ໃນວັນທີ 15 ກັນຍາ 2022, ກົມໃຫຍ່ການເມືອງ ກະຊວງ ປກສ ໄດ້ຈັດພິທີເຊື່ອມຊຶມ 3 ເອກະສານສໍາຄັນ ຄື: ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 4 ສະໄໝທີ XI, ວັນຄ້າຍວັນເກີດຂອງທ່ານ ປະທານ ສຸພານຸວົງ ຄົບຮອບ 113 ປີ (13 ກໍລະກົດ 1909-13 ກໍລະກົດ 2022) ແລະ ວັນລັດຖະທໍາມະນູນແຫ່ງຊາດ ຄົບຮອບ 31 ປີ (15 ສິງຫາ 1991-13 ສິງຫາ 2022) ເປັນປະທານ ແລະ ເຜີຍແຜ່ເອກະສານ ໂດຍ ສະຫາຍ ພັອ ປອ ຫຸມພັນ ຜິວເຂັມພອນ ຄະນະປະຈໍາພັກກົມໃຫຍ່ການເມືອງ ປກສ, ຫົວໜ້າກົມພັກ, ມີບັນດາຄະນະພັກ-ຄະນະກົມ, ຄະນະຫ້ອງ, ພະແນກ ແລະ ພະນັກງານ-ນັກຮົບ ອ້ອມຂ້າງກົມໃຫຍ່ການເມືອງ ເຂົ້າຮ່ວມ.
ຈຸດປະສົງຂອງການເຊື່ອມຊຶມເອກະສານຄັ້ງນີ້, ກໍເພື່ອເຮັດໃຫ້ຄະນະພັກ-ຄະນະບັນຊາຂັ້ນຕ່າງໆໃນກຳລັງປ້ອງກັນຄວາມສະຫງົບ ໂດຍສະເພາະກົມໃຫຍ່ການເມືອງຮັບຮູ້-ເຂົ້າໃຈ ແລະ ກໍາແໜ້ນເນື້ອໃນມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 4 ສະໄໝທີ XI ຢ່າງ ກວ້າງຂວາງ, ທົ່ວເຖິງ ແລະ ເລິກເຊິ່ງ, ເປັນບ່ອນອີງໃນການຜັນຂະ ຫຍາຍໃຫ້ເປັນແຜນງານ, ໂຄງການລະອຽດຕິດພັນກັບວຽກງານວິຊາສະເພາະຂອງກົມກອງ, ທ້ອງຖິ່ນໃນກຳລັງປ້ອງກັນຄວາມສະຫງົບ, ບົນຈິດໃຈຍູ້ແຮງການຈັດຕັ້ງຜັນຂະຫຍາຍໃຫ້ເປັນຂະບວນຟົດຟື້ນ, ກວ້າງຂວາງ ແລະ ແຂງ ແຮງ, ສ້າງການຫັນປ່ຽນທາງດ້ານຄວາມຮັບຮູ້, ທັດສະນະແນວຄິດ ແລະ ການກະທຳແນໃສ່ສົ່ງເສີມດ້ານດີ, ແກ້ໄຂຄວາມບົກຜ່ອງ, ຂໍ້ຄົງຄ້າງ ແລະ ສິ່ງທ້າທາຍຕ່າງໆໃນໄລຍະຜ່ານມາ, ສ້າງຄວາມເຊື່ອໝັ້ນຂອງນາຍ ແລະ ພົນຕໍາຫຼວດ ຕໍ່ການນຳພາຂອງພັກ ແລະ ການບໍລິຫານຄຸ້ມຄອງຂອງລັດ.
ພ້ອມນີ້, ກໍໃຫ້ເຫັນໄດ້ຜົນສໍາເລັດ, ຜົນງານອັນຍິ່ງໃຫຍ່ຂອງປະທານ ສຸພານຸວົງ, ຮ່ຳຮຽນເອົາຄຸນສົມບັດ, ສິນທຳປະຕິວັດຄວາມເປັນແບບຢ່າງທີ່ເຫຼື້ອມໃສສັດທາຂອງເພິ່ນເປັນພື້ນຖານໃນການເສີມສ້າງຄຸນທາດການເມືອງ, ມູນເຊື້ອຄວາມສາມັກຄີຂອງປະຊາຊົນລາວບັນດາເຜົ່າ, ປັບປຸງກໍ່ສ້າງພັກໃຫ້ເຂັ້ມແຂງທຸກດ້ານ, ເປັນເຈົ້າການຍົກສູງສະຕິລະວັງຕົວຕໍ່ກົນອຸບາຍມ້າງເພຂອງອິດທິກຳລັງປໍລະປັກ, ຕີຖອຍບັນດາປະກົດການຫຍໍ້ທໍ້ຕ່າງໆໃນສັງຄົມ, ຮັບປະກັນສະ ຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມ ສະຫງົບ ແລະ ເປັນລະບຽບຮຽບ ຮ້ອຍ, ພ້ອມທັງປຸກລະດົມນໍ້າໃຈຮັກຊາດ, ຮັກລະບອບໃໝ່, ເປັນເຈົ້າຕົນເອງ, ເຊີດຊູບົດບາດການນຳພາຂອງພັກ, ສ້າງຄວາມເຂັ້ມແຂງດ້ວຍຕົນເອງ ຄຽງຄູ່ກັບການປຸກລະດົມຂະບວນການແຂ່ງຂັນຮັກຊາດ ແລະ ພັດທະນາ.
ນອກນັ້ນ, ກໍເພື່ອເປັນການເພີ່ມທະວີສະຕິເຄົາລົບ ແລະ ປະ ຕິບັດລະບຽບກົດໝາຍໃຫ້ຖືກຕ້ອງ ແລະ ເຂັ້ມງວດ, ຍົກລະດັບການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍໃຫ້ມີປະສິດທິຜົນສູງຂຶ້ນ ແລະ ພ້ອມທັງສຳຫຼວດກວດກາຄືນການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ ໃນ 31 ປີທີ່ຜ່ານມາ.
