ກໍາລັງຕໍາຫຼວດຈະລາຈອນນະຄອນຫຼວງວຽງຈັນສຸມໃສ່ປະຕິບັດໜ້າທີ່ອໍານວຍຄວາມສະ ດວກໃນການສັນຈອນໄປ-ມາ ໃນໄລຍະດໍາເນີນກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 18 ທີ່ ສປປ ລາວ ເປັນເຈົ້າພາບ.
ພັທ ທອງສະຫວັນ ນາມວົງ ຮອງຫົວໜ້າພະແນກຕໍາຫຼວດຈະລາຈອນນະຄອນຫຼວງວຽງ ຈັນ ໄດ້ໃຫ້ສໍາພາດຕໍ່ສື່ມວນຊົນປ້ອງກັນຄວາມສະຫງົບ ວ່າ: ເພື່ອຮັບປະກັນເຮັດໃຫ້ສະ ພາບການສັນຈອນໃນໄລຍະດໍາເນີນກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 18 ໃຫ້ມີຄວາມສະດວກສະບາຍ.
ພ້ອມນັ້ນ, ພະແນກຕໍາຫຼວດຈະລາຈອນນະຄອນຫຼວງວຽງຈັນ ໄດ້ສົມທົບກັບກອງຮ້ອຍ ຕໍາຫຼວດຈະລາຈອນ 9 ເມືອງ ໃນນະ ຄອນຫຼວງວຽງຈັນ ໂດຍໄດ້ຈັດວາງກໍາລັງປະຈໍາຈຸດ 3 ແຍກ, 4 ແຍກ ແລະ ຈຸດຕ່າງໆທີ່ເຫັນວ່າມີສະພາບການສັນຈອນແອອັດ ນັບແຕ່ສະໜາມ ບິນສາກົນວັດໄຕ ຈົນເຖິງສະຖານທີ່ຈັດກອງປະຊຸມມີ 72 ຈຸດ, ນໍາໃຊ້ກໍາລັງຕໍາຫຼວດຈະລາຈອນທັງໝົດ 200 ກວາ່ສະຫາຍ, ເພື່ອເຮັດໜ້າທີ່ລະບາຍການສັນຈອນ, ອໍານວຍຄວາມສະດວກໃຫ້ແກ່ຄະນະຜູ້ແທນເດີນທາງເຂົ້າຮ່ວມກອງປະຊຸມ, ໄດ້ເອົາໃຈໃສ່ຈັດສັນຄວາມເປັນລະບຽບຮຽບຮ້ອຍຕາມເສັ້ນທາງ, ເຮັດໃຫ້ການໃຊ້ລົດໃຊ້ຖະໜົນຂອງມວນຊົນໃນໄລຍະດໍາເນີນກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 18 ມີຄວາມຄ່ອງຕົວ, ຜ່ານການປະຕິບັດໜ້າທີ່ຕົວຈິງແມ່ນຮັບປະກັນໄດ້ຄວາມສະຫງົບ ແລະ ເປັນລະບຽບຮຽບຮ້ອຍ.
