ວິທະຍາຄານການເມືອງປ້ອງກັນຄວາມະຫງົບ ກະຊວງປ້ອງກັນຄວາມສະຫງົບ ໄດ້ຈັດພິທີເຊື່ອມຊຶມເອກະສານເປີດບັ້ນດໍາເນີນຊີ ວິດການເມືອງ ປະຈຳປີ 2024 ໃນວັນທີ 4 ມິຖຸນາ ນີ້, ເປັນປະທານ ແລະ ເຜີຍແຜ່ເອກະສານ ໂດຍ ພັອ ຊາຍຄອງ ເພັດຊະວົງ ຫົວໜ້າອໍານວຍການວິທະຍາຄານການເມືອງປ້ອງກັນຄວາມສະຫງົບ, ມີຄະນະພັກ-ຄະນະອຳນວຍການ, ພ້ອມດ້ວຍພະນັກງານຄູ-ອາຈານ ແລະ ນັກສຶກສາ ເຂົ້າຮ່ວມ.
ໃນພິທີ, ພັອ ຊາຍຄອງ ເພັດຊະວົງ ກ່າວວ່າ: ເອກະສານທີ່ນໍາມາເຜີຍແຜ່ໃນຄັ້ງນີ້ ປະກອບມີ: ເອກະສານເສີມຂະຫຍາຍທາດແທ້ມູນເຊື້ອປະຕິວັດອັນສະຫງ່າງາມຂອງກຳລັງປ້ອງກັນຄວາມສະຫງົບປະຊາຊົນ, ຝຶກຝົນຫຼ່ໍຫຼອມຄຸນສົມບັດ-ສິນທຳປະຕິ ບັດ ແລະ ປັບປຸງແບບແຜນວິທີເຮັດວຽກຂອງນາຍແລະ ພົນຕຳຫຼວດ, ເອກະສານຈັນຍາບັນຂອງນາຍ ແລະ ພົນຕໍາຫຼວດ, ຄໍາແນະນໍາການຂຽນບົດສໍາຫຼວດຕົນເອງຂອງນາຍ ແລະ ພົນຕໍາຫຼວດ ໃນການດໍາເນີນຊີວິດ ການເມືອງ ປະຈຳປີ 2024.
ທັງນີ້, ກໍເພື່ອເປັນການເພີ່ມທະວີວຽກງານສຶກສາອົບຮົມໃຫ້ກຳລັງປ້ອງກັນຄວາມສະຫງົບ ມີຄວາມໜັກແໜ້ນທາງດ້ານການເມືອງ-ແນວຄິດ, ໜັກແໜ້ນທາງດ້ານການຈັດຕັ້ງ, ມີແບບແຜນທັນສະໄໝ, ມີຄຸນສົມບັດສິນທໍາປະຕິວັດ, ມີຄວາມສັດຊື່ບໍລິສຸດ ແລະ ຈົງຮັກ ພັກດີຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນ, ເຮັດໃຫ້ນາຍ ແລະ ພົນຕຳຫຼວດ ຢູ່ພາຍໃນວິທະ ຍາຄານການເມືອງປ້ອງກັນຄວາມສະຫງົບໄດ້ເຊື່ອມຊຶມ, ກຳແໜ້ນທາດແທ້ມູນເຊື້ອປະຕິວັດອັນສະຫງ່າງາມ, ຜົນງານໄຊຊະນະອັນໃຫຍ່ຫຼວງ ແລະ ການເຕີບໃຫຍ່ຂະຫຍາຍຕົວຂອງກໍາລັງປ້ອງກັນຄວາມສະຫງົບປະຊາຊົນເຮົາຕະຫຼອດໄລຍະຜ່ານມາ ພາຍໃຕ້ການນຳພາເດັດຂາດ ໂດຍກົງ ແລະ ຮອບດ້ານຂອງພັກ ພ້ອມກັນປົກປັກຮັກສາ, ເສີມຂະຫຍາຍທາດແທ້ມູນເຊື້ອດັ່ງກ່າວໃຫ້ນັບມື້ຈະເລີນງອກງາມຂຶ້ນເລື້ອຍໆ.
ການເປີດບັ້ນດຳເນີນຊີວິດການເມືອງຄັ້ງນີ້, ຍັງເປັນການສໍາຫຼວດກວດກາຄືນສະຕິຕື່ນຕົວເຄົາ ລົບລະບຽບວິໄນ, ຄວາມຮັບຜິດ ຊອບຕໍ່ໜ້າທີ່ການເມືອງ, ການຝຶກຝົນຫຼ່ໍຫຼອມຄຸນສົມບັດສິນທໍາປະ ຕິວັດ ແລະ ແບບແຜນວິທີເຮັດວຽກຂອງນາຍ ແລະ ພົນຕຳຫຼວດ ພາຍໃນວິທະຍາຄານການເມືອງປ້ອງກັນຄວາມສະຫງົບ ໃນໄລຍະ 1 ປີ ຜ່ານມາ ແລະ ຜ່ານບັ້ນດໍາເນີນຊີວິດການເມືອງໃນຄັ້ງນີ້ ຈະເຮັດໃຫ້ນາຍ ແລະ ພົນຕຳຫຼວດ ທຸກສະຫາຍ ມີການຫັນປ່ຽນຢ່າງຈະແຈ້ງ, ເລິກເຊິ່ງ ແລະ ຕໍ່ເນື່ອງຕັ້ງໜ້າຝຶກຝົນຫຼ່ໍຫຼອມຄຸນສົມບັດສິນທໍາປະຕິວັດ ເພື່ອໃຫ້ກາຍເປັນກໍາລັງປະກອບອາວຸດປະຕິວັດທີ່ເຂັ້ມແຂງ, ມີຄຸນທາດການເມືອງໜັກແໜ້ນ, ມີຄວາມຮັບຜິດຊອບຕໍ່ໜ້າທີ່ການເມືອງທີ່ຖືກມອບໝາຍ ແລະ ຈັດ ຕັ້ງປະຕິບັດສຳເລັດຜົນເປັນຢ່າງດີ.
