ໃນວັນທີ 18 ກໍລະກົດ 2024 ທີ່ຫ້ອງປະຊຸມຫ້ອງວ່າການປົກຄອງແຂວງບໍ່ແກ້ວ, ໄດ້ຈັດພິທີປະກາດ ແຕ່ງຕັ້ງຮອງເລຂາພັກແຂວງ, ຮອງເຈົ້າແຂວງໆບໍ່ແກ້ວ ໃຫ້ກຽດເຂົ້າຮ່ວມເປັນປະທານໂດຍສະຫາຍ ພົອ ວິໄລ ຫຼ້າຄໍາຟອງ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ, ມີສະຫາຍ ປອ ທອງຈັນ ມະນີໄຊ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆບໍ່ແກ້ວ, ສະຫາຍຄະນະປະຈໍາພັກ, ຄະນະບໍລິຫານງານພັກແຂວງ, ສະພາປະຊາຊົນ, ການນໍາຈາກສູນກາງ ແລະ ພະນັກງານຫຼັກແຫຼ່ງ ພາຍໃນແຂວງບໍ່ແກ້ວເຂົ້າຮ່ວມ.
ສະຫາຍ ປອ ວິສຸກ ພົມພິທັກ ຮອງຫົວໜ້າຄະນະຈັດຕັ້ງສູນກາງພັກ ໄດ້ຜ່ານຄໍາສັ່ງຂອງຄະ ນະເລຂາທິການສູນກາງພັກ ແລະ ຄໍາສັ່ງຂອງນາຍົກລັດຖະມົນຕີ ວ່າດ້ວຍການຍົກຍ້າຍພະນັກງານການນໍາໄປຮັບໜ້າທີ່ໃໝ່. ໃນນີ້, ຄະນະເລຂາທິການສູນກາງພັກ ແລະ ນາຍົກລັດຖະມົນຕີ ໄດ້ອອກຄໍາສັ່ງ ຍົກຍ້າຍ ສະຫາຍ ພົຕ ສາຍໃຈ ກົມມະສິດ ກຳມະການປະຈຳພັກກະ ຊວງປ້ອງກັນປະເທດ ຮອງລັດຖະມົນຕີກະຊວງປ້ອງກັນປະເທດ ໄປຮັບໜ້າທີ່ໃໝ່ຢູ່ແຂວງບໍ່ແກ້ວ; ຈາກນັ້ນ ກໍໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການບົ່ງຕົວແຕ່ງຕັ້ງ ສະຫາຍ ພົຕ ສາຍໃຈ ກົມມະສິດ ເປັນກໍາມະການຄະນະບໍລິຫານງານພັກ, ກຳມະການປະຈໍາພັກ ແລະ ເປັນຮອງເລຂາຄະນະບໍລິຫານງານພັກແຂວງບໍ່ແກ້ວ.
ໂອກາດນີ້, ສະຫາຍ ພົອ ວິໄລ ຫຼ້າຄໍາຟອງ ໄດ້ກ່າວສະແດງຄວາມຍິນດີ ແລະ ຍ້ອງຍໍຊົມ ເຊີຍ ຕໍ່ກັບພະນັກງານການນໍາທີ່ໄດ້ຮັບການແຕ່ຕັ້ງໃນຄັ້ງນີ້ ແລະ ຊີ້ນຳໃຫ້ສະຫາຍຜູ້ທີ່ໄດ້ຮັບການແຕ່ງຕັ້ງ ແລະ ການນໍາຂັ້ນຕ່າງໆ ພາຍໃນແຂວງບໍ່ແກ້ວເອົາໃຈໃສ່ຫຼາຍບັນຫາທີ່ສໍາຄັນ ຄື: ຕ້ອງອອກແຮງເສີມຂະຫຍາຍມູນເຊື້ອສາມັກຄີເປັນປຶກແຜ່ນພາຍໃນຄະນະພັກ, ເຮັດໃຫ້ຄະນະ ພັກກາຍເປັນໃຈກາງ ການຈັດຕັ້ງທີ່ມີຄວາມໜັກແໜ້ນເຂັ້ມແຂງ, ຕ້ອງເປັນແບບຢ່າງທາງດ້ານຄຸນທາດການເມືອງ, ຄຸນສົມ ບັດສິນທຳປະຕິວັດ ແລະ ຍົກສູງນໍ້າໃຈເສຍສະຫຼະ; ບຸກບືນຄົ້ນຄວ້າຮໍ່າຮຽນ ເພື່ອກຳແໜ້ນແນວທາງນະໂຍບາຍຂອງພັກ, ໜ້າທີ່ການເມືອງຂອງອົງການປົກຄອງແຂວງ, ເສີມຂະຫຍາຍຫົວຄິດປະດິດສ້າງຂອງຄະນະ, ທັງປຸກລະດົມ ແລະ ຮູ້ນຳໃຊ້ມາດຕະການອັນເຂັ້ມງວດ, ທ່ຽງທໍາຕາມຂໍ້ກຳນົດກົດລະບຽບ ເພື່ອປັບປຸງກໍ່ສ້າງອົງການປົກຄອງແຂວງ ໃຫ້ມີຄວາມກ້າວ ໜ້າ, ຂະຫຍາຍຕົວ; ພ້ອມນັ້ນ, ກໍຕ້ອງຮູ້ນຳໃຊ້ບັນດາທ່າແຮງທີ່ບົ່ມຊ້ອນບໍ່ວ່າຈະເປັນທາງດ້ານບຸກຄະລາກອນ, ກົງຈັກການຈັດຕັ້ງ, ຊັບພະຍາກອນຂອງທ້ອງຖິ່ນ, ທັງດຶງດູດເອົາການລົງທຶນຈາກພາຍນອກ ເພື່ອໃຫ້ແຂວງບັນລຸບັນດາເປົ້າໝາຍຂອງການພັດທະນາ.
ນອກນັ້ນ, ທ່ານຍັງເນັ້ນໃຫ້ເອົາໃຈໃສ່ຢ່າງແຂງແຮງໃນຂົງເຂດປ້ອງກັນຊາດ-ປ້ອງກັນຄວາມສະຫງົບ ໂດຍຖືເອົາການເພີ່ມທະວີການຈັດຕັ້ງຜັນຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ ເປັນໃຈກາງປະ ສານສົມທົບ ແລະ ພ້ອມກັນສືບຕໍ່ຄົ້ນຄວ້າ, ປຶກສາຫາລືກ່ຽວກັບບັນຫາທີ່ພົວພັນເຖິງວຽກງານປ້ອງກັນຊາດ-ປ້ອງກັນຄວາມສະຫງົບ ກໍຄືຄວາມໝັ້ນຄົງ, ຄວາມສະຫງົບສຸກຂອງສັງຄົມ; ສືບຕໍ່ສຸມທຸກກໍາລັງແຮງສັງລວມ ຮັບປະກັນໃຫ້ແຂວງ ມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍໃນສັງຄົມ; ເພີ່ມທະວີການຊີ້ນໍາວຽກງານສະກັດກັ້ນ, ທັບມ້າງທຸກກົນອຸບາຍ, ການເຄື່ອນໄຫວຂອງອິດທິກໍາລັງປໍລະປັກ ແລະ ກຸ່ມຄົນບໍ່ດີ, ບັນດາໜໍ່ແໜງທີ່ຈະພາໃຫ້ເກີດມີຄວາມບໍ່ສະຫງົບ; ວຽກງານປົກປັກຮັກສາຊາຍແດນ ແລະ ແກ້ໄຂບັນຫາຊາຍແດນທີ່ຍັງຄົງຄ້າງ ໃຫ້ໄປຕາມກົນໄກ ແລະ ທິດຊີ້ນຳຂອງຂັ້ນເທິງ; ສືບຕໍ່ນໍາເອົາເນື້ອໃນຈິດໃຈບັນດາມະຕິຂອງສູນກາງພັກ, ຄະນະກຳມະການ ປກຊ-ປກສ ສູນກາງ ຜັນຂະຫຍາຍຫັນມາເປັນມະຕິ, ແຜນງານ ແລະ ໂຄງການຕົວຈິງ; ພ້ອມນັ້ນ, ຕ້ອງຮັບປະກັນບົດບາດການນຳພາເດັດຂາດ, ໂດຍກົງ, ຮອບດ້ານຂອງພັກ ຕໍ່ກໍາລັງປະກອບອາວຸດປ້ອງກັນຊາດ-ປ້ອງກັນຄວາມສະຫງົບ; ປັບປຸງ-ກໍ່ສ້າງກໍາລັງປ້ອງກັນຊາດ-ປ້ອງກັນຄວາມສະຫງົບ ໃຫ້ເຂັ້ມແຂງ, ໜັກແໜ້ນ, ມີແບບແຜນທັນສະໄໝ; ຍົກສູງສະຕິກຽມພ້ອມສູ້ຮົບ, ກຽມພ້ອມຮັບມືກັບທຸກສະຖານະການ, ປ້ອງກັນເຂດນໍ້າແດນດິນ, ຮັກສາຄວາມສະຫງົບ, ເປັນລະບຽບຮຽບຮ້ອຍທາງສັງ ຄົມ.
ນອກນັ້ນ, ທ່ານຍັງເນັ້ນໃຫ້ເອົາໃຈໃສ່ຢ່າງແຂງແຮງໃນຂົງເຂດປ້ອງກັນຊາດ-ປ້ອງກັນຄວາມສະຫງົບ ໂດຍຖືເອົາການເພີ່ມທະວີການຈັດຕັ້ງຜັນຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ ເປັນໃຈກາງປະ ສານສົມທົບ ແລະ ພ້ອມກັນສືບຕໍ່ຄົ້ນຄວ້າ, ປຶກສາຫາລືກ່ຽວກັບບັນຫາທີ່ພົວພັນເຖິງວຽກງານປ້ອງກັນຊາດ-ປ້ອງກັນຄວາມສະຫງົບ ກໍຄືຄວາມໝັ້ນຄົງ, ຄວາມສະຫງົບສຸກຂອງສັງຄົມ; ສືບຕໍ່ສຸມທຸກກໍາລັງແຮງສັງລວມ ຮັບປະກັນໃຫ້ແຂວງ ມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍໃນສັງຄົມ; ເພີ່ມທະວີການຊີ້ນໍາວຽກງານສະກັດກັ້ນ, ທັບມ້າງທຸກກົນອຸບາຍ, ການເຄື່ອນໄຫວຂອງອິດທິກໍາລັງປໍລະປັກ ແລະ ກຸ່ມຄົນບໍ່ດີ, ບັນດາໜໍ່ແໜງທີ່ຈະພາໃຫ້ເກີດມີຄວາມບໍ່ສະຫງົບ; ວຽກງານປົກປັກຮັກສາຊາຍແດນ ແລະ ແກ້ໄຂບັນຫາຊາຍແດນທີ່ຍັງຄົງຄ້າງ ໃຫ້ໄປຕາມກົນໄກ ແລະ ທິດຊີ້ນຳຂອງຂັ້ນເທິງ; ສືບຕໍ່ນໍາເອົາເນື້ອໃນຈິດໃຈບັນດາມະຕິຂອງສູນກາງພັກ, ຄະນະກຳມະການ ປກຊ-ປກສ ສູນກາງ ຜັນຂະຫຍາຍຫັນມາເປັນມະຕິ, ແຜນງານ ແລະ ໂຄງການຕົວຈິງ; ພ້ອມນັ້ນ, ຕ້ອງຮັບປະກັນບົດບາດການນຳພາເດັດຂາດ, ໂດຍກົງ, ຮອບດ້ານຂອງພັກ ຕໍ່ກໍາລັງປະກອບອາວຸດປ້ອງກັນຊາດ-ປ້ອງກັນຄວາມສະຫງົບ; ປັບປຸງ-ກໍ່ສ້າງກໍາລັງປ້ອງກັນຊາດ-ປ້ອງກັນຄວາມສະຫງົບ ໃຫ້ເຂັ້ມແຂງ, ໜັກແໜ້ນ, ມີແບບແຜນທັນສະໄໝ; ຍົກສູງສະຕິກຽມພ້ອມສູ້ຮົບ, ກຽມພ້ອມຮັບມືກັບທຸກສະຖານະການ, ປ້ອງກັນເຂດນໍ້າແດນດິນ, ຮັກສາຄວາມສະຫງົບ, ເປັນລະບຽບຮຽບຮ້ອຍທາງສັງ ຄົມ.
