ໃນຕອນຄໍ່າວັນທີ 10 ຕຸລາ 2024 ນີ້, ພົນຕີ ສົມວັນ ສາຍ ລ້ອງພາ ຮອງລັດຖະມົນກະຊວງປ້ອງກັນຄວາມສະຫງົບ ພ້ອມດ້ວຍຄະນະ ລົງເຄື່ອນໄຫວຊຸກຍູ້ຕິດຕາມບັນດາຈຸດປ້ອງກັນເພື່ອໃຫ້ກໍາລັງໃຈ ນາຍ ແລະ ພົນຕໍາຫຼວດ ທີ່ໄດ້ເອົາໃຈໃສ່ປະຕິບັດໜ້າທີ່ປ້ອງກັນເວນຍາມກອງປະຊຸມສຸດຍອດອາຊຽນ ຄັ້ງທີ 44 ແລະ 45 ທີ່ ສປປ ລາວ ເປັນເຈົ້າພາບ, ຢູ່ຈຸດປ້ອງກັນເມືອງຈັນທະບູລີ ນະຄອນຫຼວງວຽງ ຈັນ.
ໃນໂອກາດທີ່ລົງເຄື່ອນແຕ່ລະຈຸດປ້ອງກັນ ທ່ານຮອງລັດ ຖະມົນຕີກະຊວງປ້ອງກັນຄວາມສະຫງົບໄດ້ຊົມເຊີຍຕໍ່ນາຍ ແລະ ພົນຕໍາຫຼວດ, ນາຍ ແລະ ພົນທະຫານທຸກເຫຼົ່າຮົບຂອງສອງກໍາລັງປ້ອງກັນຊາດ- ປ້ອງກັນຄວາມສະຫງົບ ຢູ່ແຕ່ລະຈຸດປ້ອງກັນທີ່ໄດ້ສຸມໃສ່ໃນການປະ ຕິບັດໜ້າທີ່ຢ່າງເຂັ້ມງວດ ແລະ ມີຄວາມຮັບ ຜິດຊອບຕໍ່ໜ້າທີ່ໆໄດ້ຮັບມອບໝາຍ, ພ້ອມທັງຊີ້ນໍາໃຫ້ນາຍ ແລະ ພົນຕໍາຫຼວດ, ນາຍ ແລະ ພົນທະຫານທຸກສະຫາຍ ຕ້ອງສຸມທຸກກໍາລັງແຮງເຂົ້າໃສ່ວຽກງານປ້ອງກັນປະຈໍາຈຸດທີ່ຕົນໄດ້ຮັບມອບໝາຍໃຫ້ຮັບປະກັນຄວາມສະຫງົບ, ຄວາມປອດໄພຮອບດ້ານ, ເພື່ອເຮັດໃຫ້ກອງປະຊຸມສຸດຍອດອາຊຽນທີ່ມີຄວາມໝາຍສໍາຄັນທີ່ ສປປລາວ ເປັນເຈົ້າພາບ ຮັບປະ ກັນໄດ້ຄວາມສະຫງົບ, ຄວາມປອດໄພຮ້ອຍສ່ວນຮ້ອຍ.
ໃນໂອກາດທີ່ໄດ້ລົງເຄື່ອນໄຫວຕິດຕາມເບິ່ງແຕ່ລະຈຸດປ້ອງກັນ, ທ່ານ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ມອບນໍ້າດື່ມໃຫ້ຈຸດປ້ອງກັນຕື່ມອີກ.
