ພົຈວ ຄໍາແພງ ເພັດ ຫົວໜ້າກອງບັນຊາການປ້ອງກັນຄວາມສະຫງົບ ແຂວງໄຊຍະບູລີ ໄດ້ລາຍງານຕໍ່ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 10 ສະໄໝທີ VII ໃນວັນທີ 25 ທັນວາ 2023 ກ່ຽວກັບວຽກງານປ້ອງກັນຄວາມສະຫງົບ ປະຈໍາປີ 2023 ວ່າ: ໃນ 1 ປີຜ່ານມາ, ທົ່ວແຂວງໄຊຍະບູລີ ມີອາຊະຍາກໍາອາຍາເກີດຂຶ້ນທັງ ໝົດ 213 ເລື່ອງ, ພົ້ນເດັ່ນແມ່ນຄະດີລັກຊັບພົນລະເມືອງ ມີ 142 ເລື່ອງ, ຄາດຕະກໍາ 4 ເລື່ອງ ທຽບໃສ່ປີ 2022 ຫຼຸດລົງ 36 ເລື່ອງ; ຜົນເສຍຫາຍມີ: ຄົນເສຍຊີວິດ 6 ຄົນ, ເຈັບສາຫັດ 4 ຄົນ, ບາດເຈັບສົມຄວນ 12 ຄົນ, ເງິນກີບ 581.714.000 ກີບ, ເງິນບາດ 3.860.800 ບາດ, ເງິນໂດລາ 1.860 ໂດລາ, ເງິນຢວນ 700 ຢວນ, ເງິນດົງ 100.000 ດົງ, ຄໍາຮູບປະພັນນ້ຳໜັກ 31 ບາດ, ສາຍແອວທອງນາກ 1 ເສັ້ນ ນ້ຳໜັກ 10 ບາດ, ສາຍຄໍເງິນ 398 ເສັ້ນ, ສາຍແຂນເງິນ 220 ເສັ້ນ, ແຫວນເງິນ 285 ວົງ, ຕຸ້ມຫູເງິນ 200 ຄູ່, ເງິນໝັນ 92 ໝັນ ແລະ ວັດຖຸມີຄ່າອີກຈໍານວນໜຶ່ງ.
ນອກຈາກນີ້, ຍັງມີອຸບັດຕິເຫດເກີດ ຂຶ້ນທັງໝົດ 158 ຄັ້ງ, ທຽບໃສ່ປີ 2022 ຫຼຸດລົງ 114 ຄັ້ງ, ຜົນເສຍຫາຍມີ ພາຫະ ນະເປ່ເພເລັກໜ້ອຍ 108 ຄັນ, ເປ່ເພສົມຄວນ 145 ຄັນ, ໃຊ້ການບໍ່ໄດ້ 9 ຄັນ, ເຮືອນເປ່ເພ 1 ຫຼັງ, ຄົນໄດ້ຮັບບາດເຈັບເລັກໜ້ອຍ 100 ຄົນ, ເຈັບສົມຄວນ 106 ຄົນ, ເຈັບສາຫັດ 37 ຄົນ ແລະ ເສຍຊີວິດ 30 ຄົນ ຍິງ 5 ຄົນ ແລະ ມີ ອັກຄີໄພເກີດຂຶ້ນ 36 ຄັ້ງ, ສ້າງຄວາມເສຍຫາຍປະມານ 12,6 ຕື້ກວ່າກີບ, ສາ ເຫດເກີດຍ້ອນໄຟຟ້າລັດວົງຈອນ, ຂາດສະຕິເລີ່ນເລີ້ ແລະ ໄຕ້ທູບທຽນບູຊາ. ນອກນີ້, ຍັງມີໄພພິບັດເກີດຂຶ້ນ 11 ຄັ້ງ, ລວມມູນຄ່າເສຍຫາຍປະມານ 10,2 ຕື້ ກວ່າກີບ, ທຽບໃສ່ປີ 2022 ເພີ່ມຂຶ້ນ 2 ຄັ້ງ.
ການແກ້ໄຂບັນຫາຢາເສບຕິດຕາມວາລະແຫ່ງຊາດ ສາມາດມ້າງຄະດີຢາເສບຕິດໄດ້ 307 ເລື່ອງ, ຈັບຜູ້ຖືກຫາ ໄດ້ 328 ຄົນ ຍິງ 40 ຄົນ; ຢຶດຂອງກາງຢາບ້າໄດ້ຈໍານວນ 12 ລ້ານກວ່າເມັດ, ຢາໄອສ໌ ນໍ້າໜັກ 0,6 ກຼາມ, ຢາຝິ່ນ 2.767 ກຼາມ, ລົດໃຫຍ່ 4 ຄັນ, ລົດ ຈັກ 34 ຄັນ, ໂທລະສັບມືຖື 57 ເຄື່ອງ ແລະ ອຸປະກອນອີກຈໍານວນໜຶ່ງ.
ທ່ານຍັງໄດ້ກ່າວຕື່ມອີກວ່າ: ຕໍ່ສະພາບການດັ່ງກ່າວນັ້ນ, ກໍາລັງປ້ອງກັນຄວາມສະ ຫງົບໃນທົ່ວແຂວງ ໄດ້ສຸມໃສ່ຮັກສາຄວາມສະຫງົບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍດ້ານເສດຖະກິດ-ສັງຄົມ ຕາມແຜນຍຸດທະ ສາດປ້ອງກັນຄວາມສະຫງົບ 4 ຄາດ ໝາຍ, 4 ແຜນງານໃຫຍ່ ແລະ 41 ໂຄງ ການທີ່ກະຊວງວາງອອກຢ່າງເຂັ້ມງວດ.
