ໃນວາລະດໍາເນີນກອງປະຊຸມສະຫຼຸບວຽກງານການຈັດຕັ້ງປະຕິບັດຄໍາສັ່ງເລກທີ 563/ປກສ ວ່າດ້ວຍການຂຶ້ນບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດ ໃນຂອບເຂດທົ່ວປະເທດ ທີ່ຈັດຂຶ້ນໃນວັນທີ 8 ສິງຫາ 2024ຜ່ານມາ, ຢູ່ທີ່ສະໂມ ສອນກະຊວງ ປກສ, ເປັນປະທານໂດຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະ ມົນຕີ ລັດຖະມົນຕີກະຊວງ ປກສ.
ຜູ້ເຂົ້າຮ່ວມກອງປະຊຸມທີ່ຕາງໜ້າມາຈາກບັນດາກະຊວງ-ອົງການທຽບເທົ່າກະຊວງ, ຫ້ອງວ່າການກະຊວງ, ກົມໃຫຍ່, ກົມ-ກອງອ້ອມຂ້າງກະຊວງ, ກອງບັນຊາການ ປກສ ນະຄອນຫຼວງ, ບັນດາກອງບັນຊາການ ປກສ ແຂວງ ໃນຂອບເຂດທົ່ວປະ ເທດ ແລະ ພາກສ່ວນທີ່ກ່ຽວຂ້ອງແມ່ນໄດ້ ຂຶ້ນລາຍງານ ແລະ ປະກອບຄໍາຄິດເຫັນຕໍ່ກັບການຈັດຕັ້ງປະຕິບັດປະຕິບັດຄໍາສັ່ງເລກທີ 563/ປກສ ວ່າດ້ວຍການບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດ ໃນໄລຍະຜ່ານມາ ແລະ ທິດທາງແຜນ ການຈັດຕັ້ງປະຕິບັດໃນຕໍ່ໜ້າຂອງຂະແໜງການຕົນ, ພ້ອມທັງຍົກໃຫ້ເຫັນບັນດາຂໍ້ສະດວກ, ຂໍ້ຫຍຸ້ງຍາກ ແລະ ຂໍ້ສະເໜີບາງດ້ານ ໃນການການຈັດຕັ້ງປະຕິບັດປະຕິບັດຄໍາສັ່ງເລກທີ 563/ປກສ ວ່າດ້ວຍການ ຂຶ້ນບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດ ໃນນີ້, ພົທ ສຸວອນ ເລືອງບຸນມີ ຮອງປະທານສະພາແຫ່ງຊາດ ໄດ້ມີຄໍາເຫັນສະເໜີຕໍ່ກອງປະຊຸມຄັ້ງນີ້ເຊິ່ງບາງຕອນທ່ານກ່າວວ່າ: ທຸກຂະແໜງການອ້ອມຂ້າງສູນກາງ ແລະ ທ້ອງຖິ່ນຕ້ອງໄດ້ພ້ອມກັນຄົ້ນຄ້ວາ, ວາງແຜນການ ແລະ ມີຄວາມຕັດສິນໃຈສູງ, ເພີ່ມທະວີຄວາມເອົາໃຈໃສ່ຮັບຜິດຕອບຕໍ່ກັບການຈັດຕັ້ງຜັນຂະຫຍາຍປະຕິບັດຄໍາສັ່ງເລກທີ 563/ປກສ ວ່າດ້ວຍການຂື້ນບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດ ໃຫ້ກວ້າງຂວາງ ແລະ ເລິກເຊິ່ງ ເພື່ອເຮັດໃຫ້ການຈັດຕັ້ງເຄື່ອນໄຫວປະຕິບັດຄຳສັ່ງດັ່ງກ່າວໄດ້ຮັບຜົນສຳເລັດ ໃຫ້ຄະນະຮັບຜິດຊອບໃນການເກັບກູ້ອາວຸດເສິກ ແລະ ວັດຖຸລະເບີດ ຈົ່ງເອົາໃຈໃສ່ວຽກງານກວດກາຢ່າງເຂັ້ມງວດ, ເພີ່ມທະວີໃນການປະສານງານລະຫວ່າງ ຄະນະຮັບຜິດຊອບຂອງແຕ່ ລະຂະແໜງການທີ່ກ່ຽວຂ້ອງນັບແຕ່ສູນກາງຮອດທ້ອງຖິ່ນຢ່າງກົມກຽວ ເພື່ອເຮັດໃຫ້ການຈັດຕັ້ງປະຕິບັດມີຄວາມເປັນເອ ກະພາບ, ຖືກຕ້ອງ, ສອດຄອງ ແລະ ເຂັ້ມງວດ.
ພາຍຫຼັງ, ພົທ ສຸວອນ ເລືອງບຸນມີ ຮອງປະທານສະພາແຫ່ງຊາດ ມີຄໍາເຫັນແລ້ວ, ພົຕ ສຸລິນະ ແກ້ວປະເສີດ ຫົວໜ້າຫ້ອງວ່າການກະຊວງ ປກສ ກໍໄດ້ຕາງໜ້າຫ້ອງວ່າການກະຊວງ ປກສ ມີຄໍາເຫັນ ໂດຍທ່ານໄດ້ຍົກໃຫ້ເຫັນຜົນງານ, ຂໍ້ສະດວກ, ຂໍ້ຫຍຸ້ງຍາກ ແລະ ບາງວຽກງານທີ່ສໍາຄັນທີ່ຫ້ອງວ່າການກະຊວງ ປກສ ໄດ້ມີການຈັດຕັ້ງປະຕິບັດ. ໃນໄລຍະຜ່ານມາ ຫ້ອງວ່າການກະຊວງ ປກສ ໄດ້ສຸມໃສ່ປະຕິບັດພາດລະບົດບາດ, ສິດໜ້າທີ່ຂອງຕົນຢ່າງຕັ້ງໜ້າ ເຮັດໃຫ້ການຈັດຕັ້ງປະຕິບັດວຽກງານການຂຶ້ນບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດ ໃນຂັ້ນຂອງຕົນ ຮັບຜິດຊອບ ດໍາເນີນໄປຢ່າງມີປະສິດທິພາບ. ໃນນີ້, ໄດ້ສຸມໃສ່ໃນການຄົ້ນຄວ້າ, ສ້າງ, ປັບປຸງນິຕິກໍາ ເພື່ອເປັນບ່ອນອີງໃຫ້ແກ່ເຈົ້າໜ້າທີ່ຕໍາຫຼວດ ແລະ ພາກສ່ວນທີ່ກ່ຽວ ຂ້ອງ ໄດ້ມີການເຄື່ອນໄຫວຂື້ນບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດ ຢ່າງຖືກຕ້ອງ ແລະ ສອດຄອງກັບລະ ບຽບຫຼັກການ.
ນອກຈາກນີ້, ຜູ້ຕາງໜ້າທີ່ມາຈາກບັນດາກະຊວງ-ອົງການທຽບເທົ່າ, ກົມໃຫຍ່, ກົມ-ກອງອ້ອມຂ້າງກະຊວງ, ກອງບັນຊາ ການ ປກສ ນະຄອນຫຼວງ, ບັນດາກອງບັນຊາການ ປກສ ແຂວງ ໃນຂອບເຂດທົ່ວປະເທດ ແລະ ພາກສ່ວນທີ່ກ່ຽວຂ້ອງ ກໍຍັງໄດ້ປະກອບຄໍາເຫັນຕື່ມອີກ ເຊິ່ງແຕ່ລະພາກສ່ວນໄດ້ຍົກໃຫ້ເຫັນເຖິງຜົນງານ, ດ້ານດີ, ດ້ານອ່ອນ, ຂໍ້ຄົງຄ້າງ ລວມທັງຂໍ້ສະ ດວກ ແລະ ຂໍ້ຫຍຸ້ງຍາກ ໃນການປະຕິບັດຄໍາສັ່ງເລກທີ 563/ປກສ ວ່າດ້ວຍການຂຶ້ນບັນຊີເກັບກູ້, ຄຸ້ມຄອງອາວຸດເສິກ ແລະ ວັດຖຸລະເບີດ ໃນໄລຍະຜ່ານມາ, ພ້ອມທັງສະເໜີບາງບັນຫາທີ່ສໍາຄັນໃນການຈັດຕັ້ງປະຕິບັດໃນຕໍ່ໜ້າໃຫ້ມີປະສິດທິຜົນ.
