ກົມຕໍາຫຼວດຄຸມຂັງ-ດັດສ້າງ ກະຊວງ ປກສ ຈັດພິທີເຊື່ອມຊຶມເອກະສານສຶກສາອົບ ຮົມການເມືອງ-ແນວຄິດ ເພື່ອດຳເນີນກອງປະຊຸມໃຫຍ່ 3 ຂັ້ນຂອງພັກ, ໃນວັນທີ 20 ກຸມພາ 2024, ເຂົ້າຮ່ວມ ແລະ ເຜີຍແຜ່ເອກະສານໂດຍ ສະຫາຍ ພົຈວ ສົມລິດ ດາວຮຸ່ງສຸລິ ຄະນະພັກກະຊວງ ເລຂາຄະນະພັກ ຫົວໜ້າກົມຕໍາຫຼວດຄຸມຂັງ-ດັດສ້າງ ມີບັນດາ ຄະນະພັກ-ຄະນະກົມ, ພ້ອມດ້ວຍພະນັກງານຫຼັກແຫຼ່ງ ເຂົ້າຮ່ວມ.
ສະຫາຍ ພົຈວ ສົມລິດ ດາວຮຸ່ງສຸລິ ກ່າວວ່າ: ເອກະສານທີ່ນຳມາເຊື່ມຊຶມໃນຄັ້ງນີ້ ມີເອກະສານຄວາມເຂົ້າໃຈກ່ຽວກັບການດຳເນີນກອງປະຊຸມໃຫຍ່ 3 ຂັ້ນຂອງພັກ, ເອ ກະສານຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ, ເອກະສານຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ເເລະ ຄຸນສົມບັດສິນທຳປະຕິ ວັດ, ເອກະສານເດັດດ່ຽວແກ້ໄຂປະກົດການຫຍໍ້ທໍ້ໃນຖັນແຖວພະນັກງານ-ສະມາຊິກພັກ ແລະ ແຜນການກຳນົດການກະກຽມດຳເນີນກອງປະຊຸມໃຫຍ່ໃຫ້ບັດດາຄະນະ ພັກອ້ອມຂ້ອງ ອົງຄະນະພັກກະຊວງປ້ອງກັນຄວາມສະຫງົບ.
ການເຊື່ອມຊຶມບັນດາເອກະສານດັ່ງກ່າວ ແມ່ນມີຄວາມໝາຍສຳຄັນຢ່າງຍິ່ງຕໍ່ການດຳເນີນຊີວິດການເມືອງຂອງພັກ, ເປັນການປະຕິບັດຫຼັກການນຳພາ ແລະ ຫຼັກການຈັດຕັ້ງຂອງພັກ ແນໃສ່ປັບປຸງພັກ ທາງດ້ານການເມືອງ-ແນວຄິດ, ການຈັດຕັ້ງ, ແບບແຜນນຳພາ ແລະ ວິທີເຮັດວຽກ, ທັງເປັນບັ້ນດໍາເນີນຊີວິດການເມືອງພາຍໃນຄະນະພັກ ແລະ ສະມາຊິກພັກ; ຜ່ານການດຳເນີນກອງປະຊຸມໃຫຍ່ ຈະເຮັດໃຫ້ຄຸນ ນະພາບ, ບົດບາດ ແລະ ຄວາມສາມາດນໍາພາຂອງຄະນະພັກແຕ່ລະຂັ້ນ ໄດ້ຮັບການເຊີດຊູສູງຂຶ້ນ ບັນດາເອກະສານເຊື່ອມຊຶມຄັ້ງນີ້ ລ້ວນແຕ່ຕິດພັນ ແລະ ມີຄວາມໝາຍຢ່າງເລິກເຊິ່ງ ສໍາລັບສະມາຊິກພັກ, ມີຄວາມຮັບຮູ້, ເຂົ້າໃຈຕໍ່ຄວາມໝາຍ, ຄວາມສໍາຄັນຂອງກອງປະຊຸມ 3 ຂັ້ນ ດໍາເນີນໃຫ້ຖືກຕ້ອງຕາມບາດກ້າວ, ຂັ້ນຕອນ ແລະ ມີຜົນສຳເລັດຕາມລະດັບຄາດໝາຍ.
ຂ່າວ: ສີລິພອນ
