ກໍໄດ້ສະແດງຄວາມຂອບໃຈເປັນຢ່າງສູງມາຍັງ ທ່ານ ພົນໂທ ກົງທອງ ພົງວິຈິດ ທີ່ໃຫ້ການຕ້ອນຮັບຢ່າງອົບອຸ່ນ ພ້ອມທັງລາຍງານຜົນກອງປະຊຸມແລກປ່ຽນບົດຮຽນວຽກງານຄຸມຂັງ ລະຫວ່າງ ສອງກົມ ໃຫ້ຊາບ ໂດຍສະເພາະທັງ ສອງຝ່າຍໄດ້ປຶກສາຫາລືຫຼາຍຂົງເຂດວຽກງານ ເປັນຕົ້ນ: ຂົງເຂດວຽກງານຄຸ້ມຄອງນັກໂທດຍິງ, ນັກ ໂທດທີ່ເປັນເດັກກະທຳຜິດ ແລະ ນັກໂທດຄະດີຢາເສບຕິດ, ແລກປ່ຽນຂໍ້ມູນນັກ ໂທດສັນຊາດລາວ ທີ່ພວມປະຕິບັດໂທດຢູ່ກຳປູເຈຍ ໃນປັດຈຸບັນ, ແລກປ່ຽນບົດຮຽນວຽກ ງານສຶກສາອົບຮົມ ແລະ ຝຶກວິຊາຊີບທໍາການຜະລິດແກ້ໄຂຊີວິດການເປັນຢູ່ໃຫ້ແກ່ນັກ ໂທດ, ແລກປ່ຽນບົດຮຽນກ່ຽວກັບການປະຕິບັດກົດໝາຍ ແລະ ນິຕິກໍາທີ່ກ່ຽວຂ້ອງທີ່ເປັນບ່ອນອີງໃນການຈັດຕັ້ງປະຕິບັດວຽກງານຄຸມຂັງ-ດັດສ້າງ.
ຈາກນັ້ນ, ພົນໂທ ຊ້ອນ ຊານາດ ກໍໄດ້ອວຍພອນມາຍັງ ທ່ານ ພົນໂທ ກົງທອງ ພົງວິຈິດ ພ້ອມດ້ວຍການນໍາກະຊວງປ້ອງກັນຄວາມສະຫງົບລາວທຸກທ່ານ ຈົງມີສຸຂະພາບທີ່ແຂງ ແຮງ, ມີຄວາມຜາສຸກໃນຊີວິດສ່ວນຕົວ, ຄອບຄົວ ສືບຕໍ່ນໍາພາ-ຊີ້ນໍາ ກຳ ລັງປ້ອງກັນຄວາມສະຫງົບລາວ ໃຫ້ເຕີບໃຫຍ່ ແລະ ເຂັ້ມແຂງຂຶ້ນໄປເລື່ອຍໆ.
