ໃນວັນທີ 7 ຕຸລາ 2024 ທີ່ກະຊວງ ປກສ, ທ່ານ ເທບພະສອນ ສີສົງຄາມ ປະທານບໍລິສັດ ເທບສຸດາການຄ້າຂາເຂົ້າ-ຂາອອກ ແລະ ບໍລິການຂົນສົ່ງ ພາຍໃນ-ຕ່າງປະເທດ ຈຳກັດຜູ້ດຽວ ໄດ້ນຳເອົານໍ້າດື່ມ, ເຄື່ອງດື່ມ, ເຂົ້າໜົມ, ໝີ່ ແລະເຄື່ອງອື່ນໆອີກຈໍານວນໜຶ່ງ ລວມມູນຄ່າ 60 ລ້ານກີບ, ມາມອບໃຫ້ກະຊວງ ປກສ, ເພື່ອປະກອບສ່ວນເຂົ້າໃນວຽກງານປ້ອງກັນຄວາມສະຫງົບ ໃນໄລຍະຈັດກອງປະຊຸມສຸດຍອດອາຊຽນ ຄັ້ງທີ 44-45, ກ່າວຮັບໂດຍ ພົຈວ ຄອນສະຫວັນ ສົມພາໄຊ ຮອງຫົວໜ້າກົມໃຫຍ່ການເມືອງ ປກສ, ມີພະນັກງານທີ່ກ່ຽວຂ້ອງສອງຝ່າຍເຂົ້າຮ່ວມ.
ໃນໂອກາດນີ້, ພົຈວ ຄອນສະຫວັນ ສົມພາໄຊ ໄດ້ຕາງໜ້າໃຫ້ກະຊວງ ປກສ ມອບໃບກຽດຕິຄຸນ ແລະ ກ່າວສະແດງຄວາມຂອບໃຈ ແລະ ອວຍພອນໄຊອັນປະເສີດໃຫ້ ທ່ານ ປະທານບໍລິສັດ ເທບສຸດາການຄ້າຂາເຂົ້າ-ຂາອອກ ແລະ ບໍລິການຂົນສົ່ງ ພາຍໃນ-ຕ່າງປະເທດ ຈຳ ກັດຜູ້ດຽວ ພ້ອມດ້ວຍພະນັກງານ, ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນ ຕົວ ແລະ ຄອບຄົວ ສືບຕໍ່ພັດທະນາບໍລິສັດໃຫ້ຈະເລີນຮຸ່ງເຮືອງຂຶ້ນໄປເລື້ອຍໆ.
ພ້ອມນີ້, ທ່ານຍັງໄດ້ຮຽກຮ້ອງມາຍັງປະທານ ແລະ ພະນັກງານພາຍໃນບໍລິສັດ ປະກອບສ່ວນເຂົ້າໃນວຽກງານ ປກຊ-ປກສ ເພື່ອເຮັດໃຫ້ການດຳເນີນກອງປະຊຸມສຸດຍອດອາຊຽນຄັ້ງນີ້ມີຄວາມສະຫງົບ ແລະ ປອດໄພໃນທຸກດ້ານ.
