ວັນທີ 7 ຕຸລາ 2024, ພົຈວ ໜູຈອນ ກ້ອນທອງດຳ ຫົວ ໜ້າກົມໃຫຍ່ພະລາທິການ ຫົວໜ້າອະນຸກຳມະການເສດ ຖະກິດ ກະຊວງ ປກສ ໄດ້ໃຫ້ສຳພາດຕໍ່ນັກຂ່າວ ປກສ ວ່າ: ກົມໃຫຍ່ພະລາທິການ ໄດ້ກຽມຄວາມພ້ອມເພື່ອຮັບປະ ກັນໃຫ້ວຽກງານພະລາທິການຮອບດ້ານ ຮັບໃຊ້ໃຫ້ແກ່ກຳລັງປ້ອງກັນຄວາມສະຫງົບ ໃນການເຮັດໜ້າທີ່ປ້ອງກັນກອງປະຊຸມສຸດຍອດອາຊຽນ ຄັ້ງທີ 44-45 ແລະ ກອງປະຊຸມປີ້ນອ້ອມອື່ນຕ່າງໆ, ໂດຍສະເພາະແມ່ນການສະໜອງດ້ານວັດຖຸອຸປະກອນພະລາທິການ, ການກວດກາສຸຂະພາບໃຫ້ແກ່ກຳລັງປ້ອງກັນຢູ່ໃນແຕ່ລະຈຸ, ເຫັນໄດ້ວ່າມາຮອດປັດຈຸບັນນີ້, ພວກເຮົາສາມາດປະຕິບັດໜ້າທີ່ໄດ້ຕາມແຜນ 100%.
ໃນຄະນະດຽວກັນ, ພັອ ບົວລຳພູ ຈັນທະວີໄຊ ຮອງຫົວ ໜ້າຫ້ອງການ ກົມໃຫຍ່ພາລາທິການ ກໍໃຫ້ຮູ້ວ່າ: ພວກເຮົາໄດ້ກຽມອະປະກອນຮັບໃຊ້ເພື່ອໃຫ້ພຽງພໍກັບຄວາມຕ້ອງ ການ ໃນນີ້ປະກອບມີ ຕູບ, ຕຽງ ແລະ ໄຟຟ້າ, ເຄື່ອງໃຊ້ຈຳເປັນອື່ນໆ, ເຊິ່ງສາມາດຕອບສະໜອງ ແລະ ມີແຮໄວ້ໃນກຳລະນີ້ສຸກເສີນ.
ໂອກາດນີ້, ພັອ ພອນສະຫວັນ ວົງຄຳຈັນ ຫົວໜ້າກົມເສ ນາຮັກ ກໍໃຫ້ຮູ້ວ່າ: ດ້ານການຮັກສາສຸຂະພາບ ແມ່ນໄດ້ມີຄວາມພ້ອມ ພາຍຫຼັງຮັບຄຳສັ່ງຈາກຂັ້ນເທິງ ກະຊວງ ປກສ, ກົມເສນາຮັກ ພວກເຮົາ ໄດ້ມີການກະກຽມດ້ານອຸປະກອນການແພດ ແລະ ຈຳນວນພົນ; ປັດຈຸບັນທີມແພດພວກເຮົາໄດ້ລົງເຄື່ອນໄຫວປະຈຳແຕ່ລະຈຸດປ້ອງກັນທີ່ໄດ້ຮັບຜິດຊອບ, ມາຮອດປະຈຸບັດຖືກວ່າ ມີຄວາມພ້ອມ 100% ໃນການເຮັດໜ້າທີ່ຮັກສາສຸຂະພາບ ນາຍ ແລະ ພົນຕຳຫຼວດໃນເວລາປະຕິບັດໜ້າທີ່ປ້ອງກັນເວນຍາມໃນໄລຍະກອງປະຊຸມສຸດຍອດອາຊຽນນີ້.
