ຄະນະຜູ້ແທນຂັ້ນສູງກະຊວງປ້ອງກັນຄວາມສະຫງົບ ນຳໂດຍ ທ່ານ ພົນຕີ ສົມວັນ ສາຍລ້ອງພາ ຮອງລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະຈຳນວນ 4 ທ່ານ ໄດ້ເດີນທາງໄປເຂົ້າຮ່ວມກອງປະຊຸມສາກົນລະດັບການນຳຂັ້ນສູງຮັບຜິດຊອບບັນຫາຄວາມໝັ້ນຄົງ ຄັ້ງທີ 12, ເຊິ່ງໄດ້ຈັດຂຶ້ນໃນລະຫວ່າງວັນທີ 23-25 ເມສາ 2024 ທີ່ ເຊນ ປີເຕີສເບີກ, ສະຫະພັນ ຣັດເຊຍ ພາຍໃຕ້ການເປັນ ຂອງ ທ່ານ ນິໂກລາຍ ປຣາໂຕໂນວິດ ປາຕຣູເຊບ, ເລຂາທິການສະພາຄວາມໝັ້ນຄົງ ແຫ່ງ ສະຫະພັນຣັດເຊຍ, ລາຍລະອຽດຂອງການເຂົ້າຮ່ວມກອງປະຊຸມໃນຄັ້ງນີ້ມີຄື:
+ ກອງປະຊຸມຄົບຄະນະ ໄດ້ປຶກສາຫາລືແລກປ່ຽນທັດສະນະກ່ຽວກັບສອງບັນໃຫຍ່:
1. ຮັບປະກັນຄວາມປອດໄພທາງດ້ານຂໍ້ມູນຂ່າວສານ ໃນການສ້າງລະບຽບການໂລກຫຼາຍຂວ້າ: ໄພຄຸກ ຄາມ ແລະ ກາລະໂອກາດ.
2. ການປົກປັກຮັກສາເອກະລັກຂອງຊາດ ແລະ ຄ່ານິຍົມດັ້ງເດີມເພື່ອຮັກສາຄວາມໝັ້ນຄົງ, ສັນຕິພາບ ແລະ ສະຖຽນລະພາບຂອງໂລກ.
+ ກອງປະຊຸມໂຕະມົນ ໃນຫົວຂໍ້: ການຮ່ວມມືລະດັບສາກົນໃນການຕ້ານ ແລະ ສະກັດກັ້ນການເຄື່ອນຍ້າຍຖິ່ນ ຖານຜິດກົດໝາຍ.
+ ກອງປະຊຸມປຶກສາຫາລືລະຫວ່າງເຈົ້າໜ້າທີ່ລະດັບການນໍາຂັ້ນສູງຮັບຜິດຊອບບັນຫາຄວາມໝັ້ນຄົງ ອາຊຽນ-ຣັດເຊຍ ຄັ້ງທີ 4 ເຊິ່ງແຕ່ລະປະເທດໄດ້ແລກປ່ຽນທັດສະນະກ່ຽວກັບສາມຫົວຂໍ້ດັ່ງນີ້:
1. ລະບົບການຮັກສາສະຖຽນລະພາບທາງຍຸດທະສາດ, ລວມເຖິງກົນໄກການຄວບຄຸມ ແລະ ການຫ້າມແຜ່ຂະຫຍາຍອາວຸດ ແລະ ຜົນກະທົບຕໍ່ຄວາມໝັ້ນຄົງໃນພາກພື້ນອາຊີ ແລະ ປາຊີຟິກ;
2. ສະຖານະການໃນພາກພື້ນອາຊີ ແລະ ປາຊີຟິກ ໃນຂົງເຂດການເມືອງ ແລະ ຄວາມໝັ້ນຄົງໃນສະພາບທີ່ ມີຄວາມຂັດແຍ່ງທີ່ເພີ່ມຂຶ້ນລະຫວ່າງປະເທດໃຫຍ່ໃນພາກພື້ນ;
3. ການປະສານງານຂອງການພົວພັນລະຫວ່າງພາກສ່ວນທີ່ກ່ຽວຂ້ອງຂອງ ຣັດເຊຍ ແລະ ບັນ ດາປະເທດສະມາຊິກອາຊຽນ ເພື່ື່ອປັບປຸງຄຸນນະພາບຂອງການແລກປ່ຽນຂໍ້ມູນ ແລະ ການພັດທະນາທ່າແຮງໃນການຕ້ານໄພຄຸກຄາມ ແລະ ສິ່ງທ້າທ້າຍຕ່າງໆຕໍ່ຄວາມໝັ້ນຄົງ ຮູບແບບເກົ່າ ແລະ ແບບໃໝ່.
ນອກຈາກນີ້, ໃນໂອກາດເຂົ້າຮ່ວມກອງປະຊຸມດັ່ງກ່າວ ຄະນະຜູ້ແທນຂັ້ນສູງກະຊວງປ້ອງກັນຄວາມສະຫງົບ ໄດ້ພົບປະສອງຝ່າຍກັບ ອົງການທີ່ກ່ຽວຂ້ອງ ຂອງ ສະຫັນພັນ ຣັດເຊຍ ແລະ ຄະນະຜູ້ແທນຂອງກະຊວງພາຍໃນ ມຽນມາ ເພື່ອປຶກສາຫລືບັນຫາທີ່ສອງຝ່າຍມີຄວາມສົນໃຈ່ຮ່ວມກັນ.
