ວັນທີ 30 ກໍລະກົດ 2024 ກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ກະຊວງ ປກສ ຈັດກອງປະຊຸມປຶກສາຫາລືການກະກຽມກອງປະຊຸມ ການຈັດຕັ້ງປະຕິບັດຄໍາສັ່ງ ເລກທີ 563/ປກສ ວ່າດ້ວຍການຮິບໂຮມການຂຶ້ນບັນຊີຄຸ້ມຄອງອາວຸດປືນເສິກ ໂດຍມີ ພົນຕີ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດ ກະຊວງ ປກສ, ມີບັນດາຄະນະຮັບ ຜິດຊອບ ແລະ ບັນດາອານຸກຳມະການ ພ້ອມດ້ວຍພະນັກງານຊ່ວຍວຽກ ເຂົ້າຮ່ວມ.
ໃນກອງປະຊຸມ, ພົນຈັດຕະວາ ແກ່ນຈັນ ພົມມະຈັກ ຫົວໜ້າກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ໄດ້ຜ່ານບົດລາຍງານໂດຍຫຍໍ້ກ່ຽວກັບການກະກຽມຈັດກອງປະຊຸມສະຫຼຸບການຈັດຕັ້ງປະຕິບັດຄຳສັ່ງ 563/ປກສ ໃນໄລຍະທີໜຶ່ງ ປີ 2019-2023 ແລະ ວາງທິດທາງແຜນການ ປີ 2024-2025 ເປັນຕົ້ນດ້ານເນື້ອໃນ, ບຸກຄະລາກອນ, ກຳນົດເວລາ, ສະຖານທີ່, ພາຫະນະ, ງົບປະມານ ແລະ ເອກະສານທີີ່ຈະເຜີຍແຜ່ໃນກອງປະຊຸມ ເຊິ່ງໄດ້ກໍານົດເອົາວັນທີ 8-9 ສິິງຫາ 2024 ເປັນມື້ຈັດກອງປະຊຸມ.
ຈາກນັ້ນ, ພັອ ລີຊວາ ໄຊຍະຊ່າງ ຮອງຫົວໜ້າກົມຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ໄດ້ຜ່ານແຜນດໍາເນີນກອງປະ ຊຸມສະຫຼຸບການຈັດຕັ້ງປະຕິບັດຄໍາສັ່ງ 563/ປກສ ວ່າດ້ວຍການຮີບໂຮມຂຶ້ນບັນຊີຄຸ້ມຄອງອາວຸດປືນເລີກໃນ ຂອບເຂດທົ່ວປະເທດ ໄລຍະທີໜຶ່ງ 2019-2023 ແລະ ວາງທິດທາງແຜນການໄລຍະທີສອງ 2024-2025 ແລະ ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບ, ອະນຸກຳມະການ ກະກຽມດໍາເນີນກອງປະຊຸມສະຫຼຸບການຈັດຕັ້ງປະຕິບັດຄໍາສັ່ງ563/ປກສ ເພື່ອເປັນບ່ອນອີງໃນການກະກຽມ ແລະ ດຳເນີນກອງປະຊຸມສະຫຼຸບການຈັດຕັ້ງປະຕິບັດຄຳສັ່ງເລກທີ 563/ ປກສ ໃຫ້ມີຜົນ ສຳເລັດ ທັງເປັນການກວດກາ, ຕີລາຄາ ແລະ ຖອດຖອນບົດຮຽນການເຄື່ອນໄຫວຈັດຕັ້ງປະຕິບັດ ຄໍາສັ່ງເລກທີ 563/ປກສ ໃນໄລຍະເວລາ 5 ປີ ຢ່າງພາວະວິໄສ ແລະ ຄົບຖ້ວນ, ກຳນົດທິດທາງແຜນການ, ສ້າງຄວາມເປັນເອກະພາບໃນຂອບ ເຂດທົ່ວປະເທດ ໃນການສືບຕໍ່ເຄື່ອນໄຫວຈັດຕັ້ງປະຕິບັດຄໍາສັ່ງເລກທີ 563/ປກສ ວ່າດ້ວຍການຮິບໂຮມຂຶ້ນບັນຊີອາວຸດປືນເສິກໄລ ຍະແຕ່ ປີ 2024-2025 ໃຫ້ບັນລຸຜົນສໍາເລັດສູງສຸດ, ສະກັດກັ້ນບັນຫາປາກົດການຫຍໍ້ທໍ້ຕ່າງໆ, ບັນຫາເຫດການອາຊະຍາກຳທີ່ກ່ຽວຂ້ອງກັບການຄອບຄອງນໍາໃຊ້ອາວຸດປືນເສິກທີ່ບໍ່ຖືກຕ້ອງ ຮັບປະກັນໃຫ້ສັງຄົມມີຄວາມສະຫງົບ-ປອດໄພ ແລະ ເປັນລະບຽບຮຽບຮ້ອຍ.
ພາບ-ຂ່າວ: ສີລິພອນ
