ກອງບັນຊາການ ປກສ ແຂວງອັດຕະປື, ໄດ້ຈັດກອງປະຊຸມເປີດຂະບວນການແຂ່ງ ຂັນ-ຍ້ອງຍໍຮັກຊາດ ແລະ ພັດທະນາ, ເປັນປະທານໂດຍ ພົຈວ ສີເວີນ ແກ້ວສີວົງສາ ຫົວໜ້າກອງບັນຊາການ ປກສ ແຂວງ, ມີ ພົຈວ ໂຊກໄຊ ພິມມາລາ ຫົວໜ້າການເມືອງ ກອງບັນຊາການທະຫານແຂວງ, ມີຄະນະພັກ-ຄະນະບັນຊາ, ກອງບັນຊາການ ປກສ 5 ຕົວເມືອງ ພ້ອມດ້ວຍແຂກຮັບເຊີນ, ນາຍ ແລະ ພົນຕຳຫຼວດ ເຂົ້າຮ່ວມໃນວັນ ທີ 26 ທັນວາ 2023.
ພັອ ສັກສິດ ສີພັນດວງ ຮອງຫົວໜ້າກອງບັນຊາການ ປກສ ແຂວງ ຫົວໜ້າຫ້ອງການເມືອງ ໄດ້ຜ່ານແຜນການ, ເນື້ອໃນການແຂ່ງຂັນຮັດຊາດ ແລະ ພັດທະນາຂອງກອງບັນຊາການ ປກສ ແຂວງ, ເຊິ່ງ ໄດ້ຍົກໃຫ້ເຫັນບັນດາເນື້ອໃນຂໍ້ແຂ່ງຂັນທີ່ເປັນບ່ອນອີງໃນການຈັດຕັ້ງປະຕິບັດຂອງນາຍ ແລະ ພົນຕຳຫຼວດ, ເຊິ່ງມີ 5 ຄາດໝາຍສູ້ຊົນຄື: ດ້ານການເມືອງແນວຄິດ, ດ້ານແນວຄິດ, ດ້ານການປະຕິບັດກົດໝາຍ ແລະ ລະບຽບຂອງລັດ, ດ້ານການພັດທະນາຕົນເອງ ແລະ ການຈັດຕັ້ງ, ດ້ານການປົກປ້ອງສິດ ແລະ ຜົນປະໂຫຍດອັນຊອບທຳ, ດ້ານການປະຕິບັດໜ້າທີ່ວິຊາສະເພາະຢ່າງປະດິດສ້າງ ແຕ່ລະເນື້ອໃນຄາດ ໝາຍສູ້ຊົນຈະໄດ້ປະຕິບັດໄດ້ 90% ຂຶ້ນໄປ.
ຈຸດປະສົງໃນການຈັດກອງປະຊຸມຄັ້ງນີ້, ເພື່ອເຮັດໃຫ້ນາຍ ແລະ ພົນຕຳຫຼວດ, ໄດ້ຮັບ ຮູ້ເຂົ້າໃຈໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ-ຍ້ອງຍໍ ໂດຍຖືເອົາແຜນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກກອງບັນຊາການ ປກສ ແຂວງ ແລະ ການປະຕິບັດແຜນການ 5 ປີ ( 2021-2025 ) ກ່ຽວກັບການແຂ່ງຂັນຍ້ອງຍໍໃຫ້ປະກົດຜົນເປັນຈິງ, ເພື່ອປຸກລະດົມ ສາມາຊິກພັກ, ນາຍ ແລະ ຕໍາຫຼວດໃຫ້ມີສະຕິຕື່ນຕົວ, ມີຄວາມບຸກບືນ, ດຸໝັ້ນ, ຄົ້ນຄວ້າຮໍ່າຮຽນຫ້າວຫັນປະຕິ ບັດໜ້າທີ່, ມີຫົວຄິດປະດິດສ້າງ ແລະ ສ້າງຂະບວນການແຂ່ງຂັນປະຕິບັດວຽກວິຊາສະ ເພາະຢ່າງເປັນຂະບວນການ, ອັນເປັນບ່ອນອີງໃນການຄັດເລືອກຜົນງານຂອງບຸກ ຄົນ ແລະ ກົມກອງທີ່ດີເດັ່ນ. ຈາກນັ້ນ, ບັນດາຫ້ອງ, ກອງອ້ອມຂ້າງກອງບັນ ຊາການ ກໍໄດ້ຂຶ້ນຈັບມືກັນແຂ່ງຂັນກັນໃນການຈັດຕັ້ງປະຕິບັດໜ້າທີ່ຕື່ມອີກ.
ໂອກາດດຽວກັນ, ທ່ານປະທານກອງປະຊຸມ ຍັງໄດ້ໃຫ້ກຽດໂອ້ລົມ ໂດຍເນັ້ນໃຫ້ຄະນ ພັກ-ຄະນະບັນຊາແຕ່ລະຂັ້ນເອົາໃຈໃສ່ຕໍ່ການສຶກສາອົບຮົມການເມືອງນຳພາແນວຄິດໃຫ້ນາຍ ແລະ ພົນຕຳຫຼວດ, ເອົາໃຈໃສ່ຕິດຕາມ, ກວດກາການນຳໃຊ້ນາຍ ແລະ ພົນຕຳຫຼວດ ທີ່ໄປປະຕິບັດໜ້າທີ່, ໃຫ້ເອົາໃຈໃສ່ຕໍ່ການປັບປຸງໂຄງຮ່າງການຈັດຕັ້ງ ແລະ ສັບຊ້ອນພະນັກງານ, ຍົກສູງຄຸນນະພາບໃນການແຂ່ງຂັນ-ຍ້ອງຍໍໃນໄລຍະໃໝ່ ໃຫ້ຖືກຕ້ອງຕາມທິດຂອງພັກດ້ວຍການປັບປຸງກົນໄກ ແລະ ວີທີການ, ຂັ້ນຕອນໃນການປະເມີນຂໍ້ແຂ່ງຂັນໃຫ້ມີປະສິດທິພາບ ແລະ ປະສິດທິຜົນຢູ່ໃນລະດັບສູງ.
