ກຳລັງປະຈໍາການ ກົມໃຫຍ່ການເມືອງ ກະຊວງ ປກສ, ໄດ້ຈັດກອງປະຊຸມສະຫຼຸບຖອດຖອນບົດຮຽນວຽກງານປ້ອງ ກັນກອງປະຊຸມສຸດຍອດອາຊຽນ ຄັ້ງທີ 44-45, ໃນວັນທີ 11 ຕຸລາ 2024, ເປັນປະທານໂດຍ ພົຈວ ໜູໃບ ອິນທິສານ ຮອງຫົວໜ້າກົມໃຫຍ່ການເມືອງ ປກສ, ມີບັນດາຄະນະ ພັກ-ຄະນບັນຊາ, ພ້ອມດ້ວຍນາຍຕໍາຫຼວດທີ່ເຮັດໜ້າທີ່ວຽກງານປ້ອງກັນກອງປະ ຊຸມດັ່ງກ່າວ ເຂົ້າຮ່ວມ.
ໃນກອງປະຊຸມ, ພັອ ບຸນມີ ມັກຄະວານ ຫົວໜ້າກົມກໍ່ສ້າງກຳລັງ ທັງເປັນຫົວໜ້າຄະນະກຳລັງປ້ອງກັນ ກົມໃຫຍ່ການເມືອງ ປກສ ໄດ້ຜ່ານບົດສະຫຼຸບກ່ຽວກັບການຈັດຕັ້ງປະຕິ ບັດວຽກງານປ້ອງກັນກອງປະຊຸມສຸດຍອດອາຊຽນ ຄັ້ງທີ 44-45, ທີ່ໄດ້ຈັດຂຶ້ນໃນລະຫວ່າງວັນທີ 8-11 ຕຸລາ ທີ່ນະ ຄອນວຽງຈັນ, ເຊິ່ງທ່ານໄດ້ຍົກໃຫ້ເຫັນ ດ້ານດີ, ດ້ານອ່ອນ ແລະ ຂໍ້ຄົງຄ້າງທີ່ຈະໄດ້ປັບປຸງແກ້ໄຂໃນຕໍ່ໜ້າ, ພ້ອມທັງຖອດຖອນບົດຮຽນ ກ່ຽວກັບການປະຕິບັດຕາມພາລະບົດບາດ, ສິດ, ໜ້າທີ່ ແລະ ວຽກງານປະສານງານກັບກົມກອງອື່ນໆ ໃນການຈັດຕັ້ງຜັນຂະຫຍາຍແຜນແມ່ບົດປ້ອງ ກັນກອງປະຊຸມສຸດຍອດອາຊຽນ ຄັ້ງທີ 44-45. ຈາກນັ້ນ, ບັນດາຜູ້ເຂົ້າຮ່ວມໄດ້ຜັດປ່ຽນກັນປະກອບຄໍາຄິດ-ຄໍາເຫັນຢ່າງກົງໄປກົງມາຕໍ່ບົດສະຫຼຸບ ເພື່ອຊອກຫາວິທີແກ້ໄຂບັນຫາທີ່ຍັງຄົງຄ້າງໃຫ້ໄດ້ຮັບການແກ້ໄຂໃນຕໍ່ໜ້າໃຫ້ໄດ້ດີຂຶ້ນກວ່າເກົ່າ, ສາມາດນໍາໄປຈັດຕັ້ງປະຕິບັດໃຫ້ໄດ້ຕາມລະດັບຄາດໝາຍ ແລະ ມີຄຸນນະພາບ.
ຕອນທ້າຍກອງປະຊຸມ, ຍັງໄດ້ຮັບຟັງການໂອ້ລົມຂອງ ພົຈວ ໜູໃບ ອິນທິສານ, ເຊິ່ງທ່ານໄດ້ກ່າວສະແດງຄວາມຍ້ອງຍໍຊົມ ເຊີຍມາຍັງ ກຳລັງປະຈໍາການ ກົມໃຫຍ່ການເມືອງ ປກສ ທີ່ໄດ້ຕັ້ງໜ້າໃນການປະຕິບັດໜ້າທີ່ຂອງຕົນດ້ວຍຄວາມຮັບຜິບຊອບສູງ ແລະ ເຮັດໃຫ້ບັ້ນປ້ອງກັນກອງປະຊຸມຄັ້ງນີ້ມີຜົນສຳເລັດຕາມລະດັບຄາດໝາຍທີ່ວາງໄວ້.
