ວັນທີ 7 ຕຸລາ 2024, ທ່ານ ຫົວສຽງ ຜູ້ຈັດການບໍລິສັດ ຫົວສຽງ ການຄ້າຂາເຂົ້າ- ຂາອອກ ຈໍາກັດຜູ້ດຽວ ໄດ້ນໍາເອົານໍ້າດື່ມ, ໝີ່ ແລະ ປາກະປ໋ອງ ລວມມູນຄ່າ 15.000.000 ລ້ານກີບ, ມາມອບໃຫ້ຈຸດປ້ອງກັນ ໂຮງແຮມ ຄຣາວພາຊາ ເພື່ອປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ໃນໄລຍະຈັດກອງປະຊຸມສຸດຍອດ ອາຊຽນ ຄັ້ງທີ 44-45 ກ່າວຮັບໂດຍ ພົຈວ ແອ່ນ ອຸ່ນອານົງນຸດ ຄະນະພັກກະຊວງ, ຮອງຫົວໜ້າກົມໃຫຍ່ສັນຕິບານ ກະຊວງ ປກສ, ມີພະນັກງານທີ່ກ່ຽວຂ້ອງສອງຝ່າຍເຂົ້າຮ່ວມ.
ໃນໂອກາດນີ້, ພົຈວ ແອ່ນ ອຸ່ນອານົງນຸດ ໄດ້ຕາງໜ້າໃຫ້ ຈຸດປ້ອງກັນກ່າວສະແດງຄວາມຂອບໃຈ ແລະ ອວຍພອນໄຊອັນປະເສີດໃຫ້ ທ່ານ ຫົວສຽງ ຜູ້ຈັດການ ບໍລິສັດ ຫົວສຽງ ການຄ້າຂາເຂົ້າ-ຂາອອກຈຳກັດຜູ້ດຽວ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບ ຄົວ ສືບຕໍ່ ພັດທະນາບໍລິສັດໃຫ້ຈະເລີນຮຸ່ງເຮືອງ; ສຳລັບເຄື່ອງທີ່ມາມອບໃນຄັ້ງແມ່ນຈະໄດ້ນຳໄປມອບໃຫ້ຕາມຈຸດປ້ອງກັນຕ່າງໆ.
