ກອງປະຊຸມສະຫຼຸບມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023, ປະກາດການປັບປຸງກົງຈັກການຈັດຕັ້ງຂັ້ນພະແນກ ແລະ ປະກາດການເລື່ອນຊັ້ນຂອງບັນດາກົມກອງທີ່ຂຶ້ນກັບກົມໃຫຍ່ການເມືອງ ກະຊວງ ປກສ ໄດ້ຈັດຂຶ້ນໃນວັນທີ 4 ເມສາ 2024 ໂດຍການເປັນກຽດເຂົ້າຮ່ວມຂອງ ສະຫາຍ ພົຕ ປອ ສຸວັນນີ ສີສຸພາບມີໄຊ ຄະນະປະຈຳພັກກະຊວງ ຫົວໜ້າກົມໃຫຍ່ການເມືອງ ປກສ ມີບັນດາຄະນະພັກກົມໃຫຍ່ ຄະນະພັກ-ຄະນະບັນຊາ ພ້ອມດ້ວຍພະນັກງານຫຼັກແຫຼ່ງທີ່ຂຶ້ນກັບກົມໃຫຍ່ການເມືອງ ປກສ ເຂົ້າຮ່ວມ.
ພັອ ນາງ ໄລທອງ ໄຊຍະສອນ ຮອງເລຂາໜ່ວຍພັກຮາກຖານ ຮອງຫົວໜ້າຫ້ອງການເມືອງ ໄດ້ຜ່ານບົດສະຫຼຸບຕີລາຄາການກໍ່ສ້າງ ໜ່ວຍພັກປອດໃສ ເຂັ້ມແຂງ ໜັກ ແໜ້ນ ປະຈຳປີ 2023 ແມ່ນໄດ້ ຖືເອົາການກໍ່ສ້າງໜ່ວຍພັກປອດ ໃສ, ເຂັ້ມແຂງ, ໜັກແໜ້ນ ໄປ ພ້ອມກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງຄະ ນະພັກຂັ້ນເທິງ ແລະ ມະຕິກອງປະຊຸມໃຫຍ່ຄະນະພັກຂັ້ນຂອງ ຕົນເຂົ້າສູ່ຊີວິດຕົວຈິງ, ຜ່ານການຈັດຕັ້ງດໍາເນີນກອງປະຊຸມເຮັດໃຫ້ຄະນະພັກ, ສະມາຊິກພັກສ່ວນ ຫຼາຍມີຄວາມສະດຸ້ງໄວ, ເຫັນໄດ້ບັນຫາດ້ານດີ, ດ້ານຄົງຄ້າງທີ່ຈະຕ້ອງເອົາໃຈໃສ່ຕ້ານ, ສະກັດກັ້ນ ແລະ ຕີຖອຍປະກົດການຫຍໍ້ທໍ້ຕ່າງໆຢ່າງທັນການ, ເອົາໃຈໃສ່ກໍ່ ສ້າງໜ່ວຍພັກຕາມ 5 ເນື້ອໃນ ຂອງຄະນະບໍລິຫານງານພັກກະຊວງ ປກສ ວາງອອກ, ຖືເອົາການສຶກສາອົບຮົມການເມືອງ-ແນວຄິດເປັນກົກເພີ່ມທະວີການປັບປຸງແບບແຜນນໍາພາ, ວິທີເຮັດວຽກຂອງຄະນະພັກບົນພື້ນຖານຫຼັກການຂອງພັກ; ຄະນະພັກທຸກຂັ້ນ, ສະມາຊິກພັກທຸຸກສະຫາຍ ໄດ້ເປັນເຈົ້າການເຂົ້າຮ່ວມດຳເນີນຊີວິດການເມືອງສໍາຫຼວດກວດກາ, ຈັດແບ່ງປະເພດ. ໃນນີ້, ຕີລາຄາປະເພດຂອງສະມາຊິກພັກຕີລາຄາໄດ້ປະເພດແຂງ 843 ສະຫາຍ ຍິງ 302 ສະຫາຍ ກວມ 98,25%, ປະເພດກາງ 14 ສະຫາຍ ຍິງ 5 ສະຫາຍ ກວມ 1,63%, ຕີລາຄາປະເພດຮາກຖານພັກໜ່ວຍພັກປອດໃສ ເຂັ້ມແຂງ ໜັກແໜ້ນ ໄດ້ຈຳນວນ 23 ໜ່ວຍພັກ ກວມ 82,14%, ໜ່ວຍພັກກາງ 5 ໜ່ວຍ ພັກກວມ 17,85%.
ໂອກາດນີ້, ກໍໄດ້ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2023 ຈຳນວນ 23 ໜ່ວຍພັກ; ມອບໂດຍສະຫາຍ ພົຕ ປອ ສຸວັນນີ ສີສຸພາບມີໄຊ. ມອບບັດສະມາຊິກພັກສົມບູນໃຫ້ສະມາຊິກພັກຈຳນວນ 64 ສະ ຫາຍ. ໃນພິທີ, ສະຫາຍ ພັອ ວັນນະເລດ ບຸດຕະວົງ ຄະນະບໍລິຫານງານພັກກົມໃຫຍ່ ຫົວໜ້າຫ້ອງການເມືອງ ກົມໃຫຍ່ການເມືອງ ປກສ ຍັງໄດ້ໄໄຜ່ານຂໍ້ຕົກລົງເລກທີ 617/ປກສ, ວັນທີ 22 ມີນາ 2024 ວ່າດ້ວຍການປະຕິບັດນະໂຍບາຍຍົກຂັ້ນເງິນເດືອນໃຫ້ນາຍ ຕຳຫຼວດກົມໃຫຍ່ການເມືອງ ປກສ ໂດຍຍົກຂັ້ນເງິນເດືອນຊັ້ນພັນໂທ ຂຶ້ນເປັນຊັ້ນ ພັນເອກ ຈຳນວນ 2 ສະຫາຍ. ປະກາດຍົກຍ້າຍ ແລະ ແຕ່ງຕັ້ງນາຍຕຳຫຼວດທີ່ຂຶ້ນກັບ ກົມໃຫຍ່ການເມືອງ ປກສ; ໃນນີ້, ໄດ້ປະກາດແຕ່ງຕັ້ງ ພັຕ ແສງສຸລີ ແດງເພັງ ເປັນຫົວໜ້າພະແນກຄຸ້ມຄອງເອກະສານຂາເຂົ້າ-ຂາອອກ ຫ້ອງການກົມໃຫຍ່ການເມືອງ, ຮອ ຈອນສັນ ພວງດີ ເປັນຮອງ ພະແນກບໍລິຫານ-ສັງລວມ ຫ້ອງ ການເມືອງ, ພັຕ ນາງ ເພັດດາວັນ ວົງພະຈັນ ເປັນຮອງພະແນກພັດທະນາປົກປ້ອງສິດຜົນປະໂຫຍດແມ່ຍິງ ແລະ ເດັກນ້ອຍ ຫ້ອງແມ່ຍິງ ກະຊວງ ປກສ, ຮອ ລໍ້າເລີດ ບັງອອນແສງເດດ ເປັນຮອງພະແນກບໍລິຫານ-ຄົ້ນຄວ້າສັງລວມ ຫ້ອງຊາວໜຸ່ມກະຊວງ ປກສ.
ນອກນີ້, ຍັງໄດ້ແຕ່ງບັນດານາຍຕຳ ຫຼວດເປັນຫົວໜ້າ ແລະ ຮອງ ບັນດາພະແນກຂອງໂຮງຮຽນວັດທະນະທຳປ້ອງກັນຄວາມສະຫງົບທີ່ ຂຶ້ນກັບກົມໃຫຍ່ການເມືອງ ປກສ ດັ່ງນີ້: ພະແນກຫ້ອງການ-ພະລາທິການ ມີ: ພັທ ວັນຄຳ ກາລີວັນ ເປັນຫົວ ໜ້າ, ພັທ ເມກແກ້ວ ລັດຕະນະວົງ ແລະ ພັຕ ບຸນແຍງ ແພງພາປະເສີດ ເປັນຮອງ; ພະແນກການເມືອງ: ພັທ ສອນໄຊ ບຸນລີວົງ ເປັນຫົວໜ້າ, ພັຕ ເພັດສະໝອນ ອິນທະລົມ ແລະ ພັຕ ສົມສີ ວິໄລຕິ່ງ ເປັນຮອງ; ພະແນກຄຸ້ມຄອງນັກຮຽນ: ພັທ ແສງພະຈັນ ໄຊຍະເທບ ເປັນຫົວ ໜ້າ, ພັຕ ສອນທະວີສັກ ຈັນທະລຸນນະວົງ ແລະ ພັຕ ສຸດ ທິສົມ ໄຊຍະສິດ ເປັນຮອງ; ພະແນກ ຄຸ້ມຄອງໂຄງການຫຼັກສູດ: ພັທ ພິນພູໄທ ສີບໍລິບານ ເປັນຫົວໜ້າ, ພັຕ ດາວສະໄຫວ ມັດທຸຈັນ ແລະ ພັຕ ນາງ ຈັນສຸກ ແກ້ວສີລາ ເປັນ ຮອງ; ພະແນກຄູວິທະຍາສາດພື້ນຖານ: ພັທ ບຸນມີ ຄຳບຸນຕາ ເປັນຫົວໜ້າ, ພັທ ນາງ ຄຳຟອງ ສິມມະວົງ ແລະ ພັຕ ນາງ ອຳພາພອນ ຄຳພິລາວັນ ເປັນຮອງ; ພະແນກຄູວິທະຍາສາດທຳມະຊາດ: ພັຕ ຈັນສະໝຸດ ໄຊຍະພູວົງ ເປັນຫົວ ໜ້າ, ພັຕ ສຳເລັດທອງ ຈັນແດງ ແລະ ພັຕ ນາງ ສຸກສາຄອນ ພິດທຸມມາ ເປັນຮອງ; ພະແນກຄູວິທະຍາສາດສັງຄົມ: ພັທ ພົມມາ ພິມພາວົງ ເປັນຫົວໜ້າ, ພັຕ ນາງ ໃຈພອນ ພົມມີໄຊ ແລະ ພັຕ ນາງ ລັດສະໝີ ເພັງ ໄພວັນ ເປັນຮອງ.
ພ້ອມນັ້ນ, ຍັງໄດ້ຜ່ານຂໍ້ຕົກລົງວ່າດ້ວຍການເລື່ອນຊັ້ນໃນ ນີ້ມີ: ພັນຕີ ຂຶ້ນ ພັນໂທ 5 ສະຫາຍ ຍິງ 2 ສະຫາຍ, ຮ້ອຍເອກ ຂຶ້ນ ພັນຕີ 15 ສະຫາຍ ຍິງ 6 ສະຫາຍ, ຮ້ອຍໂທ ຂຶ້ນ ຮ້ອຍເອກ 24 ສະຫາຍ ຍິງ 9 ສະຫາຍ; ຮ້ອຍຕີ ຂຶ້ນ ຮ້ອຍໂທ 5 ສະຫາຍ ຍິງ 1 ສະ ຫາຍ; ສິບເອກ ຂຶ້ນ ວາທີ 4 ສະຫາຍ (ຍິງ), ສິບໂທ ຂຶ້ນ ສິບເອກ 9 ສະຫາຍ ຍິງ 5 ສະຫາຍ.
ຂ່າວ: ບຸນເຫຼືອ
