ກອງປະຊຸມ 4 ພາກສ່ວນ ກ່ຽວກັບການດໍາເນີນຄະດີຕາມຂະບວນຍຸຕິທໍາ ຄັ້ງທີ VII ລະຫວ່າງ ອົງການໄອຍະການປະຊາຊົນສູງສຸດ, ກະຊວງປ້ອງກັນຄວາມສະຫງົບ, ສານປະຊາຊົນສູງສຸດ ແລະ ກະຊວງຍຸຕິທໍາ ໄດ້ຈັດຂຶ້ນໃນວັນທີ 21 ສິງຫາ 2024 ຢູ່ທີ່ອົງການໄອຍະການປະຊາຊົນສູງສຸດ, ໂດຍການເປັນປະທານຮ່ວມຂອງ ທ່ານ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນ ລັດຖະມົນຕີ ກະຊວງປ້ອງກັນຄວາມສະຫງົບ, ທ່ານ ສຈ ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ປະທານສານປະຊາຊົນສູງສຸດ, ທ່ານ ໄຊຊະນະ ໂຄດພູທອນ ກໍາມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ, ທ່ານ ໄພວີ ສີບົວລິພາ ກໍາມະການສູນກາງພັກ ລັດຖະມົນຕີ ກະຊວງຍຸຕິທໍາ, ໂດຍມີ ທ່ານ ປອ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ, ມີບັນດາທ່ານຮອງຫົວໜ້າອົງການໄອຍະການ, ຮອງປະທານສານ, ຮອງລັດຖະມົນຕີ, ແຂກຮັບເຊີນ ຈາກກໍາມາທິການຍຸຕິທໍາ ສະພາແຫ່ງຊາດ, ບັນດາກະຊວງ, ອົງການ, ຄະນະຮັບຜິດຊອບ ແລະ ກອງເລຂາ ເຂົ້າຮ່ວມ.
ກອງປະຊຸມຄັ້ງນີ້, 4 ພາກສ່ວນດັ່ງກ່າວ ໄດ້ພ້ອມກັນສະຫຼຸບຕີລາຄາ ແລະ ປະກອບຄໍາເຫັນຕໍ່ການຈັດຕັ້ງຜັນປະຕິບັດບົດບັນທຶກກອງປະຊຸມ 4 ພາກສ່ວນ ກ່ຽວກັບການດໍາເນີນຄະດີຕາມຂະບວນຍຸຕິທໍາ ຄັ້ງທີ VI ນັບແຕ່ເດືອນກໍລະກົດ 2021 ເປັນຕົ້ນມາ, ເຊິ່ງເຫັນໄດ້ວ່າ ເຖິງຈະມີຂໍ້ຫຍຸ້ງຍາກ, ສິ່ງທ້າທາຍ, ທົດສອບຫຼາຍດ້ານ, ແຕ່ທັງ 4 ພາກສ່ວນ ກໍສາມາດຍາດມາໄດ້ຜົນສໍາເລັດຫຼາຍດ້ານ ເປັນຕົ້ນ: ໄດ້ສຸມໃສ່ປັບປຸງກົງຈັກການຈັດຕັ້ງ, ສັບຊ້ອນພະນັກງານໃຫ້ແທດເໝາະກັບຕົວຈິງ, ສຶກ ສາອົບຮົມການເມືອງ-ແນວຄິດ, ຍົກລະດັບຄວາມຮູ້-ຄວາມສາມາດທາງດ້ານວິຊາສະເພາະ ໃຫ້ແກ່ສະມາຊິກພັກ, ພະນັກ ງານ-ລັດຖະກອນ, ຍົກສູງສະຕິເຄົາລົບ ແລະ ປະຕິບັດກົດໝາຍຕາມຂອບເຂດສິດ ແລະ ໜ້າທີ່ຂອງຕົນເປັນຢ່າງດີ, ໄດ້ສຸມໃສ່ເຮັດວຽກໂຄສະນາເຜີຍແຜ່ກົດໝາຍ ແລະ ນິຕິກໍາທີ່ກ່ຽວຂ້ອງນັບແຕ່ຂັ້ນສູນກາງ ຮອດຂັ້ນທ້ອງຖິ່ນ.
ພ້ອມນີ້, ຍັງໄດ້ເອົາໃຈໃສ່ປັບປຸງກົນໄກປະສານສົມທົບເຊິ່ງກັນແລະກັນ ແລະ ຮ່ວມກັບພາກສ່ວນອື່ນທີ່ກ່ຽວຂ້ອງ, ພ້ອມກັນປຶກສາຫາລື, ແລກປ່ຽນບົດຮຽນ ເພື່ອແກ້ໄຂຄະດີທີ່ມີຄວາມຫຍຸ້ງຍາກສັບສົນ ໃຫ້ມີຄວາມຖືກຕ້ອງ ແລະ ສອດຄ່ອງກັບກົດ ໝາຍ, ສ້າງຄວາມເຊື່ອໝັ້ນ ແລະ ໄວ້ວາງໃຈຈາກພັກ-ລັດ, ປະຊາຊົນລາວບັນດາເຜົ່າ ຕໍ່ການດໍາເນີນຄະດີຕາມຂະບວນຍຸຕິທໍາ ກໍຄື ລະບົບຍຸຕິທໍາ ຂອງ ສປປ ລາວ ຫຼາຍຂຶ້ນ.
ນອກນີ້, ກອງປະຊຸມ ຍັງໄດ້ຕົກລົງເປັນເອກະພາບໃນບັນຫາກົດໝາຍ ແລະ ການດໍາເນີນຄະດີທັງໝົດທີ່ເປັນບັນຫາສະ ເພາະຂອງແຕ່ລະພາກສ່ວນ ແລະ ບັນຫາລວມຂອງ 4 ພາກສ່ວນ ທີ່ຕ້ອງໄດ້ພ້ອມກັນປະຕິບັດໃນຕໍ່ໜ້າ ໂດຍກຳນົດເປັນບົດບັນທຶກຮ່ວມ 4 ພາກສ່ວນ ກ່ຽວກັບການດໍາເນີນຄະດີຕາມຂະບວນຍຸຕິທໍາ ຄັ້ງທີ VII ແລະ ໄດ້ລົງນາມຮ່ວມກັນ ເພື່ອເປັນບ່ອນອີງໃນການປະສານງານ, ການແກ້ໄຂຄະດີໃຫ້ຖືກຕ້ອງ ແລະ ປະຕິບັດເປັນເອກະພາບ ນັບແຕ່ສູນກາງລົງຮອດທ້ອງຖິ່ນ.
