ກົມກວດກາ-ກວດການ ກົມໃຫຍ່ການເມືອງ ກະຊວງ ປກສ ໄດ້ຈັດກອງປະຊຸມແຜນການດຳເນີນກອງປະຊຸມສ່ອງແສງວຽກງານຕິດຕາມ, ກວດກາຂອງພັກ ຂອງຄະນະກວດກາພັກ ກະຊວງ ປກສ ປະຈຳໄຕມາດ III ແລະ ທິດທາງແຜນການໄຕມາດ IV ປີ 2024 ເພື່ອເປັນການກວດກາຄືນແບບແຜນການນຳພາ-ຊີ້ນຳ ກ່ຽວກັບວຽກງານຕິດຕາມ, ກວດກາຂອງຄະ ນະກວດກາພັກແຕ່ລະຂັ້ນໃນການຈັດຕັ້ງຜັນຂະຫຍາຍມະຕິຕ່າງໆຂອງຄະນະພັກກະຊວງ ປກສ ແລະ ມະຕິຕ່າງໆຂອງຄະນະ ພັກຂັ້ນຂອງຕົນໃນແຕ່ລະໄຕມາດ ໃນວັນທີ 16 ຕຸລາ 2024, ໂດຍການເປັນປະທານຂອງ ພົຕ ສົມວັນ ສາຍລ້ອງພາ ຄະນະປະຈຳພັກກະຊວງ ປະທານກວດກາພັກ ຮອງລັດຖະມົນຕີກະຊວງ ປກສ, ມີບັນດາຄະນະກວດກາພັກອ້ອມຂ້າງຄະນະພັກກະຊວງ ປກສ ແລະ ບັນດາ ປກສ ແຂວງເຂົ້າຮ່ວມ.
ພົຈວ ບຸນລຽນ ສະອາດສີ ຮອງປະທານກວດກາ ກະຊວງ ປກສ ຫົວໜ້າກົມກວດກາ-ກວດການ ກ່າວວ່າ: ວຽກງານຕິດຕາມກວດກາພັກ ໃນໄຕມາດ III ຄະນະບໍລິຫານງານພັກກະ ຊວງ ປກສ ເວົ້າລວມ, ເວົ້າສະເພາະແມ່ນ ຄະນະກວດກາພັກແຕ່ລະຂັ້ນໄດ້ເປັນເຈົ້າການນໍາພາ-ຊີ້ນໍາ ວຽກງານຕິດຕາມ, ກວດກາຂອງພັກ ເປັນປົກກະຕິ ໂດຍສະເພາະໄດ້ເປັນເສນາ ທິການໃນການຕິດຕາມ, ກວດກາຕົວຈິງຢູ່ແຕ່ລະຮາກຖານພັກ; ຜ່ານການຕິດຕາມ, ກວດກາເຫັນວ່າ: ຄະນະພັກກະຊວງ ໄດ້ນໍາພາບັນດາຄະນະພັກກົມໃຫຍ່ ແລະ ທຽບເທົ່າ, ຄະນະ ພັກຮາກຖານ ດໍາເນີນກອງປະຊຸມໃຫຍ່ຂັ້ນຮາກຖານພັກ ຢູ່ອ້ອມຂ້າງອົງຄະນະພັກກະຊວງປ້ອງກັນຄວາມສະຫງົບ; ທົ່ວອົງຄະນະພັກກະຊວງປ້ອງກັນຄວາມສະຫງົບ ມີຮາກຖານພັກ ທັງໝົດ 328 ຮາກຖານ, ໃນນີ້ມີເງື່ອນໄຂດໍາເນີນກອງປະຊຸມໃຫຍ່ 249 ຮາກຖານ, ນອກນັ້ນແມ່ນບໍ່ມີເງື່ອນໄຂດໍາເນີນກອງປະຊຸມໃຫຍ່, ປັດຈຸບັນໄດ້ດໍາເນີນກອງປະຊຸມໃຫຍ່ສໍາເລັດແລ້ວ ມີ 233 ຮາກຖານພັກ ຍັງສືບຕໍ່ດໍາເນີນ 16 ຮາກຖານ; ຄາດກະຈະໃຫ້ດໍາເນີນສໍາເລັດພາຍໃນເດືອນ ຕຸລາ 2024.
ນອກນີ້, ຄະນະພັກແຕ່ລະຂັ້ນ ໄດ້ເປັນເຈົ້າການຕິດຕາມການເໜັງຕີງຂອງບັນດາການຈັດຕັ້ງພັກ, ຄະນະພັກ, ສະມາຊິກພັກ, ນາຍ ແລະ ພົນຕຳຫຼວດ, ພົ້ນເດັ່ນແມ່ນແຕ່ລະຄະນະພັກໄດ້ສົ່ງບົດສະຫຼຸບປະຈຳເດືອນ, ສະຖິຕິພັກໃຫ້ກົມ ກວດກາ-ກວດການ ເປັນປົກກະຕິດ້ວຍຄວາມຮັບຜິດຊອບສູງ ເຊິ່ງສາມາດເກັບກໍາໄດ້ທຸກການເຄື່ອນໄຫວຂອງ ບັນດາການຈັດຕັ້ງ, ພັກ ແລະ ສະມາຊິກພັກ ໂດຍຜ່ານການສ່ອງແສງ ລາຍງານປະຈໍາເດືອນ, ປະຈຳໄຕມາດຂອງຄະນະພັກແຕ່ລະຂັ້ນ, ການລົງຊຸກຍູ້ກອງປະຊຸມໃຫຍ່ຂອງພັກ, ການສະເໜີ ແລະ ລາຍ ງານຂອງສະມາຊິກພັກ; ຜ່ານ ການຕິດຕາມເຫັນວ່າ: ການຈັດຕັ້ງພັກທຸກຂັ້ນໄດ້ເປັນເຈົ້າການນໍາເອົາແນວທາງນະໂຍບາຍຂອງພັກ, ກົດລະບຽບ ຂອງພັກ, ມະຕິ, ຄໍາສັ່ງຕ່າງໆໄປຈັດຕັ້ງຜັນຂະຫຍາຍຢູ່ບັນດາຮາກຖານພັກ, ກົມກອງວິຊາສະເພາະຂອງຕົນໄດ້ຢ່າງທົ່ວເຖິງ ເຮັດໃຫ້ຄະນະພັກ, ສະມາຊິກພັກ, ນາຍ ແລະ ພົນຕຳຫຼວດ ມີຄວາມສະຫງົບ, ຫ້າວຫັນປະຕິ ບັດໜ້າທີ່ວິຊາສະເພາະ, ບັນດາສະຫາຍສະມາຊິກພັກຍັງຮັກສາໄດ້ຄຸນທາດການເມືອງໜັກແໜ້ນ, ເປັນແກນນໍາໃນທຸກວຽກງານ. ຕໍ່ກັບວຽກງານຂະຫຍາຍພັກກໍໄດ້ເຮັດຢ່າງຕໍ່ເນື່ອງ ໂດຍຖືເອົາຄຸນນະພາບເປັນກົກ ແລະ ຖືເອົາກົດ ລະບຽບຂອງພັກເປັນບ່ອນອີງ, ແຕ່ລະໜ່ວຍພັກໄດ້ນໍາພາຮ່ວມຊີວິດພັກ, ເສຍເງິນບຳລຸງເປັນປົກ ກະຕິ, ນໍາພາເປັນໝູ່ຄະນະ ໂດຍສະເພາະ ແມ່ນໄດ້ປະຕິບັດຫຼັກການລວມສູນປະຊາທິປະໄຕໄດ້ດີສົມຄວນ ຜ່ານການຕິດ ຕາມ- ກວດກາ ເຫັນໄດ້ວ່າຄະນະພັກ, ສະມາຊິກພັກຢູ່ແຕ່ລະຄະນະພັກຍັງຮັກສາບົດບາດເປັນແກ່ນນໍາໃນການນໍາພາດ້ວຍ ຄວາມເປັນແບບຢ່າງທີ່ດີ ຈິ່ງເຮັດໃຫ້ການຈັດຕັ້ງພັກສ່ວນຫຼາຍມີຄວາມປອດໃສ, ເຂັ້ມແຂງ, ໜັກແໜ້ນ, ພະນັກງານ, ສະ ມາຊິກພັກມີຄວາມສາມັກຄີເປັນເອກະພາບກັບແນວທາງນະໂຍບາຍຂອງພັກໃນແຕ່ລະໄລຍະ.
ພົຕ ສົມວັນ ສາຍລ້ອງພາ ໄດ້ເນັ້ນໃຫ້ຄະນະກວດກາພັກອ້ອມຂ້າງກະຊວງ ສືບຕໍ່ຕິດຕາມ, ກວດກາຜົນສໍາເລັດການດໍາເນີນກອງປະຊຸມໃຫຍ່ 3 ຂັ້ນ ຂອງແຕ່ລະຄະນະພັກມີ ບັນຫາໃດທີ່ຍັງບໍ່ທັນຈະແຈ້ງບໍ່ທັນສອດຄ່ອງກໍຕ້ອງໄດ້ພ້ອມກັນແກ້ໄຂໃຫ້ຂາດຕົວ ໂດຍສະເພາະແມ່ນພິສູດໃຫ້ເຫັນ ບັນຫາຫາງສຽງຕໍ່ການຈັດຕັ້ງ ແລະ ບຸກຄົນຢູ່ໃນແຕ່ລະຮາກຖານພັກ. ນອກຈາກນັ້ນ, ກໍມອບໃຫ້ກົມກວດກາ- ກວດການ ສົມທົບກົມພັກ, ກົມພະນັກງານ ກົມໃຫຍ່ການເມືອງ ປກສ ຕິດຕາມ, ກວດກາການດໍາເນີນກອງປະຊຸມ 03 ຂັ້ນໂດຍສະເພາະແມ່ນຕໍ່ກັບບຸກຄະລະກອນທີ່ຈະລົງສະໝັກເປັນຄະນະພັກຊຸດໃໝ່ ແລະ ຄວາມຮັບຜິດ ຊອບຕໍ່ໜ້າທີ່ການເມືອງຂອງສະມາຊິກພັກໃຫ້ເລິກເຊິ່ງ. ສຸມໃສ່ຕິດຕາມ, ກວດກາການຈັດຕັ້ງພັກ-ລັດແຕ່ລະຂັ້ນຖ້າເຫັນບັນຫາໃດທີ່ບໍ່ທັນສອດຄ່ອງບໍ່ ທັນຖືກຕ້ອງຕາມລະບຽບຫຼັກການກໍຕ້ອງໄດ້ມີການປັບປຸງໃຫ້ປອດໃສ, ເຂັ້ມແຂງ, ໜັກແໜ້ນ ແລະ ໃຫ້ສອດຄ່ອງ ກັນລະຫວ່າງເບື້ອງພັກ ແລະ ເບື້ອງລັດ. ດ້ານແບບແຜນວິທີນໍາພາຂອງຄະນະພັກແຕ່ລະຂັ້ນໃຫ້ສືບຕໍ່ປະຕິບັດຕາມຫຼັກການຂອງພັກໃຫ້ເຂັ້ມງວດ, ມີປະຊາທິປະໄຕ, ໂປ່ງໃສສາມາດກວດກາໄດ້ ທຸກບັນຫາຕ້ອງປະຕິ ບັດຕາມມະຕິ, ຄໍາສັ່ງຂອງຄະນະພັກຂັ້ນຂອງຕົນໃຫ້ເຂັ້ມງວດ, ກ້າຄິດ, ກ້າເຮັດ, ກ້າຮັບຜິດຊອບ ຂັ້ນລຸ່ມຕ້ອງປະຕິບັດຕາມຂັ້ນເທິງ, ບຸກຄົນຕ້ອງປະຕິບັດ ຕາມການຈັດຕັ້ງຢ່າງເຂັ້ມງວດ.
