ຫ້ອງວ່າການ ກະຊວງ ປກສ ຈັດພິທີເປີດບັ້ນດຳເນີນຊີວິດການເມືອງ ປະຈໍາປີ 2023 ໃນວັນ ທີ 13 ກຸມພາ 2024, ເປັນປະ ທານໂດຍ ສະຫາຍ ພົຈວ ອານຸເດດ ຄູນຄໍາ ຮອງເລຂາຄະນະພັກຮອງ ຫົວໜ້າຫ້ອງວ່າການ, ມີຄະນະພັກ-ຄະນະບັນຊາ, ກົມ ກອງອ້ອມຂ້າງຫ້ອງວ່າການ ແລະ ສະມາຊິກພັກ ເຂົ້າຮ່ວມ.
ສະຫາຍ ພົຈວ ອານຸເດດ ຄູນຄໍາ ກ່າວວ່າ: ການເປີດບັ້ນດຳເນີນຊີວິດການເມືອງທົ່ວກຳລັງຫ້ອງວ່າການ ປະຈໍາປີ 2023 ຄັ້ງນີ້ ກໍເພື່ອເຮັດໃຫ້ການກະກຽມດໍາເນີນຊີວິດການເມືອງຄັດເລືອກໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2023 ຂອງຄະນະພັກ ຫ້ອງວ່າການໄດ້ດຳເນີນໄປຢ່າງຖືກຕ້ອງ ແລະ ເປັນການສຳຫຼວດກວດກາຄືນສະຕິຄວາມຮັບຜິດຊອບຕໍ່ໜ້າທີ່ການເມືອງ, ການຝຶກຝົນຫຼໍ່ຫຼອມຄຸນ ສົມບັດສິນທໍາປະຕິວັດ ແບບແຜນວິທີເຮັດວຽກຂອງນາຍ ແລະ ພົນຕຳຫຼວດທົ່ວຫ້ອງວ່າການ ໂດຍສະເພາະຢູ່ບັນດາກົມກອງ, ພະແນກທົ່ວຫ້ອງວ່າການກະຊວງ ປກສ ໃນໄລຍະຜ່ານມາ.
ການເປີດບັ້ນດໍາເນີນຊີວິດໃນຄັ້ງນີ້, ຈະເຮັດໃຫ້ນາຍ ແລະ ພົນຕຳຫຼວດທຸກສະຫາຍມີການຫັນປ່ຽນຢ່າງລະແຈ້ງ, ຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ ເພື່ອເຮັດໃຫ້ຕົນເອງກາຍເປັນນາຍ ແລະ ພົນຕໍາຫຼວດທີ່ມີຄຸນທາດການເມືອງໜັກແໜ້ນມີຄວາມຮັບຜິດຊອບສູງໃນການປະຕິບັດໜ້າທີ່ ການເມືອງຂອງຕົນ.
ເອກະສານທີ່ນໍາມາເຜີຍແຜ່ເຊື່ອມຊຶມໃນຄັ້ງນີ້, ປະກອບມີ: ເອກະສານເສີມຂະຫຍາຍທາດແທ້-ມູນເຊື້ອປະຕິວັດອັນສະຫງ່າ ງາມຂອງກຳລັງປ້ອງກັນຄວາມສະຫງົບ; ເອກະ ສານຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ ແລະ ປັບປຸງແບບ ແຜນວິທີເຮັດວຽກຂອງນາຍ ແລະ ພົນຕໍາຫຼວດໃນໄລຍະໃໝ່; ເອກະສານຈັນຍາບັນຂອງນາຍ ແລະ ພົນຕໍາຫຼວດ ພ້ອມທັງແນະນໍາການຂຽນໃບສໍາຫຼວດ.
ຂ່າວ: ຈັນສະໝອນ
