ໃນວັນທີ 23 ກັນຍາ 2024 ທີ່ກະຊວງ ປກສ, ພົທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ຕາງໜ້າໃຫ້ກະຊວງ ປກສ ຮັບເງິນຊ່ວຍເຫຼືອຈາກ ບໍລິ ສັດ ບໍລິຫານຈັດການໄຊເບີລາວ ຈໍາກັດ ເພື່ອນຳໄປຊ່ວຍເຫຼືອຜູ້ປະສົບໄພນໍ້າຖ້ວມ ແລະ ຮັບໃຊ້ເຂົ້າໃນວຽກງານປ້ອງກັນ ກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວ ໄດ້ຮັບກຽດເປັນເຈົ້າພາບ ຈໍານວນ 1 ຕື້ກີບ, ມອບໂດຍ ທ່ານ ກຽງຄໍາ ອິນແພງທະວົງ ຮອງອໍານວຍການ ບໍລິສັດ ບໍລິຫານຈັດການໄຊເບີລາວ ຈໍາກັດ.
ພົທ ກົງທອງ ພົງວິຈິດ ໄດ້ກ່າວສະແດງຄວາມຂອບໃຈ ມາຍັງບໍລິສັດ ບໍລິຫານຈັດການໄຊເບີລາວ ຈໍາກັດ ທີ່ໄດ້ນໍາເອົາເງິນຈໍານວນດັ່ງກ່າວ ມາມອບໃຫ້ກະຊວງປ້ອງກັນຄວາມສະ ຫງົບ ເພື່ອໄປຊ່ວຍເຫຼືອຜູ້ປະສົບໄພນໍ້າຖ້ວມ ແລະ ນໍາໃຊ້ເຂົ້າໃນວຽກ ງານປ້ອງກັນ ກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວໄດ້ຮັບກຽດເປັນເຈົ້າພາບ, ຕາງໜ້າກະຊວງປ້ອງກັນຄວາມສະຫງົບ ໃຫ້ຄໍາໝັ້ນວ່າຈະນໍາໃຊ້ເງິນຈໍານວນດັ່ງກ່າວ ໄປຊ່ວຍເຫຼືອຜູ້ປະສົບໄພໃຫ້ທົ່ວເຖິງ ແລະ ນໍາໃຊ້ເຂົ້າໃນວຽກ ງານປ້ອງກັນ ກອງປະຊຸມສຸດຍອດອາຊຽນ ຮັບປະ ກັນໃຫ້ວຽກງານປ້ອງກັນກອງປະຊຸມຄັ້ງນີ້ ມີຄວາມສະຫງົບປອດໄພ ແລະ ຂໍອວຍພອນໃຫ້ຄະນະອໍານວຍການ ຕະຫຼອດຮອດພະນັກງານ ພາຍໃນບໍລິສັດ ບໍລິຫານຈັດການໄຊເບີລາວ ຈໍາກັດ ຈົ່ງມີສຸ ຂະພາບແຂງແຮງ ແລະ ປະສົບຜົນສໍາເລັດໃນການດໍາເນີນທຸລະກິດ.
