ໃນປີ 2023 ຜ່ານມາ, ເຈົ້າໜ້າທີ່ກົມໃຫຍ່ຕໍາຫຼວດທຸກຂັ້ນ ໄດ້ເອົາໃຈໃສ່ນໍາພາ-ຊີ້ນໍາໃນການແກ້ໄຂປະກົດການຫຍໍ້ທໍ້ໃນສັງ ຄົມຢ່າງຕັ້ງໜ້າ ພ້ອມທັງປະສານສົມທົບກັບບັນດາ ປກສ ແຂວງໃນຂອບເຂດທົ່ວປະເທດ ເພື່ອແລກປ່ຽນຂໍ້ມູນຂ່າວສານ, ຊ່ວຍ ເຫຼືອເຊິ່ງກັນແລະກັນໃນການຊອກໄລ່-ຊອກຈັບເປົ້າໝາຍຕ່າງ ເຮັດໃຫ້ສາມາດມ້າງຄະດີລາຍໃຫຍ່ ແລະ ຄະດີທີ່ມີຄວາມສັບສົນໄດ້ຫຼາຍລາຍການ.
ພົຈວ ລັດສະໝີ ໄຊຍະຄຳ ຮອງຫົວໜ້າກົມໃຫຍ່ຕຳຫຼວດ ກະຊວງ ປກສ ກ່າວໃນກອງປະຊຸມສະຫຼຸບວຽກງານຕໍາຫຼວດ ແລະ ການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສຍຕິດ ປະຈໍາປີ 2023 ແລະ ທິດທາງແຜນການວຽກ ງານ ປີ 2024 ໃນລະຫວ່າງວັນທີ 19-20 ກຸມພາ ໂດຍການເປັນປະທານຂອງ ພົຕ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດ ວ່າ: ໃນໜຶ່ງປີຜ່ານມາ, ທົ່ວປະເທດມີສະພາບອາຊະຍາກໍາປະເພດຕ່າງໆເກີດຂຶ້ນ ທັງໝົດ 8.893 ເລື່ອງ (ບໍ່ນັບຄະດີອຸບັດຕິເຫດ ແລະ ອັກຄີໄພ) ແລະ ທຽບໃສ່ປີ 2022 ແມ່ນເພີ່ມຂຶ້ນ 731 ເລື່ອງ ໃນນັ້ນ, ມີບັນຫາຢາເສບ ຕິດ 4.663 ເລື່ອງ, ຄາດຕະກໍາ 78 ເລື່ອງ, ລັກພາໂຕ 19 ເລື່ອງ, ຄ້າມະນຸດ 26 ເລື່ອງ, ປຸ້ນຊັບ 63 ເລື່ອງ, ຊິງຊັບ 50 ເລື່ອງ, ລັກຊັບພົນລະເມືອງ 2.722 ເລື່ອງ, ສໍ້ໂກງຊັບ 513 ເລື່ອງ ແລະ ອາຊະຍາກໍາອື່ນໆອີກຫຼາຍປະເພດ, ເຊິ່ງສະເລ່ຍຜົນເສຍຫາຍມີປະເພດ ລົດໃຫຍ່ 21 ຄັນ, ລົດຈັກ 1.981 ຄົນ, ເງິນກີບ 111. 108.077 689 ກີບ, ເງິນບາດ 2.750. 154.731 ບາດ, ເງິນໂດລາ 71.879.389 ໂດລາ, ເງິນດົງ 703.100.000 ດົງ, ເງິນຢວນ 5. 758.960 ຢວນ ແລະ ວັດຖຸອື່ນໆອີກຫຼາຍລາຍການ.
ຈາກສະພາບຄະດີທີ່ເກີດຂຶ້ນ, ສາມາດມ້າງຄະດີໄດ້ທັງໝົດ 7.546 ເລື່ອງ (ທຽບໃສ່ປີ 2022 ມ້າງໄດ້ເພີ່ມຂຶ້ນ 228 ເລື່ອງ ເທົ່າ ກັບ 3,11%), ກັກຕົວຜູ້ຖືກຫາ 11.631 ຄົນ ຍິງ 1.515 ຄົນ, ຕ່າງປະເທດ 240 ຄົນ ຍິງ 16 ຄົນ. ໃນນີ້, ມີຄະດີອາຍາທົ່ວໄປຈໍານວນ 2.172 ເລື່ອງ (ທຽບໃສ່ປີ 2022 ມ້າງໄດ້ເພີ່ມຂຶ້ນ 539 ເລື່ອງ ເທົ່າກັບ 33%), ຜູ້ຖືກຫາ 3.513 ຄົນ ຍິງ 376 ຄົນ ຄືມ້າງໄດ້ຄະດີຄາດຕະກຳ 52 ເລື່ອງ, ທໍາຮ້າຍຮ່າງກາຍ 124 ເລື່ອງ, ຊິງຊັບ 16 ເລື່ອງ, ປຸ້ນຊັບ 21 ເລື່ອງ, ລັກພາຕົວ 3 ເລື່ອງ, ລັກຊັບ 633 ເລື່ອງ ແລະ ຄະດີປະເພດອື່ນໆອີກ; ຄະດີເສດຖະກິດໄດ້ 685 ເລື່ອງ (ທຽບໃສ່ປີ 2022 ເພີ່ມຂຶ້ນ 93 ເລື່ອງ ເທົ່າ ກັບ 15,70%), ຜູ້ຖືກຫາ 879 ຄົນ ຍິງ 319 ຄົນ, ຕ່າງປະເທດ 48 ຄົນ; ຄະດີຄ້າມະນຸດໄດ້ 26 ເລື່ອງ (ທຽບໃສ່ປີ 2022 ເພີ່ມຂື້ນ 1 ເລື່ອງ ເທົ່າກັບ 4%), ຜູ້ຖືກຫາ 69 ຄົນ ຍິງ 34 ຄົນ, ຕ່າງປະເທດ 30 ຄົນ ຍິງ 5 ຄົນ, ຜູ້ຖືກເຄາະຮ້າຍ 55 ຄົນ ຍິງ 50 ຄົນ, ຕໍ່າກວ່າ 18 ປີ 41 ຄົນ ຍິງ 38 ຄົນ.
ພ້ອມນີ້, ຍັງສາມາດເກັບກູ້ຈັກເສຍຄົນໄດ້ 400 ຄັນ ແລະ ລົດໃຫຍ່ 17 ຄັນ, ຄໍາຮູບປະ ພັນ 31 ບາດ, ໃບຕາດິນ 10 ໃບ, ປືນສັ້ນ 49 ກະບອກ, ລູກປືນ 66 ລູກ ແລະ ວັດຖຸອື່ນໆອີກຫຼາຍລາຍການ.
ຄຽງຄູ່ກັນນັ້ນ, ການມ້າງຄະດີຢາເສບຕິດ ໂດຍຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຍາເສບຕິດ ສາມາດມ້າງຄະດີຢາເສບຕິດ 4.663 ເລື່ອງ ທຽບໃສ່ປີ 2002 ຫຼຸດລົງ 405 ເລື່ອງ, ກັກຕົວຜູ້ຖືກຫາໄດ້ 7.170 ຄົນ ຍິງ 786 ຄົນ, ຕ່າງປະເທດ 171 ຄົນ ຍິງ 11 ຄົນ ໃນນັ້ນ, ຢຶດເຄື່ອງຂອງກາງປະ ເພດຢາບ້າໄດ້ 95.970.387 ເມັດ, ເຮໂຣອິນ 487,31 ກິໂລກຼາມ, ຢາໄອສ໌ 4.044,09 ກິໂລກຼາມ, ຢາຝິ່ນ 131.18 ກິໂລກຼາມ, ຄັນຊາ 5.579,2 ກິໂລກຼາມ, ເຕຕາມິນ 1.044,51 ກິໂລກຼາມ, ຢາອີ 4.488 ເມັດ ກັບ 31 ກິໂລກຼາມ, ແປ້ງຝຸ່ນນໍາມາຜະລິດຢາເສບຕິດ 26.251,43 ກິໂລກຼາມ ແລະ ວັດຖຸເງິນຄໍາ, ພາຫະນະ, ອາວຸດ, ອຸປະກອນຕ່າງໆມີ ເງິນກີບ 590.776.000 ກີບ, ເງິນບາດ 8.623.790 ບາດ, ເງິນໂດລາ 175.900 ໂດລາ, ເງິນດົງ 40.160.000 ດົງ, ເງິນຢວນ 13.320 ຢວນ, ອາວຸດປືນ 25 ກະບອກ, ລູກປືນ 702 ລູກ, ໝາກແຕກ 1 ໜ່ວຍ, ລົດໃຫຍ່ 129 ຄັນ, ລົດຈັກ 700 ຄັນ ແລະ ເຮືອ 3 ລໍາ.
ຂ່າວ: ລັດດາວັນ
