ກົມໃຫຍ່ພະລາທິການປ້ອງກັນຄວາມສະຫງົບ ໄດ້ຈັດພິທີປະກາດການບົ່ງຕົວແຕ່ງຕັ້ງ ເລຂາໜ່ວຍພັກຮາກຖານ, ອະນຸມັດນາຍຕໍາຫຼວດພັກການຮັບອຸດໜູນບໍານານ ແລະ ປະກາດການເລື່ອນຊັ້ນ ໃຫ້ນາຍ ແລະ ພົນຕໍາຫຼວດ ໃນວັນທີ 24 ກໍລະກົດ 2024, ໂດຍມີ ສະຫາຍ ພົຈວ ໜູຈອນ ກ້ອນທອງດຳ ຄະນະພັກກະຊວງ ເລຂາຄະນະພັກ ຫົວໜ້າກົມໃຫຍ່ພະລາທິການ ປກສ, ມີບັນດາຄະນະພັກກົມໃຫຍ່, ຄະນະພັກຮາກຖານ, ໜ່ວຍພັກຮາກຖານ, ຄະນະພະແນກ ພ້ອມດ້ວຍຜູ້ທີ່ໄດ້ຮັບການເລື່ອນຊັ້ນ ເຂົ້າຮ່ວມ.
ສະຫາຍ ພັອ ສີທອນ ພິມສີວົງ ເລຂາໜ່ວຍພັກຮາກຖານ ຫົວໜ້າຫ້ອງການເມືອງ ໄດ້ຜ່ານມະຕິຕົກລົງ ວ່າດ້ວຍການບົ່ງຕົວແຕ່ງຕັ້ງ ເລຂາໜ່ວຍພັກຮາກຖານ ສະບັບເລກທີ 278, 279/ຄພ.ພລ ລົງວັນທີ 11 ມິຖຸນາ 2024 ແລະ ຂໍ້ຕົກລົງເລກທີ 338/ຄພ.ພລ ລົງວັນທີ 17 ກໍລະກົດ 2024 ເຊິ່ງຄະນະພັກກົມໃຫຍ່ພະລາທິການ ອອກມະຕິຕົກລົງບົ່ງຕົວແຕ່ງຕັ້ງດັ່ງນີ້:
– ແຕ່ງຕັ້ງ ສະຫາຍ ພັອ ແສງທອງ ເກື້ອບຸນລໍ້າ ເປັນເລຂາໜ່ວຍພັກຮາກຖານ ຫ້ອງການກົມໃຫຍ່
– ແຕ່ງຕັ້ງ ສະຫາຍ ພັທ ພູມີ ທໍາມະວົງ ເປັນເລຂາໜ່ວຍພັກຮາກຖານ ກົມຄຸ້ມຄອງພາຫະນະ-ຂົນສົ່ງ
– ແຕ່ງຕັ້ງ ສະຫາຍ ພັອ ພອນສະຫວັນ ເດດອຸດົມ ເປັນເລຂາໜ່ວຍພັກຮາກຖານ ກົມຄຸ້ມຄອງການຜະລິດ-ທຸລະກິດ
ຈາກນັ້ນ, ໄດ້ຜ່ານຂໍ້ຕົກລົງຂອງ ລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການອະນຸມັດໃຫ້ນາຍຕໍາຫຼວດພັກການ-ຮັບອຸດໜູນບໍານານ ເລກທີ 1646, 1647/ປກສ ລົງວັນທີ 8 ກໍລະກົດ 2024 ຈໍານວນ 2 ສະຫາຍ ຄື: ສະຫາຍ ພັທ ນາງ ເພັດລໍາພອນ ຫຼ້າວົງເຖິງ ແລະ ສະຫາຍ ພັຕ ນ ສຸກສະຫວັນ ຈຽວສອງ, ເຊິ່ງທັງສອງເປັນພະນັກງານວິຊາການ ຢູ່ກົມໃຫຍ່ພະລາທິການ ເຂົ້າພັກການຮັບ-ອຸດໝູບໍານານ.
ຜ່ານຂໍ້ຕົກລົງຂອງ ກົມໃຫຍ່ການເມືອງ ປກສ ແລະ ກົມໃຫຍ່ພະລາທິການ ປກສ ເລກທີ 2774, 2020/ປກສ ລົງວັນທີ 16 ແລະ 24 ກໍລະກົດ 2024 ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕໍາຫຼວດ ທີ່ຂຶ້ນກັບ ກົມໃຫຍ່ພະລາທິການ ປກສ ເຊິ່ງໄດ້ເລື່ອນຊັ້ນດັ່ງນີ້:
– ຮ້ອຍຕີ ຂຶ້ນຊັ້ນ ຮ້ອຍໂທ ຈໍານວນ 3 ສະຫາຍ ຍິງ 1 ສະຫາຍ
– ສິບເອກ ຂຶ້ນຊັ້ນ ວາທີ 18 ສະຫາຍ ຍິງ 8 ສະຫາຍ
– ສິບໂທ ຂຶ້ນຊັ້ນ ສິບເອກ 2 ສະຫາຍ
ໃຫ້ກຽດຂຶ້ນປະດັບຊັ້ນໂດຍ ສະຫາຍ ພົຈວ ໜູຈອນ ກ້ອນທອງດຳ ຄະນະພັກກະຊວງ ເລຂາຄະນະພັກ ຫົວໜ້າກົມໃຫຍ່ພະລາທິການ ປກສ.
