ກົມໃຫຍ່ການເມືອງ ປກສ ປູກຕົ້ນໄມ້ ຊົມເຊີຍວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ

ກົມໃຫຍ່ການເມືອງ ກະຊວງ ປກສ ໄດ້ຈັດພິທີປູກຕົ້ນໄມ້ ຊົມເຊີຍວັນເດັກນ້ອຍສາກົນ ຄົບຮອບ 100 ປີ (1 ມິຖຸນາ 1924-1 ມິຖຸນາ 2024) ແລະ ວັນປູກຕົ້ນໄມ້ແຫ່ງຊາດ ຄົບຮອບ 44 ປີ (1 ມິຖຸນາ 1980-1 ມິຖຸນາ 2024) ທີ່ສູນຮັບຕ້ອນແລະ ຝຶກອົບຮົມວິຊາສະເພາະ ກົມໃຫຍ່ການເມືອງ ປກສ ໃນວັນທີ 31 ພຶດສະພາ 2024, ນໍາພາໂດຍ ພົຕ ປອ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງ ປກສ ມີຮອງຫົວໜ້າກົມໃຫຍ່, ຄະນະພັກ-ຄະນະນໍາ, ກົມ-ກອງ, ອົງການຈັດຕັ້ງມະຫາຊົນ ພ້ອມດ້ວຍພະນັກງານຫຼັກແຫຼ່ງທັງສອງພາກສ່ວນ ເຂົ້າຮ່ວມ.

ພົຕ ປອ ສຸວັນນີ ສີສຸພາບມີໄຊກ່າວວ່າ: ເນື່ອງໃນໂອກາດວັນເດັກ ນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ ທີ່ໝູນວຽນມາຮອດອີກວາລະໜຶ່ງ; ກົມໃຫຍ່ການເມືອງ ປກສ ໄດ້ເຕົ້າໂຮມບັນ ດາສະຫາຍ ຄະນະພັກ-ຄະນະນໍາ ພ້ອມດ້ວຍພະນັກງານຫຼັກແຫຼ່ງທົ່ວກົມໃຫຍ່ການເມືອງ ປກສ ເພື່ອພ້ອມກັນສ້າງຂະບວນການປູກຕົ້ນ ໄມ້ ໃຫ້ເປັນຂະບວນກວ້າງ ຂວາງໃນຂອບເຂດທົ່ວປະເທດ, ໜຶ່ງໃນເປົ້າໝາຍສໍາຄັນທີ່ພັກ-ລັດຖະ ກໍຄືກະຊວງ ປກສ ໄດ້ຖືເອົາການປົກປັກຮັກສາ, ຟື້ນຟູປ່າໄມ້, ສິ່ງ ແວດລ້ອມໃຫ້ໝັ້ນຄົງ ແລະ ມີຄວາມຍືນຍົງ ເພື່ອແນໃສ່ປົກປັກຮັກສາ, ຟື້ນຟູຄືນພື້ນທີ່ປ່າໄມ້ທີ່ເຊື່ອມໂຊມ ແລະ ເພື່ອສ້າງໃຫ້ສູນຮັບຕ້ອນແຫ່ງນີ້ກາຍເປັນພື້ນທີ່ສີຂຽວ, ສະອາດ ແລະ ສວຍງາມ, ຮັບປະກັນການພັດທະນາມີຄວາມຍືນຍົງຕະຫຼອດໄປ.