ສະຫະພັນແມ່ຍິງກົມໃຫຍ່ ການເມືອງປ້ອງກັນຄວາມສະຫງົບ ໄດ້ຈັດພິທີໂຮມຊຸມນຸມປາຖະກະຖາເລົ່າຄືນມູນເຊື້ອວັນສ້າງຕັ້ງແມ່ ຍິງລາວ ຄົບຮອບ 69 ປີ ( 20 ກໍ ລະກົດ 1955-20 ກໍລະກົດ 2024) ຂຶ້ນໃນວັນທີ 25 ກໍລະກົດ 2024, ທີ່ສະໂມສອນສູນຮັບຕ້ອນ ແລະ ຝຶກອົບຮົມກົມໃຫຍ່ການເມືອງ ປກສ, ໂດຍການເຂົ້າຮ່ວມ ແລະ ໃຫ້ ກຽດປາຖະກະຖາຂອງ ພັອ ນາງ ຄຳ ຢາດ ວິໄລວັນ ຄະນະບໍລິຫານງານ ສູນກາງສະຫະພັນແມ່ຍິງລາວ, ປະ ທານສະຫະພັນແມ່ຍິງກະຊວງ ປ້ອງກັນຄວາມສະ ຫງົບ, ມີບັນ ດາຄະນະພັກ-ຄະນະນຳ, ກົມກອງ ອ້ອມຂ້າງກົມໃຫຍ່ການເມືອງ ປກສ, ປະທານສະຫະພັນແມ່ຍິງ, ຄະນະສະ ຫະພັນແມ່ຍິງ ແລະ ສະມາຊິກແມ່ຍິງ ເຂົ້າຮ່ວມ.
ໃນໂອກາດນີ້, ພັອ ນາງ ຄຳ ຢາດ ວິໄລວັນ ໄດ້ເລົ່າຄືນປະຫວັດ ມູນເຊື້ອການກຳເນີດ, ການເຕີບ ໃຫຍ່ຂະຫຍາຍຕົວ ແລະ ຜົນງານ ການເຄື່ອນໄຫວຂອງອົງການຈັດ ຕັ້ງສະຫະພັນແມ່ຍິງລາວ ກໍຄືແມ່ ຍິງລາວບັນດາເຜົ່າທີ່ໄດ້ອຸທິດຕົນ ເພື່ອພາລະ ກິດຕໍ່ສູ້ປົດປ່ອຍຊາດ, ປົກປັກຮັກສາ ແລະ ສ້າງສາພັດ ທະນາປະເທດຊາດ ກໍຄືພາລະກິດ ພັດທະນາແມ່ຍິງຕະຫຼອດໄລຍະ 69 ປີ. ເຊິ່ງເອື້ອຍນ້ອງແມ່ຍິງລາວໃນເມື່ອກ່ອນແມ່ນໄດ້ປະກອບ ສ່ວນອຸທິດເຫື່ອແຮງ, ສະຕິປັນຍາເຂົ້າໃນພາລະກິດຕໍ່ສູ້ກູ້ຊາດຄຽງບ່າຄຽງໄຫຼ່ກັບເພດຊາຍດ້ວຍຄວາມ ອົງອາດກ້າຫານ, ຈົນມາຮອດ ວັນ ທີ 20 ກໍລະກົດ 1955 ພັກໄດ້ຈັດ ຕັ້ງໜ່ວຍຄົ້ນຄວ້າແມ່ຍິງຂຶ້ນ ກໍຄື ຕົ້ນກໍາເນີດຂອງອົງການຈັດຕັ້ງສະຫະພັນແມ່ຍິງລາວ ໃນປັດຈຸບັນ.
ເພື່ອນໍາພາແມ່ຍິງໃນທົ່ວປະເທດ ປະກອບສ່ວນເຂົ້າໃນພາລະກິດ ຕໍ່ສູ້ປົດປ່ອຍຊາດ, ແມ່ຍິງລາວຈໍາ ນວນບໍ່ໜ້ອຍຖືກສັດຕູຈັບຄຸມຂັງ, ທຸບຕີທໍລະ ມານ, ຖືກບັງຄັບໃຫ້ໄຂ ຄວາມລັບແຕ່ແມ່ຍິງເດັດຂາດບໍ່ ຍອມຈໍານົນ, ບໍ່ຍອມໄຂຄວາມ ລັບເດັດດ່ຽວຕໍ່ສູ້ຢ່າງພິລາດອາດ ຫານ, ອັນໄດ້ເຮັດໃຫ້ແມ່ປ້ານ້າອາຂອງແມ່ຍິງ ລາວໄດ້ຮັບນາມະຍົດ ເປັນວິລະຊົນແຫ່ງຊາດ, ນັກຮົບ ແຂ່ງຂັນ ແລະ ໄດ້ຮັບຄັດເລືອກ ໃຫ້ເປັນແບບຢ່າງທີ່ດີເດັ່ນປະ ກອບສ່ວນເຂົ້າໃນຂົງເຂດວຽກ ງານຕ່າງໆ ພ້ອມທັງໄດ້ຮັບການ ຍ້ອງຍໍຈາກພັກ ແລະ ລັດຖະບານ ຫຼາຍລະດັບ, ພາຍຫຼັງປະເທດຊາດ ໄດ້ຮັບການປົດປ່ອຍແມ່ຍິງລາວ ບັນດາເຜົ່າ ໄດ້ສືບຕໍ່ເສີມຂະຫຍາຍທາດແທ້ມູນເຊື້ອອັນສະຫງ່າງາມ ແລະ ຕັ້ງໜ້າປະກອບສ່ວນເຂົ້າໃນ ພາລະກິດປົກປັກຮັກສາ ແລະ ສ້າງສາພັດທະນາປະ ເທດຊາດ ພາຍ ໃຕ້ການນໍາພາຂອງພັກ-ລັດແມ່ຍິງລາວໃນຂອບເຂດທົ່ວປະເທດສາມາດຈັດຕັ້ງປະຕິບັດພາລະບົດບາດ ແລະ ໜ້າທີ່ການເມືອງຂອງ ຕົນ ພ້ອມທັງ, ຜັນຂະຫຍາຍມະຕິ ກອງປະຊຸມໃຫຍ່ຂອງຜູ້ແທນແມ່ ຍິງລາວ ແຕ່ລະຄັ້ງມາເປັນແຜນ ງານ, ໂຄງການຢ່າງລະອຽດ ແລະ ໄດ້ຮັບຜົນສໍາເລັດໃນແຕ່ລະໄລຍະ.
ການຈັດຕັ້ງປາຖະກະຖາໃນ ຄັ້ງນີ້, ເພື່ອເຮັດໃຫ້ເອື້ອຍນ້ອງສະຫະພັນແມ່ຍິງກະຊວງ ປກສ ເຊື່ອມ ຊຶມເຂົ້າໃຈເຖິງປະຫວັດຄວາມ ເປັນມາ, ມູນເຊື້ອຕົ້ນກຳເນີດ ແລະ ຜົນງານການເຄື່ອນໄຫວຂອງອົງ ການຈັດຕັ້ງ ສະຫະພັນແມ່ຍິງລາວ ແລະ ແມ່ຍິງລາວບັນດາເຜົ່າທີ່ໄດ້ອຸ ທິດຕົນເພື່ອພາລະກິດຕໍ່ສູ້ປົດປ່ອຍຊາດ ກໍຄືປົກປັກຮັກສາ ແລະ ສ້າງ ສາພັດທະນາປະເທດຊາດ, ພາ ລະກິດພັດທະນາແມ່ຍິງຕະຫຼອດໄລ ຍະທີ່ຜ່ານມາ, ນໍາເອົາບັນດາເນື້ອ ໃນມະຕິກອງປະຊຸມໃຫຍ່ ຄັ້ງທີ IX ຂອງສະຫະພັນແມ່ຍິງກົມໃຫຍ່ ການເມືອງ ປກສ ໄປເຜີຍແຜ່ຜັນ ຂະຫຍາຍຢູ່ກົມກອງໃຫ້ທົ່ວເຖິງ ແລະ ມີໝາກຜົນຕົວຈິງ.
ພາບ-ຂ່າວ: ບຸນພະຈັນ.
