ກອງປະຊຸມໃຫຍ່ຄັ້ງທີ V ໜ່ວຍພັກຮາກຖານກອງຮ້ອຍເອກະລາດກອງບັນຊາການປ້ອງກັນທີ່ຕັ້ງ ໄດ້ຈັດຂຶ້ນໃນວັນທີ 3 ກໍ ລະກົດ 2024, ເປັນປະທານໂດຍ ສະຫາຍ ພັທ ໄຊສົມບັດ ພີມມະສອນ ເລຂາຄະນະພັກ ຫົວໜ້າກອງຮ້ອຍເອກະລາດ, ມີສະຫາຍ ພັອ ຈັນທອນ ແກ້ວມະນີວົງ ເລຂາຄະນະພັກ ຫົວໜ້າກອງບັນຊາການປ້ອງກັນທີ່ຕັ້ງ, ມີບັນດາຄະນະໜ່ວຍພັກ, ແຂກຮັບເຊີນ, ສະມາຊິກພັກສົມບູນເຂົ້າຮ່ວມ
ກອງປະຊຸມຄັ້ງນີ້, ໄດ້ສະຫຼຸບຕີລາຄາການຈັດຕັ້ງວຽກງານວິຊາສະເພາະ ໃນໄລຍະ 5 ປີຜ່ານມາເປັນຕັ້ນ ດ້ານວຽກງານການເມືອງ-ແນວຄິດ ຄະນະໜ່ວຍພັກໄດ້ຈັດຕັ້ງຮ່ຳຮຽນ ເອກະສານສຳຄັນຂອງພັກຂອງຊາດ, ຂອງກຳລັງປ້ອງກັນຄວາມສະຫງົບ ປະຫວັດການເຄື່ອນໄຫວຂອງຜູ້ນຳພັກ-ລັດ ແລະ ເອກກະສານສຳຄັນອື່ນໆ ໄດ້ເອົາໃຈໃສ່ຊີ້ນຳ ນຳພາປະຕິບັດໜ້າທີ່ວິຊາສະ ເພາະຕາມພາລະບົດບາດໃນການປ້ອງກັນສະຖານີວິທະຍຸ ຫຼັກ 49 , ປ້ອງກັນສະຖານີດາວທຽມພາກພື້ນດິນຫຼັກ 52, ປ້ອງ ກັນບໍລິສັດ ໄຟຟ້າແສງຕາເວັນ, ປ້ອງກັນທະນາຄານການຄ້າຫ້ວຍນ້ຳເຢັນ, ປ້ອງກັນງານບຸນປະເພນີຕ່າງໆ ຂອງບ້ານອ້ອມຂ້າງກອງຮ້ອຍ 3 ຄັ້ງ.
ນອກນັ້ນ, ຍັງໄດ້ຍົກສູງພາລະບົດບາດໃນການນຳພາ-ຊີ້ນຳ ຄະນະພັກ-ຄະນະບັນຊາ ໃຫ້ເປັນເຈົ້າການໃນການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ ນາຍ ແລະ ພົນຕຳຫຼວດ ຂອງຕົນຢ່າງຕໍ່ເນື່ອງ ແລະ ພ້ອມກັນຈັດຕັ້ງຢ່າງເຂັ້ມງວດ.
ກອງປະຊຸມຍັງໄດ້ປ່ອນບັດຄັດເລືອກເອົາ ຄະນະໜ່ວຍພັກຊຸດໃໜ່. ໃນນີ້, ມີຜູ້ລົງສະໜັກ 5 ສະຫາຍ ເລືອກເອົາ 3 ສະຫາຍ, ເລືອກໄດ້ ສະຫາຍ ພັທ ໄຊສົມບັດ ພີມມະສອນ ເປັນເລຂາ, ສະຫາຍ ວົງວິໄຊ ແກ້ວສະແຫວງສຸກ ເປັນຮອງເລຂາ, ສະຫາຍ ພັທ ສົງກາ ທຳມະວົງສາ ເປັນປະທານກວດກາ.
ສະຫາຍ ພັອ ຈັນທອນ ແກ້ວມະນີວົງ ໄດ້ເນັ້ນໃຫ້ຄະນະໜ່ວຍພັກຊຸດໃໜ່ ໃຫ້ຍົກສູງຄວາມຮັບຜິດຊອບຂອງຕົນຕໍ່ໜ້າທີ່ການເມືອງທີ່ໄດ້ຮັບມອບໜາຍ ດຸໜັ່ນຝືກຝົນຫຼ່ໍຫຼອມຕົນເອງໃຫ້ມີຄວາມໜັກແໜ້ນທາງດ້ານແນວຄິດການເມືອງ, ມີຄຸນສົມບັດສິນທຳປະຕິວັດ, ປະຕິບັດໜ້າທີ່ວິຊາສະເພາະໃຫ້ເຂົ້າສູ່ລະບົບທັນສະໃໜວ່ອງໄວຖືກຕ້ອງຕາມລະບຽບຫລັການ ເອົາໃຈໃສ່ຈັດຕັ້ງປະຕິບັດ ຂໍ້ແຂ່ງຂັນໃຫ້ປະກົດຜົນເປັນຈິງ ແລະ ໃຫ້ສືບຕໍ່ປະຕິບັດສຶກສາອົບຮົມການເມືອງ-ແນວຄິດ ໃຫ້ສະມາຊິກພັກພາຍໃນໜ່ວຍ, ເອົາໃຈໃສ່ເຕົ້າໂຮມຄວາມສາມັກຄີ, ຊ່ວຍເຫຼືອເຊິ່ງກັນແລະ ກັນ ມີຄວາມເປັນເອກະພາບກັນ, ປັບປຸງວຽກງານການຈັດຕັ້ງເປັນແຕ່ລະໄລຍະໃຫ້ຖືກຕ້ອງເໜາະສົມ, ເຂົ້າໃຈແນວທາງນະໂຍບາຍຂອງພັກ, ລະບຽບກົດໜາຍຂອງລັດເວົ້າລວມ, ເວົ້າສະເພາະປະຕິບັດລະບຽບພັກປະຊາຊົນປະຕິວັດລາວຢ່າງເຂັ້ມງວດ.
