ກະຊວງປ້ອງກັນຄວາມສະ ຫງົບ ຈັດກິດຈະກໍາປູກຕົ້ນໄມ້ເນື່ອງໃນໂອກາດວັນເດັກນ້ອຍສາ ກົນ ຄົບຮອບ 100 ປີ ແລະ ວັນປູກຕົ້ນໄມ້ແຫ່ງຊາດ ຄົບຮອບ 44 ປີ, ໃນຕອນເຊົ້າ ວັນທີ 1 ມິຖຸນາ 2024 ນີ້ ທີ່ວິທະຍາຄານການເມືອງປ້ອງກັນຄວາມສະ ຫງົບ,ໂດຍການໃຫ້ກຽດເຂົ້າຮ່ວມຂອງ ທ່ານ ປອ ບຸນທອງ ຈິດມະນີ ຮອງປະທານປະເທດ, ພົອ ວິໄລ ຫຼ້າຄໍາຟອງ ຮອງນາ ຍົກລັດຖະມົນ ຕີ ລັດຖະມົນຕີກະຊວງປ້ອງກັນຄວາມສະຫງົບ, ມີຮອງລັດຖະ ມົນ, ຫົວໜ້າກົມໃຫຍ່, ນາຍຕໍາຫຼວດຂັ້ນນໍາພາ-ບັນຊາກົມກອງອ້ອມຂ້າງກະຊວງປ້ອງກັນຄວາມແລະ ແຂກຮັບເຊີນ, ຄູ-ອາຈານ ແລະ ນັກສຶກສາເຂົ້າຮ່ວມ.
ພົທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ກ່າວເປີດພິທີຢ່າງເປັນທາງການວ່າ: ເພື່ອເປັນການປົກປັກຮັກສາຊັບພະຍາກອນປ່າໄມ້ໃຫ້ມີຄວາມຍືນຍົງ ແລະ ອຸດົມສົມບູນຂຽວງາມ, ນໍາໃຊ້ໄດ້ຍາວນານ ແລະ ເພື່ອເພີ່ມເນື້ອທີ່ຂອງປ່າໄມ້ ໃຫ້ກວມຫຼາຍກວ່າ 70% ຕາມຄາດໝາຍທີ່ມະຕິກອງປະຊຸມໃຫຍ່ ຄັ້ງທີ XI ຂອງພັກ ກໍຄືແຜນພັດ ທະນາເສດຖະກິດ-ສັງຄົມ 5 ປີ ຄັ້ງທີ IX ໄດ້ກຳ ນົດໄວ້ໃຫ້ປະກົດຜົນເປັນຈິງເວົ້າລວມ, ເວົ້າສະເພາະແມ່ນເພີ່ມເນື້ອທີ່ປົກຫຸ້ມສີຂຽວ ກວມອັດຕາສູງຂຶ້ນ, ສ້າງລະບົບນິເວດ ແລະ ສະພາບແວດລ້ອມທໍາມະຊາດໃຫ້ມີຄວາມຊຸ່ມຊື່ນ, ອຸດົມສົມບູນ, ຂຽວສົດງົດງາມ, ຊ່ວຍຕ້ານ ແລະ ຫຼຸດຜ່ອນຜົນກະທົບ ຈາກໄພພິບັດທຳມະຊາດ, ພ້ອມກັນນັ້ນ ກໍເປັນການປູກຈິດສໍານຶກໃຫ້ນາຍ ແລະ ພົນຕຳຫຼວດ ເຫັນໄດ້ຄວາມສໍາຄັນແລະ ພ້ອມກັນຖະນຸຖະໜອມຮັກສາຕົ້ນໄມ້ໃຫ້ມີຄວາມສວຍສົດງົດງາມ, ເພື່ອເປັນການຮັກສາສະ ພາບແວດລ້ອມ, ຮັກສາໄດ້ລະບົບວິເວດວິທະຍາໃຫ້ມີຄວາມສົມ ດຸນ, ໂດຍເນັ້ນ ໃສ່ການຢູ່ຮ່ວມກັບທຳມະຊາດຢ່າງກົມກຽວ ແລະ ຢືນຍົງ.
ຕົ້ນໄມ້ທີ່ນໍາມາປູກໃນຄັ້ງນີ້ປະກອບມີ: ຕົ້ນໄມ້ອຸດສາຫະກຳ ແລະ ຕົ້ນໄມ້ກິນໝາກຈໍານວນໜຶ່ງນອກຈາກນີ້ແລ້ວກໍຍັງໄດ້ມອບໃຫ້ແຕ່ລະກົມກອງອ້ອມຂ້າງກະຊວງ, ກອງບັນຊາການຂອບ ເຂດທົ່ວປະເທດສືບປູກຕື່ມອີກ ແລະ ພ້ອມນີ້ການນໍາພັກ-ລັດ ແລະ ການນໍາກະຊວງປ້ອງກັນຄວາມສະຫງົບພ້ອມດ້ວຍແຂກຮັບເຊີນຍັງໄດ້ຮ່ວມປ່ອຍປາ ຈໍານວນ 4,000 ກວ່າໂຕລົງໜອງວິທະຍາຄານການເມືອງປ້ອງກັນຄວາມສະຫງົບຕື່ມອີກ.
ພາບ: ບຸນພະຈັນ
ຂ່າວ: ແກ້ວ
