ໃນວັນທີ 9 ຕຸລາ 2024, ທີ່ກົມໃຫຍ່ພະລາທິການ ປກສ, ບໍລິສັດ PKS ກໍ່ສ້າງ ຈໍາກັດຜູ້ດຽວ ໄດ້ນໍາເອົາເງິນສົດຈໍານວນໜື່ງ, ນໍ້າດື່ມ, ໝີ່ໄວໆ ແລະ ກາເຟ ລວມມູນຄ່າທັງໝົດ 25 ລ້ານກີບມາມອບໃຫ້ ກົມໃຫຍ່ພະລາທິການ ປ້ອງກັນຄວາມສະຫງົບ ເພື່ອປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ໃນໄລຍະຈັດກອງປະຊຸມສຸດຍອດອາຊຽນຄັ້ງທີ 44,45 ທີ່ລາວໄດ້ຮັບກຽດເປັນເຈົ້າພາບ, ມອບໂດຍ ທ່ານ ພອນແກ້ວ ສອນມີໄຊ ປະທານ ບໍລິສັດ PKS ກໍ່ສ້າງ ຈໍາກັດຜູ້ດຽວ ແລະ ກ່າວຮັບ ໂດຍ ພົຈວ ອຸດົມ ສີສົງຄາມ ຮອງຫົວໜ້າກົມໃຫຍ່ພະລາທິການ ປກສ ພ້ອມດ້ວຍຄະນະ.
ໃນໂອກາດນີ້, ພົຈວ ອຸດົມ ສີສົງຄາມ ຮອງຫົວໜ້າກົມໃຫຍ່ພະລາທິການ ປ້ອງກັນຄວາມສະຫງົບ ໄດ້ມອບໃບກຽດຕິຄຸນ ແລະ ກ່າວສະແດງຄວາມຂອບໃຈ ທ່ານປະທານ ບໍລິສັດ PKS ກໍ່ສ້າງ ຈໍາກັດຜູ້ດຽວ ທີ່ເຫັນຄວາມສໍາຄັນຂອງວຽກງານປ້ອງກັນຄວາມສະຫງົບ ພ້ອມນີ້ທ່ານຍັງໄດ້ອວຍພອນໃຫ້ປະທານບໍລິສັດ ແລະ ພະນັກງານ ພາຍໃນບໍລິສັດດັ່ງກ່າວ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ປະສົບຜົນສໍາເລັດໃນການດໍາເນີນທຸລະກິດ.
