ພົນຕີ ປອ ສຸວັນນີ ສີສຸພາບມີໄຊ ຄະນະປະຈໍາພັກກະຊວງ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ໄດ້ປະສານສົມທົບ ກັບກົມເສນາ ຫ້ອງວ່າການກະຊວງປ້ອງ ກັນຄວາມສະຫງົບ, ພ້ອມດ້ວຍຄະນະ ລົງຊຸກຍູ້ຕິດຕາມວຽກງານປ້ອງກັນ ກອງປະຊຸມສຸດຍອດອາຊຽນ ຄັ້ງທີ 44-45 ຢູ່ຈຸດປ້ອງກັນ ເມືອງຈັນທະບູລີ ເມືອງສີໂຄດຕະ ບອງ ນະຄອນຫຼວງວຽງ ໃນຕອນຄໍ່າຂອງວັນທີ 7 ຕຸລານີ້; ໃນໂອກາດທີ່ ທ່ານຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ລົງມາເຄື່ອນໄຫວຕິດຕາມກວດກາຢູ່ແຕ່ ລະຈຸດປ້ອງກັນໃນຄັ້ງນີ້ ກໍ່ໄດ້ຮັບຟັງການລາຍງານສະພາບ ການປ້ອງກັນເວນຍາມຢູ່ແຕ່ລະຈຸດປ້ອງກັນ ໂດຍພື້ນຖານແລ້ວແຕ່ລະຈຸດປ້ອງກັນ ແມ່ນຍັງຮັກສາໄດ້ຄວາມສະຫງົບປອດໄພຮອບດ້ານ, ພ້ອມນີ້ ທ່ານໄດ້ ເນັ້ນໜັກໃຫ້ຄະນະຮັບຜິດຊອບອະນຸກໍາມະການປ້ອງກັນທຸກພາກສ່ວນຈົ່ງສຸມທຸກກໍາລັງແຮງຂອງຕົນເອົາໃຈໃສ່ໃນການປະຕິບັດໜ້າທີ່ປ້ອງກັນປ້ອງກັນເວນຍາມປະຈໍາຈຸດປ້ອງກັນ 24 ຊົ່ວໂມງ ເພື່ອຮັບປະກັນຄວາມປອດໄພຮອບດ້ານ ໃຫ້ແກ່ການດໍາເນີນ ກອງປະຊຸມສຸດຍອດອາຊຽນ ຄັ້ງທີ 44-45 ແລະ ກອງປະຊຸມປິ່ນອ້ອມອື່ນໆ ໃຫ້ມີຄວາມສະຫງົບປອດໄພຮ້ອຍສ່ວນຮ້ອຍ.
ທັງນີ້, ກໍເພື່ອເປັນການປຸກລະດົມ ນາຍ ແລະ ພົນຕຳຫຼວດ ເຂົ້າຮ່ວມປະຕິບັດໜ້າທີ່ວິຊາສະເພາະປ້ອງກັນກອງປະຊຸມ ສຸດຍອດອາຊຽນ ຄັ້ງທີ 44-45 ທີ່ ສປປ ລາວ ເປັນເຈົ້າ ພາບ ໃຫ້ມີຄວາມບຸກບືນຫ້າວຫັນໃນການສ້າງຜົນງານ ກໍ່ຄືປະຕິບັດໜ້າທີ່ການເມືອງໃຫ້ມີຜົນສໍາເລັດຕາມຈຸດປະສົງ, ລະດັບຄາດໝາຍ.
ໃນໂອກາດນີ້, ພົນຕີ ປອ ສຸວັນນີ ສີສຸພາບມີໄຊ ຍັງໄດ້ມອບນໍ້າດື່ມໃຫ້ ແຕ່ລະຈຸດປ້ອງກັນນຳອີກ.
